Selemia 3:9 - Tosi Tapu

⁹ I lana faiaga fakasasa, na fakakelekele e Iselaele loku fenua, talie na faiaga a ia mo le fatu mo le laakau.

Selemia 3:9 ပူးပေါင်းရင်းမြစ်များ

Esaia 57:3

Kae ko koutou ake ala, kotou fakafeofi mai ki leinei, vosa o le fafine fai nea fakatemonio, Sakoga o le fafine tono mo faiaga !

Esaia 57:6

E maua lou vaega i fatu momole o liua, Ko lena, ko lena lou vaega ; Ko latou ana e ke liligi ki ai ni moliga vino, E ke fai ki ai ni moliga : Pe mafai ke kau tuku noa a nea ana ?

Selemia 10:8

Ko latou fuli fakatasi, e lotou sala atamai mo valelea ; E leaise uiga lolatou poto, ko se laakau a ia !

Selemia 16:18

E kau uluaki soli loa kia latou le totogi o lalatou agaveli mo lalatou agasala o liuga lua, O tupu na lotou fakakelekele loku fenua, O tupu na lotou fakaapele loku tofiga Ki alatou taulaatua mamate ti mo olatou atua fakalialia.

Selemia 2:27

E lotou pati ki le laakau : Ko loku tamana a koe ! Ti ki le fatu : Na ke soli mai kiate au le mauli ! Talie e lotou titua mai kiate au, E leaise lotou agaaga mai kiate au. Ti ka lotou nofo i le malaia, E lotou pati : Tuu ki aluga, o fakamauli matou !

Selemia 2:7

Na kau aumai koutou ki se fenua e faipe se faisaga laakau fua, Ke kotou kai a fua o laakau ti mo fua malilie o le kele. Kae na kotou au, ti na kotou fakakelekele loku fenua, Ti na kotou fakaliliu loku tofiga ko se nea fakalialia.

Selemia 3:2

Siki ou mata ki ganea taualuga, O tio ki ganea fuli ala na ke faiaga ai ! Na ke talitali i ala, ofaipe le tagata Alape i le toafa, Ti na ke fakakelekele le fenua ki au faiaga mo lou agaveli.

Esekiele 16:17

Na ke too loa lou teu fulumalie leia na fai ki le aulo mo le siliva, leia na kau soli atu kiate koe, ti na ke fai loa ki ai ni fakatata o ni tagata, ti na ke faiaga loa kia latou.

Esekiele 23:10

Na lotou tio ki lona telefua, Na lotou too ona vosa mo ona taineliki, Na lotou tamate a ia totonu ki le seleta ; Na logologona a ia i fafine, O tupu ko tautea ala na fai kiate ia.

Esekiele 23:21

Na ke manatu ki agasala i lou ikiiki, I le temi leia na kukumi ai e tagata Esipito ou u, ti na lotou amosi lou manava fakataupoou.

Esekiele 23:3

Na la faiaga i Esipito, Na la faiaga i lola temi tupulaga ; I lena na amoamo ai ola u, I lena na fafa ai ki ola manava fakafafine taupoou.

Oseo 2:2

E fakatasi loa fanau o Suta mo fanau o Iselaele, ti e lotou filifili loa se pule kia latou, ti e lotou mavae loa i le fenua ; talie e fakaii loa le aso o Siseleele.

Oseo 4:12

E afa e loku kakai ki lona taulaatua ; Ti ko lana potu laakau leia e tali kiate ia ; Talie e fakasese le laumalie o le faifeauaki, Ti e fakamamao e ia latou i lolatou Atua.

Soele 1:19

Oi Eteleno, ko koe leia e kau tagi ki ai ! Talie kua tutu e le afi le mutie o le toafa, Ti kua tutu e le ula a laakau fuli o le vao.

Apakuki 2:19

Malaia ki leia e pati ki le laakau : Tuu ki aluga ! Ki se fa fatu gutu mate : Alaala ! Pe fakasa loa e ia se nea ? Ko leinei, e teuteui a ia ki le aulo mo le siliva, Kae e leaise maua iate ia se laumalie leia e fakamauli ia a ia.

Mateo 5:32

Kae ko au, e kau pati atu kia koutou ko le tagata leia e kapu ia lona avaga, (gato fai mo kapau na tono a ia mo se tagata), e tuku e ia lona avaga ke tono mo se tasi ake tagata ; ti ko le tagata leia e avaga loa mo se fafine leia na kapu e lona avaga e fai ia loa se tono mo le fafine lena.