Selemia 3:6 - Tosi Tapu

⁶ Na pati mai loa le le Eteleno kiate au, i le temi o le sau ko Sosiasi : Pe kua ke tio ki le nea leia kua fai e le fafine agatuu ko Iselaele ? Kua ano a ia ki mauga taualuga fuli ti mo lalo o laakau lalasi fuli, ti kua faiaga a ia i ai.

Selemia 3:6 ပူးပေါင်းရင်းမြစ်များ

Uluaki tosi o Sau 14:23

Talie na lotou toe laga foki kia latou ni potu taualuga, mo ni fakatata, ti mo ni taulaatua, i tumutumu o mauga liliki fuli ti mo lalo o laakau sesega fuli.

Lua tosi o Koloniko 34:1

Na fetuu valu Sosiasi i le temi na sau ai loa, ti na sau loa a ia i fetuu e kau tolu tupu tasi i Selusalemi.

Pesalemo 106:39

Na lotou fakakelekele loa latou ki alatou gaoi, Na lotou faiaga loa ki alotou gaoiaga.

Esaia 57:3

Kae ko koutou ake ala, kotou fakafeofi mai ki leinei, vosa o le fafine fai nea fakatemonio, Sakoga o le fafine tono mo faiaga !

Esaia 57:7

E ke teuteu lou moeaga i se mauga taualuga, Ti e ke pale foki ki ai o momoli au failaulau.

Selemia 1:2

Na tuku mai loa kiate ia le folafola a le Eteleno, i le temi o Sosiasi, vosa o Amone, ko le sau o Suta, i le fetuu kau agafulu tupu tolu o lona sau,

Selemia 11:10

Kua lotou toe liliu ki agasala o olatou uluaki tamana, Ala na leaise fia fakalogo ki aku folafola, Ti na lotou ano ki ni iki ake atua kese, o tausi latou. Na maumaui e le fale o Iselaele mo le fale o Suta laku sai, Leia na kau fai mo olatou tamana.

Selemia 17:2

E tatau lalatou manatu ki alatou fanau mo lalatou manatu ki olatou aletale Ti mo olatou taulaatua o Asetalate i tafa o laakau lalasi, I mauga liliki taualuga.

Selemia 3:8

Logo ai na kau kapu le fafine agatuu ko Iselaele, o tupu ko ana faiaga fuli, ti na kau soli kiate ia lona tosi mavete, na kau tio na leaise maua fuai e lona taina kaka ko Suta se i, kae na toe ano foki mo ia, o toe faiaga.

Selemia 31:22

E kaku loa kiafea lau eva, taine agatuu ? Talie e fakatupu e le Eteleno se nea foou i le malama nei : E afa loa e le fafine le tagata.

Selemia 5:11

O tupu na agatuu kiate au le fale o Iselaele mo le fale o Suta, E pati le Eteleno.

Selemia 7:24

Kae na leaise lotou fakalogo, Na leaise lotou fakatokaga fua olatou taliga ; Na lotou mulimuli ki tokoi mo oli o lolatou loto veli, Ti na lotou liliu ki muli kae na leaise lotou ano ki mua.

Esekiele 16:31

I le temi leia na ke fakatuu ai ou fale faiaga i uluaga o ala fuli, i le temi leia na ke teuteui ai ni ganea taualuga i lapalasi fuli, na leaise ke fai fua pe le fafine faiaga leia e afa ia sona totogi.

Esekiele 16:35

Koia, fafine faiaga, fakalogo mai ki le folafola a le Eteleno !

Esekiele 20:28

Na kau taki latou ki le fenua leia na kau fakapapau ke soli kia latou, kae na lotou tio ki ona potu taualuga fuli mo laakau sesega fuli ; ti na lotou fai loa i ai alatou failaulau, ti na lotou momoli loa i ai alatou moliga ala na fakatupu ia loku sausau, ti na lotou tutu loa i ai alatou kaloni manogi malie, ti na lotou liligi loa i ai lalatou lolo.

Esekiele 23:11

Na tio ki le nea lena lona taina ko Ololipa, Na toe asilisili ake loa lona valevalea iate ia. Na fakalaka ake loa ana faiaga i la o lona taina.

Esekiele 23:4

Na igoa le uluaki ko Olola, Ti ko lona taina ko Ololipa. Na kau avaga mo laua toka lua, Ti na la fanaui ni vosa mo ni taineliki kiate au. Ko Olola, ko Samalia ; Ko Ololipa, ko Selusalemi.

Oseo 11:7

E pipiki loku kakai ke fakamamao iate au ; E toe fakamanatu kia latou le Taualuga, Kae e leaise tasi fua ia latou e fakavikiviki kiate ia.

Oseo 4:13

Kua lotou fai ni failaulau i tumutumu o mauga, Kua lotou tutu le iseso i aluga o mauga liliki, I lalo o laakau lalasi, mo sene, mo popelie, mo telepate, Ala e malie olatou malu. Koia leia e faifeauaki ai okoutou taineliki, Ti e tono tagata okoutou fugao.

Tuifakamaau 2:17

Kae na leaise lotou fakalogo foki ki olatou tui fakamaau, talie na lotou tausi loa ki ni atua kese, ti na lotou punou loa i olatou mua. Na lotou maliu vave ai mei le ala leia na saele ai olatou tamana ala na fakalogo ki folafola a le Eteleno : Na lotou fai loa ni nea faikese.