Selemia 3:14 - Tosi Tapu

¹⁴ Kotou tafoki mai kiate au, fanau agatuu, e pati le Eteleno, Talie ko au ko lokoutou pule. E kau too loa koutou, tasi i se kolo, lua i se famili, Ti e kau toe aumai loa koutou ki Sione.

Selemia 3:14 ပူးပေါင်းရင်းမြစ်များ

Lua tosi o Koloniko 30:6

Na ano loa a tagata avelogo mo tosi a le sau mo lana kau pule i Iselaele katoa mo Suta. Ti na lotou mulimuli loa ki le fakatotonu a le sau, o lotou pati : Fanau a Iselaele, kotou toe liliu mai ki le Eteleno, le Atua o Apalaamo, mo Isaake, ti mo Iselaele, o tupu ke toe maliu mai a ia kia koutou, ga toetoega leia na sao mei lima o le sau o Asilia.

Esaia 1:9

Ka na leaise tuku e le Eteleno o kau tau Se ga toetoega gaegae ia matou, Na motou liliu loa ofaipe Sotoma, Na motou tatau loa mo Komola.

Esaia 10:22

Ei Iselaele, pe lasi loa lou kakai ofaipe le one o le mata tai, Ko se ga toetoega fai e toe liliu loa ; Kua fakapapau le maumau, e fakalaka loa a ia i le fakamaau.

Esaia 17:6

E toe loa se ganea ke taetaega, ofaipe le oki leia o le lulu o se olive, Lua, tolu fa olive, i le tumutumu, Fa, lima, i ona laa ala na fua.

Esaia 27:12

I le aso lena, E luui loa e le Eteleno ni fua, Mei le vaitafe o Eufalate o kaku ki le vaitafe o Esipito ; Ti e tae loa koutou fakataki tasi, fanau o Iselaele !

Esaia 31:6

Fanau a Iselaele, Kotou toe liliu mai ki leia na kotou agatuu veli ki ai !

Esaia 44:22

E kau soloi au sala ofaipe se kokofu, Ti mo au agasala ofaipe se ao ; Toe liliu mai kiate au, Talie na kau totogi a koe.

Esaia 54:5

Talie ko lou tupuaga ko lou avaga : Ko lona igoa ko le Eteleno o kau tau ; Ti ko lou fakamauli ko le Sagato o Iselaele : E igoa a ia ko le Atua o le malama nei katoa ;

Esaia 55:7

Ke tiaki e le tagata agasala lona ala, Ti mo le tagata agaveli ana manatu ; Ke toe liliu a ia ki le Eteleno, leia e alofa loa kiate ia, Ki lotatou Atua, leia e leaise kaekae i le fakamolemole.

Esaia 57:17

O tupu ko lona manumanu agasala, na kau ita ti na kau taai a ia ; Na kau mumuni i loku mamae ; Ti na muli le tagata agatuu i le ala o lona loto.

Esaia 6:13

Ti kapau e toe loa se vaega kau agafulu o le kakai, E lotou toe liliu mai loa ke tutu latou e le afi. Kae ofaipe le telepate mo le sene ala e fakatologa ia ola tafito mo ka sele, E toe tupu loa se sakoga maokioki i le kakai lena.

Selemia 2:19

E tautea loa a koe e lou agaveli, ti e taai loa a koe e lou agatuu. E ke iloa loa ti e ke tio loa ko se nea veli mo kona Le tiaki o le Eteleno, lou Atua, Ti mo le leaise maua se i kiate au, E pati le Aliki, le Eteleno o kau tau.

Selemia 2:2

Ano o kalaga ki taliga o Selusalemi : E folafola le Eteleno, o pati : E kau manatui lou alofa i le temi na ke ikiiki ai, Lou mamana i le temi na ke feauaki ai mo au, Leia na ke mulimuli ai iate au i le toafa, I se kele leia na leaise mauli ai se nea.

Selemia 23:3

Kae e kau fakatasi loa le toega o laku kau ovi Mei fenua fuli ala na kau kapu latou ki ai. E kau aumai loa latou ki lolatou lotoa ; E lotou fanaunau loa ti mo liuliuga loa.

Selemia 29:14

E pati le Eteleno, e kau tuku loa ke kotou maua au, ti e kau toe aumai loa okoutou kau popula. E kau fakatasii loa koutou mei puleaga fuli, mei ganea fuli ala na kau kapu koutou ki ai, e pati le Eteleno, ti e kau toe aumai loa koutou ki le ganea leia na kau ave ai koutou o fakapopula.

Selemia 3:1

E pati a ia : Ka kapu e se tagata lana avaga, Ti e mavae le fafine iate ia, o toe avaga mo se tasi ake tagata, Pe toe liliu loa le uluaki tagata kiate ia ? Leai ! Talie e kelekele loa i ai le fenua. Kae ko koe, Iselaele, na ke faiaga mo ni kau mamana toka api, Ti e ke loto loa ke ke toe liliu mai kiate au ! e pati le Eteleno.

Selemia 3:12

Ano, kalaga a masau anei ki le potu noleto, o pati : E pati le Eteleno : Tafoki mai kiate au, fafine agatuu ko Iselaele ! E leaise kau tio fakaitaita loa kia koutou, Talie e kau manava alofa, E leaise kau taupau loku sausau o lee gato.

Selemia 3:8

Logo ai na kau kapu le fafine agatuu ko Iselaele, o tupu ko ana faiaga fuli, ti na kau soli kiate ia lona tosi mavete, na kau tio na leaise maua fuai e lona taina kaka ko Suta se i, kae na toe ano foki mo ia, o toe faiaga.

Selemia 31:12

E lotou au loa, ti e lotou fai loa ni kalaga fakafiafia i potu taualuga o Sione ; E lotou fiafia loa i nea malilie a le Eteleno, Le fulumeto, mo le vino, mo le lolo, Mo ovi ti mo pipi ; E fai loa lolatou laumalie pe se oloto fakavai, Ti e leaise lotou toe nofo loa i le mamae.

Selemia 31:32

E leaise faipe le sai leia na kau fai mo olatou tamana, I le aso leia na kau too ai latou i le lima o fakamavae latou i le fenua o Esipito, Sai leia na lotou maumaui, Logo ko au ko lolatou pule, e pati le Eteleno.

Selemia 31:6

Talie e soko mai loa le aso leia e kalaga ai loa le kau leo i le mauga o Efalaimi : Kotou tutuu mai ke tou pale ki Sione, ki le Eteleno, lotatou Atua !

Oseo 5:15

E kau ano loa, e kau toe liliu mai loa ki loku nofoaga, O kaku ki le aso leia e lotou vevete ai loa alatou agasala ti mo afa ai loa oku mata. Ka lotou nofo loa i le mamae, e lotou afa loa au.

Sakalia 1:4

Aua na kotou faipe okoutou tamana, ala na masau ki ai le kau polofeta i mua, o pati : E folafola le Eteleno o kau tau : Kotou maliu mei okoutou ala veveli, ti mo akoutou gaoi veveli ! Kae na leaise lotou fakalogo, ti na leaise lotou tokaga fua kiate au, e folafola le Eteleno.

Loma 9:27

Kae na tagi a Esaia o uiga mo Iselaele : Ka api loa a vosa o Iselaele ofaipe le one o le tai, Efakamauli loa se ga toetoega.