Selemia 3:25 - Tosi Tapu

²⁵ Kua tou momoe ai ki lotatou luma Ti kua tou kafu ai ki lotatou veli, Talie na tou agasala ki le Eteleno, lotatou Atua, Tatou mo otatou tamana, talu mei lotatou liliki o kaku mai ki le aso nei, Ti na leaise tou fakalogo ki le leo o le Eteleno, lotatou Atua.

Selemia 3:25 ပူးပေါင်းရင်းမြစ်များ

Pesalemo 106:6

Na motou agasala ofaipe omatou tamana, Na motou fai le agaveli, ti na motou fai le veli.

Pesalemo 106:7

Na leaise tokaga loa omatou tamana i Esipito ki au milakulo, Na leaise lotou toe manatui loa le lasi o ou kalasia, Na lotou agatuu loa kiate koe o ofi ki le tai, o ofi ki le Tai Kula.

Pesalemo 109:29

Ke kofu e oku fili le luma, Ke lotou kofu le luma ofaipe se taupulupulu !

Taagapati 13:18

Ko le mativa mo le luma ko le vaega o leia e vesia ki le akonaki, Kae ko leia e tali ia le valoki e fakamauiga loa.

Taagapati 5:13

Kolea na leaise kau fakalogo ai ki le leo o oku pule, Ti na leaise tokaga ai loku taliga kia latou ala na ako ia au ?

Esaia 48:8

Na leaise ke logo fua ki ai, na leaise ke iloa fua se nea, Ti na leaise logo fua lou taliga ki ai i le temi kua sili : Talie na kau iloa e leaise ke agatonu loa, Ti na fakaigoa a koe talu mei lou tupu ko le taine agatuu.

Esaia 50:11

Ko leinei, ko koutou fuli ala e tafu ia se afi, Ti e too ia ni taume ulaula, Kotou ano ki loto malie o lakoutou afi mo akoutou taume ulaula ! Ko loku lima leia e fakasoko ia loa a nea ana kia koutou ; E kotou momoe loa i le mamae.

Selemia 11:13

Talie e mauke tatau ou atua mo ou kolo, ei Suta ! Ti e lasi tatau a ala o Selusalemi Mo aletale ala na kotou fakatuu ki taulaatua, Ke momoli ai le iseso kia Paale…

Selemia 12:13

Na lotou muluki le fulumeto, Kae na lotou utu ni vao talatala : Na lotou gaoi pakia kae e leai sona fua. Kotou luma i le nea leia na kotou tuuti, O tupu ko le sausau kaka o le Eteleno.

Selemia 14:20

Eteleno, e motou fakamaoki ki lomatou agaveli, mo le agasala o omatou tamana ; Talie na motou agasala kiate koe.

Selemia 14:7

Kapau kua fakamaoki amatou agaveli kia matou, Kae ko koe, ei Eteleno, gaoi o tupu ko lou suafa ! Talie kua lasi amatou agatuu, Kua motou agasala kiate koe.

Selemia 2:17

Pe leaise soko le nea lena kiate koe, O tupu ko lau tiaki ia le Eteleno, lou Atua, Leia na taki ia a koe i le ala totonu ?

Selemia 2:19

E tautea loa a koe e lou agaveli, ti e taai loa a koe e lou agatuu. E ke iloa loa ti e ke tio loa ko se nea veli mo kona Le tiaki o le Eteleno, lou Atua, Ti mo le leaise maua se i kiate au, E pati le Aliki, le Eteleno o kau tau.

Selemia 2:2

Ano o kalaga ki taliga o Selusalemi : E folafola le Eteleno, o pati : E kau manatui lou alofa i le temi na ke ikiiki ai, Lou mamana i le temi na ke feauaki ai mo au, Leia na ke mulimuli ai iate au i le toafa, I se kele leia na leaise mauli ai se nea.

Selemia 2:26

Ofaipe se tagata kaia leia e luma moka mauatoka, E lotou luma loa, latou o le fale o Iselaele, Latou, mo olatou sau, mo olatou pule, Mo olatou kau faisakilifisio ti mo olatou kau polofeta.

Selemia 20:18

Kolea na kau vilo ai i le manava o loku tinana, O kau tio ai ki le fitaa mo le mamae, Ti mo kau fakaoki ai oku aso i le luma ?

Selemia 22:21

Na kau masau kiate koe i le temi o lou manuia ; Kae na ke pati : E leaise kau fakalogo loa. Na ke fai fenaaki talu mei lou ikiiki ; Na leaise ke fakalogo ki loku leo.

