Selemia 3:5 - Tosi Tapu

⁵ Pe taofi loa e ia lona sausau kiate au o lee gato ? Pe taupau loa e ia lona loto veli kiate au o lee gato ? Io, e ke pati fenaaki i lou gutu, kae e leaise gato lau faiaga ! Kua ke masani ai.

Selemia 3:5 ပူးပေါင်းရင်းမြစ်များ

Lua tosi o Koloniko 29:10

Koia kua kau manatu ai ke fai se sai mo le Eteleno, o tupu ke maliu ai lona sausau lasi ia tatou.

Pesalemo 85:5

Ei Atua ko lomatou fakamauli, toe fakamauli matou ! Fakagato lou sausau kia matou !

Pesalemo 85:6

Pe ke ita loa kia matou o lee gato ? Pe sosolo loa lou ita i tautupu fuli ?

Esaia 57:16

E leaise kau loto ke valoki o lee gato, Pe ke taofi se sausau lee gato, Kae i oku mua e vivilo a laumalie i le gaegae, A laumalie ala na kau fai.

Esaia 64:9

Kua liliu ou kolo maokioki ko se toafa ; Kua liliu Sione ko se toafa, Ti kua lavaki Selusalemi.

Selemia 3:12

Ano, kalaga a masau anei ki le potu noleto, o pati : E pati le Eteleno : Tafoki mai kiate au, fafine agatuu ko Iselaele ! E leaise kau tio fakaitaita loa kia koutou, Talie e kau manava alofa, E leaise kau taupau loku sausau o lee gato.

Selemia 8:5

Ti kolea e sese tuumau ai le kakai leinei o Selusalemi ? E lotou tuu makeke i le kaka, E lotou fakafiti ke tafoki.

Selemia 8:6

E kau tokaga, ti e kau fakalogo : E leaise lotou masau ki le nea leia e tonu ke lotou masau ki ai ; E leaise fakasemala se tasi ki lana agaveli, O pati : Kolea na kau fai ia ? E lotou toe makape fuli, Ofaipe se osi leia e makape ki le tau.

Esekiele 22:6

Ko leinei, i loto malie o ou, kua fakaaoga e pule fuli o Iselaele lolatou makeke ke liligi ia le toto ;

Mikea 2:1

Malaia kia latou ala e fakakaukau ia le agaveli mo teuteu ia le veli i olatou moeaga ! I le mafoata e lotou fai a ia, Mo ka e lotou maua ia le pule i olatou lima.

Mikea 7:3

Kua poto olatou lima i le fai o le veli : Kua fakamakeke e le aliki ni nea alofa, Kua fakamaua e le tui fakamaau se totogi, Kua fakasa e le tagata lasi lona manumanu, Ti kua lotou kau fakatasi fuli latou ana.