Selemia 3:13 - Tosi Tapu

¹³ Ke ke vevete fua lau agasala, Ke ke vevete na ke agatuu ki le Eteleno, lou Atua, Na ke mulimuli i atua matapule, I lalo o laakau lalasi fuli, Ti na leaise ke fakalogo ki loku leo, e pati le Eteleno.

Selemia 3:13 ပူးပေါင်းရင်းမြစ်များ

Neemia 9:2

Ko latou ala na kau ki le sakoga o Iselaele, na mavae kese loa mei le kau matapule fuli, ti na lotou au loa o kofesio alatou agasala mo agaveli o olatou tamana.

Taagapati 28:13

Ko leia e fufu ia ana agasala e leaise manuia, Kae ko leia e fakasa ia latou ti e tiaki ia latou e maua ia le manava alofa.

Esaia 57:5

Ala e faiaga i tafa o ni laakau lalasi, I lalo o laakau sesega fuli, Ala e tamate ia ni toe i vaivailiua, I lalo o mafaa o utu ?

Selemia 14:10

Ko leinei le nea leia kua fakasa e le Eteleno o uiga mo le kakai leinei : E lotou manako ki le makape saele, E leaise lotou iloa le tataofi o olatou vae ; E leaise malie ia e le Eteleno le nea lena, E manatui e ia alotou agaveli i le aso nei, Ti e tautea e ia alatou agasala.

Selemia 14:20

Eteleno, e motou fakamaoki ki lomatou agaveli, mo le agasala o omatou tamana ; Talie na motou agasala kiate koe.

Selemia 2:20

Kua fualoa ai lau fatii lau amoga, Lau motusi ou sai, Ti na ke pati : E leaise koi kau loto ke kau popula ! Kae i atu mauga liliki taualuga fuli, Ti mo lalo o laakau lalasi fuli, Kua ke punou ofaipe se fafine faiaga.

Selemia 2:25

Aua na ke makape kilii vae, Iselaele ! Tokaga na malo noa lou fatakia ! Kae e ke pati : Leai, tuku noa au ! Talie e kau alofa ki atua matapule, E kau fia ano kia latou.

Selemia 3:2

Siki ou mata ki ganea taualuga, O tio ki ganea fuli ala na ke faiaga ai ! Na ke talitali i ala, ofaipe le tagata Alape i le toafa, Ti na ke fakakelekele le fenua ki au faiaga mo lou agaveli.

Selemia 3:25

Kua tou momoe ai ki lotatou luma Ti kua tou kafu ai ki lotatou veli, Talie na tou agasala ki le Eteleno, lotatou Atua, Tatou mo otatou tamana, talu mei lotatou liliki o kaku mai ki le aso nei, Ti na leaise tou fakalogo ki le leo o le Eteleno, lotatou Atua.

Selemia 3:6

Na pati mai loa le le Eteleno kiate au, i le temi o le sau ko Sosiasi : Pe kua ke tio ki le nea leia kua fai e le fafine agatuu ko Iselaele ? Kua ano a ia ki mauga taualuga fuli ti mo lalo o laakau lalasi fuli, ti kua faiaga a ia i ai.

Selemia 7:24

Kae na leaise lotou fakalogo, Na leaise lotou fakatokaga fua olatou taliga ; Na lotou mulimuli ki tokoi mo oli o lolatou loto veli, Ti na lotou liliu ki muli kae na leaise lotou ano ki mua.

Selemia 7:26

Kae na leaise lotou fakalogo mai kiate au, Na leaise fakatokaga mai olatou taliga ; Na lotou fakafefeka olatou ua, Na lotou fai le veli o fakalaka ake i olatou tamana.

Esekiele 16:15

Kae na ke fanaki loa ki lou fulumalie, ti na ke fakaaoga loa lou logologona, o faiaga ; na ke faiaga loa mo latou fuli ala na fakalaka i ou tafa, ti na ke soli a koe kia latou.

Oseo 5:15

E kau ano loa, e kau toe liliu mai loa ki loku nofoaga, O kaku ki le aso leia e lotou vevete ai loa alatou agasala ti mo afa ai loa oku mata. Ka lotou nofo loa i le mamae, e lotou afa loa au.

Tetelonome 12:2

Ke kotou maumaui loa a ganea tapu fuli ala e tausi ai ki olatou atua a puleaga ala ka kotou kapu loa, i tumutumu o mauga lalasi mo mauga liliki, mo lalo o laakau sesega fuli.