Selemia 3:2 - Tosi Tapu

² Siki ou mata ki ganea taualuga, O tio ki ganea fuli ala na ke faiaga ai ! Na ke talitali i ala, ofaipe le tagata Alape i le toafa, Ti na ke fakakelekele le fenua ki au faiaga mo lou agaveli.

Selemia 3:2 ပူးပေါင်းရင်းမြစ်များ

Senesi 38:14

Ti na tatala loa e Tamale ona teu fakalokonui, ti na puloui loa e ia ona mata ki se kie, ti na ano loa a ia o tonatona i le matapa o Enaimi, leia na tuu i le ala o Timina ; talie na tio a ia kua lasi a Sela, kae na leaise soli a ia e Suta ke avaga mo Sela.

Uluaki tosi o Sau 11:3

Na maua loa e ia ni avaga e tino lelau fitu ko ni fafine aliki, ti mo fafine tinifu e tino lelau tolu ; ti na fakasesei loa e fafine ana lona loto.

Lua tosi o Sau 23:13

Ti na fakakelekele loa e le sau a ganea taualuga ala na tuu i mua o Selusalemi, i le fetuu atamai o le mauga o le malaia, ala na fakatuu e le sau ko Salomone kia Asetalate, le fakatata fakalialia o le kau Sitone, mo Kemosi, le fakatata fakalialia o le kau Moape, ti mo Milekome, le atua fakalialia o vosa o Amone.

Pesalemo 106:38

Na lotou liligi loa le toto saosaoa, Le toto o olatou vosa mo olatou taineliki, Ala na lotou momoli loa ki taulaatua o Kanaane, Ti na fakalialia loa le fenua i tukipo.

Taagapati 23:28

E fakatuu e ia ni masele ofaipe se tagata kaia, Ti e fakalasi e ia le kau agasala i lotolotoga o tagata.

Taagapati 7:11

Na gutu logoa a ia mo matasoka ; Na leaise nofo mau ona vae i lona fale ;

Selemia 12:12

E au le kau maumau mei potu taualuga fuli o le toafa, Talie e kai e le seleta a le Eteleno le fenua mei le potu ki le potu ; E leaise tokamalie ki se tagata e toka tasi.

Selemia 2:20

Kua fualoa ai lau fatii lau amoga, Lau motusi ou sai, Ti na ke pati : E leaise koi kau loto ke kau popula ! Kae i atu mauga liliki taualuga fuli, Ti mo lalo o laakau lalasi fuli, Kua ke punou ofaipe se fafine faiaga.

Selemia 2:23

E feaki loa lau pati : Na leaise kau fakakelekele, Na leaise kau ano ki Paale ? Tio ki ou lakaaga i le vaivailiua, Fakamaoki ki le nea leia na ke fai, Kamelo vae gasolo mo vae mafi i le eva.

Selemia 2:7

Na kau aumai koutou ki se fenua e faipe se faisaga laakau fua, Ke kotou kai a fua o laakau ti mo fua malilie o le kele. Kae na kotou au, ti na kotou fakakelekele loku fenua, Ti na kotou fakaliliu loku tofiga ko se nea fakalialia.

Selemia 3:1

E pati a ia : Ka kapu e se tagata lana avaga, Ti e mavae le fafine iate ia, o toe avaga mo se tasi ake tagata, Pe toe liliu loa le uluaki tagata kiate ia ? Leai ! Talie e kelekele loa i ai le fenua. Kae ko koe, Iselaele, na ke faiaga mo ni kau mamana toka api, Ti e ke loto loa ke ke toe liliu mai kiate au ! e pati le Eteleno.

Selemia 3:13

Ke ke vevete fua lau agasala, Ke ke vevete na ke agatuu ki le Eteleno, lou Atua, Na ke mulimuli i atua matapule, I lalo o laakau lalasi fuli, Ti na leaise ke fakalogo ki loku leo, e pati le Eteleno.

Selemia 3:21

E logo ki se leo i potu taualuga : Ko tagi mo lauga a fanau o Iselaele ; Talie kua lotou sese, Kua lotou galoi le Eteleno, lolatou Atua.

Selemia 3:9

I lana faiaga fakasasa, na fakakelekele e Iselaele loku fenua, talie na faiaga a ia mo le fatu mo le laakau.

Selemia 7:29

Koti lou lau ulu, ti ke ti a ia ki mamao ; Ke ke pale ki potu taualuga, o fai se tagi laulau ! Talie kua tiaki e le Eteleno Ti kua tulei kese e ia le tautupu leia na fakatupu ia lona sausau.

Esekiele 16:16

Na ke too loa ni teu i ou teu ala na lanu kesekese, o ke teu loa ki ai a ganea taualuga ala na ke faiaga ai : na leikiaise fai le nea aia, ti e leaise toe soko loa a ia.

Esekiele 20:28

Na kau taki latou ki le fenua leia na kau fakapapau ke soli kia latou, kae na lotou tio ki ona potu taualuga fuli mo laakau sesega fuli ; ti na lotou fai loa i ai alatou failaulau, ti na lotou momoli loa i ai alatou moliga ala na fakatupu ia loku sausau, ti na lotou tutu loa i ai alatou kaloni manogi malie, ti na lotou liligi loa i ai lalatou lolo.

Oseo 2:5

Talie ka leai, e kau fakatelefua loa a ia, ti e kau tuku loa a ia pe le aso leia na fanaui ai a ia, ti e kau fakaliliu loa a ia o tatau mo se toafa, mo se kele kaka, ti e kau tuku loa a ia ke mate i le fia inu.

Luka 16:23

I le nofoaga o le kau mate, na mamae lasi ai le tagata mou koloa ; ti na siki ake loa e ia ona mata ki aluga, ti na tio loa a ia mei mamao kia Apalaamo, ti mo Lasalo i ona tafa.

Tetelonome 12:2

Ke kotou maumaui loa a ganea tapu fuli ala e tausi ai ki olatou atua a puleaga ala ka kotou kapu loa, i tumutumu o mauga lalasi mo mauga liliki, mo lalo o laakau sesega fuli.