Selemia 3:12 - Tosi Tapu

¹² Ano, kalaga a masau anei ki le potu noleto, o pati : E pati le Eteleno : Tafoki mai kiate au, fafine agatuu ko Iselaele ! E leaise kau tio fakaitaita loa kia koutou, Talie e kau manava alofa, E leaise kau taupau loku sausau o lee gato.

Selemia 3:12 ပူးပေါင်းရင်းမြစ်များ

Senesi 4:7

Kapau e ke fai le nea leia e totonu, ti e toe tuu loa ou mata ki aluga ; kae kapau e ke fai le nea leia e veli, ti e moe loa le agasala i lou mua matapa. E loto a ia ke pule kiate koe, kae ko koe, ke ke pulei a ia.

Lua tosi o Sau 15:29

I le temi o Pekase, sau o Iselaele, na au loa Tikalate-Pilesele, sau o Asilia, o too Isone, mo Apele-Pete-Maaka, mo Sanoake, mo Ketesi, mo Atesoa, mo Kalaate, mo fenua o Kalilea, mo le fenua katoa o Nefetali, ti na ave popula loa e ia ona kakai ki Asilia.

Lua tosi o Sau 17:23

o kaku ki le kapu e le Eteleno o Iselaele ke mamao mei ona mua, ofaipe lana fakasa fakatomua i ana tagata fakasausau fuli le kau polofeta. Ti na ave popula loa Iselaele ki Asilia, o mamao mo lona fenua, ti na nofo loa a ia i ai o kaku mai ki le aso leinei.

Lua tosi o Sau 17:6

I le fetuu iva o le sau o Ose, na too loa e le sau o Asilia a Samalia, ti na ave popula loa e ia Iselaele ki Asilia. Na fakanonofo loa e ia latou i Salaki, mo le fenua o Kosani leia e tafe ai le liua ko Sapole, ti mo kolo o le kau Mete.

Lua tosi o Sau 18:1

I le fetuu tolu o le sau o Ose, vosa o Ela, i Iselaele, na sau loa Esekiasi, vosa o Akase, i Suta.

Lua tosi o Koloniko 29:10

Koia kua kau manatu ai ke fai se sai mo le Eteleno, o tupu ke maliu ai lona sausau lasi ia tatou.

Lua tosi o Koloniko 30:9

Kapau e kotou toe liliu mai ki le Eteleno, e maua loa e okoutou fetaina mo okoutou vosa le manava alofa i tafa o latou ala na ave popula ia latou, ti e lotou toe liliu mai loa ki le fenua leinei ; talie e manava alofa le Eteleno, lokoutou Atua, ti e leaise mafuli kese loa ona mata mei a koutou, mo kapau e kotou toe liliu mai kiate ia.

Pesalemo 103:17

Kae e lee gato le agamalie o le Eteleno kia latou ala e i kiate ia, Ti mo lona manava alofa ki fanau o alatou fanau,

Pesalemo 103:8

E manava alofa le Eteleno mo loto alofa, E kataki fualoa a ia mo agamalie ;

Pesalemo 103:9

E leaise valoki o lee gato, E leaise taofi e ia lona sausau o lee gato ;

Pesalemo 145:8

E manava alofa le Eteleno, ti e apele a ia i le loto alofa ; E taofi fualoa e ia lona ita, ti e apele a ia i le agamalie.

Pesalemo 79:5

E kaku loa kiafea, Eteleno ! lou ita tuumau, Ti mo le kaka o lou sausau ofaipe se afi ?

Pesalemo 86:15

Kae ko koe, Aliki, ko se Atua manava alofa mo agamalie a koe, Leia ke taofi fualoa lou sausau, e ke mou koloa i le agamalie mo le agatonu ;

Pesalemo 86:5

Aliki, talie e ke agamalie, e ke fakamolemole, Ti e ke apele i le alofa kia latou fuli ala e tagi kiate koe.

Taagapati 28:13

Ko leia e fufu ia ana agasala e leaise manuia, Kae ko leia e fakasa ia latou ti e tiaki ia latou e maua ia le manava alofa.

Esaia 31:6

Fanau a Iselaele, Kotou toe liliu mai ki leia na kotou agatuu veli ki ai !

Esaia 44:22

E kau soloi au sala ofaipe se kokofu, Ti mo au agasala ofaipe se ao ; Toe liliu mai kiate au, Talie na kau totogi a koe.

Selemia 11:6

Na pati mai loa le Eteleno kiate au : Fakasa a folafola fuli ana i kolo o Suta Ti mo ala fuli o Selusalemi, o pati : Kotou fakalogo ki folafola o le sai leinei, Ti kotou fai latou !

Selemia 12:15

Kae ka oki loa laku taaki latou, E kau toe alofa loa kia latou, Ti e kau toe aumai loa latou taki toka tasi ki lona tofiga, Taki toka tasi ki lona fenua.

Selemia 23:8

Kae e pati loa : E mauli le Eteleno, Leia na fakamavae ia ti na aumai ia Le sakoga o le fale o Iselaele mei le fenua o le potu noleto, Ti mo fenua fuli ala na kau kapu latou ki ai ! Ti e lotou nonofo loa i lolatou fenua.

Selemia 3:1

E pati a ia : Ka kapu e se tagata lana avaga, Ti e mavae le fafine iate ia, o toe avaga mo se tasi ake tagata, Pe toe liliu loa le uluaki tagata kiate ia ? Leai ! Talie e kelekele loa i ai le fenua. Kae ko koe, Iselaele, na ke faiaga mo ni kau mamana toka api, Ti e ke loto loa ke ke toe liliu mai kiate au ! e pati le Eteleno.