Selemia 3:13

Ke ke vevete fua lau agasala, Ke ke vevete na ke agatuu ki le Eteleno, lou Atua, Na ke mulimuli i atua matapule, I lalo o laakau lalasi fuli, Ti na leaise ke fakalogo ki loku leo, e pati le Eteleno.

Selemia 31:19

I le oki o laku titua kiate koe, e kau logoi se loto fakasemala ; Ti i le oki o laku fakasa aku sala, e kau papa ki loku tega, E kau luma ti e kau mamae, Talie e kau amo le luma o loku temi tupulaga.

Selemia 6:26

Taine o loku kakai, ke ke pulou ki se taga, ti ke ke mafulifuli i le mugalafu, Tui le kofu o le putu ofaipe le putu ki se vosa fuatasi, Fakasali ou loimata, ni loimata kona ! Talie e au fakafokifa kia tatou le tagata maumau.

Selemia 7:19

Pe ko au leia e lotou fakaitaita ? e pati le Eteleno ; Pe leaise ko latou totonu, Ke lotou luma ai ?

Selemia 8:14

Kolea e tou tonatona ai i le kele ? Kotou fakatasi, ti tou ano ki kolo tau, O mamate i ai ! Talie kua tuku tatou e le Eteleno, lotatou Atua, ki le mate, Ti kua fakainu e ia tatou ki ni vai kona, O tupu na tou agasala ki le Eteleno.

Selemia 9:18

Ke lotou fakatavili o sua mai kia tatou se tagi laulau ! Ti ke sali ni loimata mei omatou mata, Ke tafe se vai i omatou laumata !

Tagi laulau a Selemia 5:16

Kua vilo le pala o lomatou ulu ! Malaia kia matou, talie kua motou agasala !

Tagi laulau a Selemia 5:7

Na agasala omatou tamana, ti kua lotou pupuli, Ti ko matou ala kua amo ia le mamae o alatou agaveli.

Esekiele 2:3

Na pati mai loa a ia kiate au : Vosa o le tagata, e kau kakau a koe ki fanau o Iselaele, ki kakai fakatutuu ana, ala na agatuu kiate au ; kua lotou agasala kiate au, latou mo olatou tamana, o kaku mai ki le aso leinei e tou nofo ai.

Esekiele 36:32

Ke kotou iloa, e leaise kau fai a nea anei, o tupu ko koutou, e pati le Aliki, le Eteleno ! Ke kotou luma ti ke kotou fakasemala ki akoutou aga, fale o Iselaele !

Esekiele 44:13

E leaise lotou fakafeofi mai loa kiate au o tausi kiate au i le tuulaga fakapelepitelo, ti e leaise lotou fakafeofi loa ki oku sagatualio, mo oku ganea taputapu ; e lotou amo loa le veli o lalatou agaveli mo nea fakalialia ala na lotou fai.

Esekiele 7:18

Kua lotou tui ni taga, Ti kua kofu latou e le i ; Kua luma a mata fuli, Kua tele a ulu fuli.

Taniela 12:2

Ko se toka api o latou ala e momoe i le kele, e aala ake loa, ko iki ki le mauli lee gato ti ko iki ki le luma mo le nukinuki lee gato.

Oseo 9:10

Na kau maua Iselaele ofaipe ni fuai vite i le toafa, Na kau tio ki okoutou tamana ofaipe uluaki fua o se fiki ; Kae na lotou ano kia Paale-Peoli, Na lotou fakatapu latou ki le taulaatua fakalialia, Ti na lotou liliu o fakalialia ofaipe le nea leia na lotou alofa ki ai.

Sofoni 1:17

E kau tuku loa a tagata ki le mamae, Ti e lotou saele loa ofaipe ni kivi, Talie na lotou agasala ki le Eteleno ; E kau liligi loa lolatou toto ofaipe le efu, Ti mo lolatou kanofi ofaipe ni penu.

Loma 6:21

Koa a fua ala na kotou maua loa ? Ko ni fua ala kua kotou luma ki ai i le temi nei. Talie ko le fakaokiaga o nea ana, ko le mate.

Tuifakamaau 2:2

ti ko koutou, ke aua na kotou fai loa se sai mo le kakai o le fenua leinei, kae ke kotou maumaui loa olatou aletale. Kae na leaise kotou fakalogo ki loku leo. Kolea na kotou fai ai le nea lena ?