Selemia 3:7 - Tosi Tapu

⁷ Na kau pati loa : E tafoki mai loa a ia kiate au, i le oki o lana fai o nea fuli ana. Kae na leaise tafoki mai a ia kiate au. Ti na fakamaoki ki ai lona taina kaka ko Suta.

Selemia 3:7 ပူးပေါင်းရင်းမြစ်များ

Lua tosi o Koloniko 17:4

talie na afa loa e ia le Atua o lona tamana, ti na muli loa a ia ki ana fakatotonu, ti na leaise faifaitaki loa a ia ki nea ala na fai e Iselaele.

Selemia 12:1

Eteleno, e ke faitotonu ai, ti e leaise mafai ke kau fakavisi kiate koe ; Kae e kau loto ke kau masau atu kiate koe o uiga mo au fakamaau : Kolea e manuia ai le ala o tagata agaveli ? Kolea e fimalie ai latou ala e fai kaka lasi ?

Selemia 33:24

Pe na ke fakatokagai le nea leia na pati ki ai a kakai ana : Ko famili ala e lua na filifili e le Eteleno, kua tiaki e ia laua ? Koia e lotou gologolo ai ki loku kakai, Ti e leaise koi lotou tio kiate ia ofaipe se puleaga.

Selemia 5:11

O tupu na agatuu kiate au le fale o Iselaele mo le fale o Suta, E pati le Eteleno.

Esekiele 16:46

Ko lou taina mua, leia e nofo i lou fetuu sema, ko Samalia mo ona taineliki ; ti ko lou ga taina ikiiki, leia e nofo i lou fetuu atamai, ko Sotoma mo ona taineliki.

Esekiele 16:47

Na leaise gato fua i lau saele i olatou ala, ti mo lau fai alatou nea fakalialia, na leaise feauga a nea ana kiate koe ; kae na ke toe veli oki ake ia laua i ou ala fuli.

Oseo 11:7

E pipiki loku kakai ke fakamamao iate au ; E toe fakamanatu kia latou le Taualuga, Kae e leaise tasi fua ia latou e fakavikiviki kiate ia.

Oseo 14:1

Iselaele, toe liliu mai ki le Eteleno, lou Atua, Talie kua ke vilo o tupu ko lau agaveli.

Amosi 4:8

Na ano ni kolo e lua, e tolu foki, ki se tasi ake a kolo o inu i ai se ga vai, Kae na leaise lotou mau foki. Kae logo ai le nea lena, na leaise kotou toe liliu mai kiate au, e pati le Eteleno.

Malakia 2:11

Na leaise agatonu a Suta, Ti na fai se nea fakalialia i Iselaele mo Selusalemi ; Talie na fakakelekele e Suta le nea leia na fakatapu ki le Eteleno, le nea leia e fiafia ai le Eteleno : Na avaga a ia mo le taine o se atua kese.