Selemia 3:24 - Tosi Tapu

²⁴ Na kai e taulaatua le fua o gaoi o omatou tamana Talu mei lomatou liliki, Alatou ovi mo alatou pipi, olatou vosa ti mo olatou taineliki.

Selemia 3:24 ပူးပေါင်းရင်းမြစ်များ

Selemia 11:13

Talie e mauke tatau ou atua mo ou kolo, ei Suta ! Ti e lasi tatau a ala o Selusalemi Mo aletale ala na kotou fakatuu ki taulaatua, Ke momoli ai le iseso kia Paale…

Selemia 22:21

Na kau masau kiate koe i le temi o lou manuia ; Kae na ke pati : E leaise kau fakalogo loa. Na ke fai fenaaki talu mei lou ikiiki ; Na leaise ke fakalogo ki loku leo.

Selemia 44:7

I le aso nei, e folafola le Eteleno, le Atua o kau tau, le Atua o Iselaele : Kolea e kotou fai ai kia koutou totonu se veli lasi felaaki, ke tuuti ai mei loto malie o Suta a tagata, mo fafine, mo fanau, mo toe memea, ke aua na toe maua loa se ga toetoega o koutou ?

Selemia 8:16

E logo mai le tagi o osi mei le fetuu o Tane, Ti e galulu le kele katoa i le logoa o olatou tagi ; E lotou au, e lotou kai le fenua ti mo nea fuli e maua i ai, Le kolo ti mo latou e nonofo i ai.

Selemia 9:18

Ke lotou fakatavili o sua mai kia tatou se tagi laulau ! Ti ke sali ni loimata mei omatou mata, Ke tafe se vai i omatou laumata !

Esekiele 16:19

Ko le pane leia na kau soli atu kiate koe, mo le falina tea, mo le lolo, mo le meli, ala na kau fagai a koe ki ai, na ke momoli loa kia latou a nea ana ofaipe ni kaloni manogi malie. Ko lena le nea leia na soko, e pati le Aliki, le Eteleno.

Esekiele 16:20

Na ke too loa ou vosa mo ou taineliki, ala na ke fanaui kiate au, ti na ke sakilifisioi loa latou kia latou ko lalatou nea kai : Pe na leaise feauga i au faiaga ?

Esekiele 16:61

E ke toe manatui loa lau faiaga katoa, ti e ke luma loa, mo ka e ke tali loa ou fetaina, ou taokete mo ou ga taina ; ti e kau soli atu loa latou kiate koe ko ou taineliki, kae e leaise tupu ko lau sai.

Esekiele 16:63

O tupu ke ke manatui le temi kua sili ti ke ke fakasemala, o tupu ke aua na toe fakamavaa loa lou gutu ti ke ke luma, mo ka e kau fakamolemole loa kiate koe a nea fuli ala na ke aga o fai, e pati le Aliki, le Eteleno.

Oseo 10:6

E ave loa le taulaatua ki Asilia, Ke fai ai se moliga ki le sau ko Salepe. E luma loa Efalaimi, Ti e luma loa Iselaele i ana fakatuutuu.

Oseo 2:8

Koia, e kau tapono loa lona ala ki ni laakau talatala ti e kau fakatuu loa i ai se kau a, o tupu ke aua na toe maua e ia ona ala.

Oseo 9:10

Na kau maua Iselaele ofaipe ni fuai vite i le toafa, Na kau tio ki okoutou tamana ofaipe uluaki fua o se fiki ; Kae na lotou ano kia Paale-Peoli, Na lotou fakatapu latou ki le taulaatua fakalialia, Ti na lotou liliu o fakalialia ofaipe le nea leia na lotou alofa ki ai.