Selemia 3:14

Kotou tafoki mai kiate au, fanau agatuu, e pati le Eteleno, Talie ko au ko lokoutou pule. E kau too loa koutou, tasi i se kolo, lua i se famili, Ti e kau toe aumai loa koutou ki Sione.

Selemia 3:18

I aso ana, E saele loa le fale o Suta mo le fale o Iselaele ; E la au fakatasi loa mei le fenua o le noleto Ki le fenua leia na kau tuku ke maua e okoutou tamana.

Selemia 3:22

Kotou tafoki mai kiate au, fanau agatuu : E kau fakamolemole loa akoutou agatuu. Ko nei matou, e motou ano kiate koe, Talie ko le Eteleno a koe, lomatou Atua.

Selemia 3:5

Pe taofi loa e ia lona sausau kiate au o lee gato ? Pe taupau loa e ia lona loto veli kiate au o lee gato ? Io, e ke pati fenaaki i lou gutu, kae e leaise gato lau faiaga ! Kua ke masani ai.

Selemia 3:7

Na kau pati loa : E tafoki mai loa a ia kiate au, i le oki o lana fai o nea fuli ana. Kae na leaise tafoki mai a ia kiate au. Ti na fakamaoki ki ai lona taina kaka ko Suta.

Selemia 30:11

Talie kau nofo mo koe, e pati le Eteleno, o saofaki a koe ; E kau fakapuli loa a puleaga fuli ala na kau fakamavetevete a koe ki ai, Kae ko koe, e leaise kau fakapuli loa a koe ; E kau tautea loa a koe i le faitotonu, Talie e leaise mafai ke kau tuku a koe sala tautea.

Selemia 31:20

Pe ko Efalaimi ko se vosa alofaina kiate au ? Se fanau leia e fakafiafia ia loku loto ? Talie ka lasi laku masau kiate ia, ti e toe lasi ake laku manatu kiate ia ; Koia e mamae ai loku manava o tupu ko ia : E kau alofa loa kiate ia, e pati le Eteleno.

Selemia 31:21

Fakatuu ni fakamailoga, fakatuu ni pou, Tokaga ki le ala lasi, mo le ala ikiiki leia na ke ano ai… Toe liliu mai, taine taupoou o Iselaele, Toe liliu mai ki kolo anei o ou !

Selemia 31:8

Ko leinei, e kau aumai latou mei le fenua o le potu noleto, E kau fakatasi latou mei potupotu o le malama nei ; E kau ia latou le kivi mo le kito, Le fafine tinae mo leia e fanau ; Ko se kakai lasi ai, leia e toe liliu mai ki leinei.

Selemia 33:26

E kau tiaki loa le sakoga o Sakopo mo Tavite, laku tagata fakasausau, Ti e leaise kau toe too loa i lona sakoga latou ala e pule loa Ki fanau a Apalaamo, mo Isaake, mo Sakopo. Talie e kau toe aumai loa lolatou kau popula, ti e kau alofa loa kia latou.

Selemia 4:1

Iselaele, kapau e ke tafoki mai, kapau e ke tafoki mai kiate au, e pati le Eteleno, Kapau e ke too au nea fakalialia i oku mua, E leaise ke toe sese loa.

Tagi laulau a Selemia 3:22

E leaise oki agamalie o le Eteleno, E leaise gato ona manava alofa ;

Esekiele 11:17

Koia e ke pati ai loa : E folafola le Aliki, le Eteleno, o pati : E kau toe fakatasi loa koutou i loto malie o atu puleaga, E kau too loa koutou i fenua ala na kotou mavetevete ai, Ti e kau tuku loa kia koutou le fenua o Iselaele.

Esekiele 33:11

Pati kia latou : E kau mauli ! e pati le Aliki, le Eteleno, ko le nea leia e kau loto ki ai, e leaise ko le mate o le tagata agasala, kae ke fetogi lona mauli ti ke mauli a ia. Kotou toe liliu mai, kotou toe liliu mai i lokoutou ala veli ; kolea e kotou mamate ai loa, fale o Iselaele ?

Esekiele 39:25

Koia e folafola ai le Aliki, le Eteleno, o pati : I le aso nei e kau toe aumai loa le kau popula o Sakopo, E kau alofa loa ki le fale katoa o Iselaele, Ti e kau finenonofo loa ki loku suafa maokioki.

Oseo 6:1

Kotou au, tou toe liliu ki le Eteleno ! Talie na saei e ia, kae e fakamauli loa e ia tatou ; Na taai e ia, kae e sai loa e ia otou lavea.

Levitiko 26:40

Kae kapau e kofesio loa e latou ana na toe alatou agasala ti mo agasala o alatou tamana, ti mo agatuu ala na lotou fai kiate au ti mo le fakatutuu leia na lotou fai mai kiate au,

Sakalia 1:4

Aua na kotou faipe okoutou tamana, ala na masau ki ai le kau polofeta i mua, o pati : E folafola le Eteleno o kau tau : Kotou maliu mei okoutou ala veveli, ti mo akoutou gaoi veveli ! Kae na leaise lotou fakalogo, ti na leaise lotou tokaga fua kiate au, e folafola le Eteleno.

Tetelonome 30:2

Ti kapau e ke toe liliu loa ki le Eteleno, lou Atua, ti kapau e ke fakalogo loa ki lona leo i lou loto katoa, mo lou laumalie katoa, a koe mo au fanau, o mulimuli ki le nea katoa leia e kau fakatotonu atu kiate koe i le aso nei,