Selemia 3:3 - Tosi Tapu

³ Koia na taofi ai a ua ke aua na to, Ti na leaise maua ai se ua i le temi fakatutupu o laakau ; Kae na leaise gato lau faiaga, Ti na leaise ke luma.

Selemia 3:3 ပူးပေါင်းရင်းမြစ်များ

Senesi 19:34

I leia ake a aso, na pati loa le uluaki ki le muli : Ko leinei na kau momoe mo lota tamana i le po kua sili ; ke ta toe fakainu se vino kiate ia i le po leinei, ti ke ano loa a koe o momoe mo ia, o tupu ke maua se sakoga ki lota tamana.

Neemia 9:17

ti na lotou patigataa loa, ti na lotou galoi loa a nea malilie ala na ke fai kia latou. Na lotou fakafefeka loa olatou loto ; i lolatou fakatutuu, na lotou filifili loa se pule kia latou, ke lotou toe liliu ki le popula. Kae ko koe ko se Atua leia e loto fakamolemole, mo manava alofa, leia e leaise ita vave, ti e mou koloa i le agamalie, o leaise ke tiaki loa latou,

Taagapati 21:29

E too le tagata agaveli ni mata mamalu ; Kae e fakamakeke e le tagata agatonu lona ala.

Esaia 5:6

E kau tuku loa a ia ke lusa ; e leaise toe koti loa ona laa, pe toe fai loa ki ai se gaoi ; E sosomo loa a vao mo malualoi i ai ; Ti e kau fakatotonu loa ki ao, Ke aua na lotou toe fakato ia se ua ki ai.

Selemia 14:1

Na tuku loa le folafola a le Eteleno kia Selemia, i le taulaa.

Selemia 14:22

Pe i ai ni iki i taulaatua o atu puleaga e mafai ke fakato ia se ua ? Pe feala ke soli e le lagi le ua ? Pe leaise ko koe fai, Eteleno, lomatou Atua ? E motou amanaki malie ai kiate koe, Talie ko koe leia na fai ia a nea fuli ana.

Selemia 14:3

E kakau e le kau lalasi latou ala e liliki, ke ano o asu vai, Ti e ano le kau liliki ki fa tane, kae e leaise lotou maua se vai, Ti e lotou toe liliu mo alatou fagu mamasa ; E lotou uufi olatou ulu i lolatou luma.

Selemia 14:4

Kua mafaafaa le kele Talie e leaise to se ua i le fenua, Ti kua luma le kau gaoi kele ti kua lotou pulou olatou ulu.

Selemia 36:2

Too se tosi, o tosi i ai a folafola fuli ala kua kau tuku atu kiate koe o uiga mo Iselaele, mo Suta, mo puleaga fuli, mei le aso leia na kau kamata masau ai kiate koe, i le sau o Sosiasi o kaku mai ki le aso nei.

Selemia 5:24

E leaise lotou pati i olatou loto : Ke tou i ki le Eteleno, lotatou Atua, Leia e soli ia le ua i lona temi Le ua i mua mo le ua i muli, Ti e taupau ia kia tatou a vasaa ke tuuti ai le fulumeto.

Selemia 5:25

E tupu ko akoutou agasala na leaise soko ai a nea ana, Ko akoutou agasala ala na taofi ia a nea malilie ana ia koutou.

Selemia 5:3

Eteleno, pe leaise tio ou mata ki le maoki ? E ke taai latou, kae e leaise lotou logoi fua se mamae ; E ke tutu latou ke okioki, kae e leaise lotou tokaga fua ki se akonaki : E lotou asili fakafefeka ake olotou mata i le fatu ; E leaise lotou fia tafoki kiate koe.

Selemia 6:15

Pe lotou luma loa, talie e lotou fai ni nea fakalialia ? E leaise lotou kukula fua, e leaise lotou iloa le luma ; Koia e lotou vivilo fakatasi loa mo latou ala e vivilo, E lotou sisiga loa i le aso leia e kau tautea ai loa latou, E pati le Eteleno.

Selemia 8:12

Pe lotou luma loa, talie e lotou fai ni nea fakalialia ? E leaise lotou kukula fua, e leaise lotou iloa fua le luma. Koia leia e lotou vivilo loa mo latou ala e vivilo, E lotou sisiga loa i le aso leia e kau tautea ai loa latou, E pati le Eteleno.

Selemia 9:12

Kofea le tagata poto leia e matala ki nea anei ? Ke fakasa e ia a ia, e leia na masau ki ai le gutu o le Eteleno ! Kolea kua maumau ai le fenua, Kua vela ai ofaipe se toafa leia e leaise fakalaka ai se tasi ?

Esekiele 3:7

Kae e leaise loto loa le fale o Iselaele ke fakalogo kiate koe, talie e leaise fia fakalogo a ia kiate au ; talie kua fia nealasi ti mo ulu fefeka le fale katoa o Iselaele.

Levitiko 26:19

E kau fatii loa lokoutou loto lasi : e kau fakaliliu loa le lagi i okoutou aluga ke fefeka ofaipe le ukamea, ti e leaise toe to loa se ua ki okoutou kele, ala e fefeka loa ofaipe le sila.

Amosi 4:7

Ti ko au, na kau fakafiti le ua kia koutou, kae koi toe masina e tolu ki le temi tuuti o le fulumeto ; Na kau fakato le ua ki se kolo, Kae na leaise kau fakato a ia ki se tasi ake a kolo ; Na tali e se faisaga le ua, Kae na leaise to a ia ki se tasi faisaga, leia na malo.

Amosi 4:8

Na ano ni kolo e lua, e tolu foki, ki se tasi ake a kolo o inu i ai se ga vai, Kae na leaise lotou mau foki. Kae logo ai le nea lena, na leaise kotou toe liliu mai kiate au, e pati le Eteleno.

Sofoni 2:1

Kotou ulu kia koutou totonu, kotou fakakaukau mua, Puleaga sala luma,

Sofoni 3:5

Kae e faitotonu le Eteleno i loto malie o ia, E leaise fai e ia se nea e veli ; I usu fuli e fakasa e ia ki le malama ana fakamaauaga, Ti e leaise toe faisala a ia i le nea lena ; Kae ko leia e agaveli e leaise iloa ia le luma.

Akeseo 1:11

Na kau kakau mai le taulaa ki le fenua, mo mauga, Mo le fulumeto, mo le vino, mo le lolo, Mo nea fuli ala e feala ke maua mei le kele, Mo tagata mo manu, Ti mo gaoiaga fuli o lima.

Tetelonome 28:23

E fai loa le lagi i aluga o lou ulu pe le kapa, ti e fai loa le kele i lalo o ou vae pe le ukamea.

Epelo 12:25

Kotou tokaga ke aua na kotou fakafiti ki leia e masau atu kia koutou ; talie kapau na leaise sao latou ala na fakafiti loa ke logo ki leia na fakasa ia ni folafola i le malama nei, e feaki ake loa ke tou sao mo kapau e tou titua ki leia e masau mei le lagi,