Selemia 3:8 - Tosi Tapu

⁸ Logo ai na kau kapu le fafine agatuu ko Iselaele, o tupu ko ana faiaga fuli, ti na kau soli kiate ia lona tosi mavete, na kau tio na leaise maua fuai e lona taina kaka ko Suta se i, kae na toe ano foki mo ia, o toe faiaga.

Selemia 3:8 ပူးပေါင်းရင်းမြစ်များ

Lua tosi o Koloniko 21:11

Na toe fai foki e Solame ni ganea taualuga i mauga o Suta ; na toe eke fakamakeke foki e ia le kakai o Selusalemi ke fai feauaki ki taulaatua, ti na fakasesei loa e ia a Suta.

Esaia 50:1

Ko leinei le folafola a le Eteleno : Kofea le tosi mavete leia na kau fakafiti ai ki lokoutou tinana ? Pe ko ai ia latou ala na kau tuu maua ki ai na kau fakatau koutou ki ai ? Ko leinei, na fakatau koutou o tupu ko akoutou agaveli. Ti na kapu lokoutou tinana o tupu ko akoutou agasala.

Selemia 2:19

E tautea loa a koe e lou agaveli, ti e taai loa a koe e lou agatuu. E ke iloa loa ti e ke tio loa ko se nea veli mo kona Le tiaki o le Eteleno, lou Atua, Ti mo le leaise maua se i kiate au, E pati le Aliki, le Eteleno o kau tau.

Selemia 3:1

E pati a ia : Ka kapu e se tagata lana avaga, Ti e mavae le fafine iate ia, o toe avaga mo se tasi ake tagata, Pe toe liliu loa le uluaki tagata kiate ia ? Leai ! Talie e kelekele loa i ai le fenua. Kae ko koe, Iselaele, na ke faiaga mo ni kau mamana toka api, Ti e ke loto loa ke ke toe liliu mai kiate au ! e pati le Eteleno.

Selemia 33:24

Pe na ke fakatokagai le nea leia na pati ki ai a kakai ana : Ko famili ala e lua na filifili e le Eteleno, kua tiaki e ia laua ? Koia e lotou gologolo ai ki loku kakai, Ti e leaise koi lotou tio kiate ia ofaipe se puleaga.

Selemia 5:7

Kolea e kau fakamolemole ai loa kiate koe ? Na tiaki au e au fanau, Ti e lotou fakapapau i ni atua ala e leaise ko ni atua. Na kau fagai latou ke makokona, kae na lotou faiaga, E lotou tanaki fuli i le fale o le fafine faiaga.

Esekiele 16:46

Ko lou taina mua, leia e nofo i lou fetuu sema, ko Samalia mo ona taineliki ; ti ko lou ga taina ikiiki, leia e nofo i lou fetuu atamai, ko Sotoma mo ona taineliki.

Esekiele 16:47

Na leaise gato fua i lau saele i olatou ala, ti mo lau fai alatou nea fakalialia, na leaise feauga a nea ana kiate koe ; kae na ke toe veli oki ake ia laua i ou ala fuli.

Esekiele 16:51

Na leaise fai e Samalia le vaelua o au agasala ; talie na lasi ake au nea fakalialia i ana nea fakalialia ; ti na mata agatonu ake ou fetaina iate koe, o tupu ko nea fakalialia fuli ala na ke fai.

Esekiele 23:44

Ti na au loa kiate ia ofaipe le ano ki se fafine faiaga ; Na fenaaki le ano kia Olola mo Ololipa, Ko ni fafine fakalialia.

Esekiele 23:9

Koia na kau tuku ai a ia ki lima o ana feauaki, Ki lima o fanau o Asilia, Ala na oli makeke a ia ki ai.

Oseo 3:4

Talie e nonofo loa a fanau o Iselaele o fualoa sala sau, mo sala pule, mo sala sakilifisio, mo sala fatu mauiga, mo sala efote, ti mo sala telafimi.

Tetelonome 24:1

Kapau na too loa e se tagata se fafine o avaga mo ia, ti soko loa kua puli le alofa o le tagata ki le fafine, talie na maua loa e le tagata i lona avaga se nea fakalumaluma : E fai loa e le tagata se tosi mavete o tuku ki lima o le fafine, ti e kakau loa e ia le fafine ke mavae i lona kaiga.

Tetelonome 24:3

Kapau e vesia loa le tagata fakamuli leinei kiate ia, ti e toe fai loa e ia se tosi mavete, o tuku loa ki lima o le fafine ti kakau loa e ia le fafine ke mavae i lona kaiga, pe mate loa le tagata fakamuli leinei na toe avaga mo le fafine,