Selemia 3:1 - Tosi Tapu

¹ E pati a ia : Ka kapu e se tagata lana avaga, Ti e mavae le fafine iate ia, o toe avaga mo se tasi ake tagata, Pe toe liliu loa le uluaki tagata kiate ia ? Leai ! Talie e kelekele loa i ai le fenua. Kae ko koe, Iselaele, na ke faiaga mo ni kau mamana toka api, Ti e ke loto loa ke ke toe liliu mai kiate au ! e pati le Eteleno.

Selemia 3:1 ပူးပေါင်းရင်းမြစ်များ

Pesalemo 106:38

Na lotou liligi loa le toto saosaoa, Le toto o olatou vosa mo olatou taineliki, Ala na lotou momoli loa ki taulaatua o Kanaane, Ti na fakalialia loa le fenua i tukipo.

Esaia 24:5

Na fakakelekele le fenua e lona kakai ; Talie na lotou maumaui a lao, ti na lotou fetogi ia a fakatotonu, Na lotou maumaui le sai lee gato.

Selemia 2:20

Kua fualoa ai lau fatii lau amoga, Lau motusi ou sai, Ti na ke pati : E leaise koi kau loto ke kau popula ! Kae i atu mauga liliki taualuga fuli, Ti mo lalo o laakau lalasi fuli, Kua ke punou ofaipe se fafine faiaga.

Selemia 2:23

E feaki loa lau pati : Na leaise kau fakakelekele, Na leaise kau ano ki Paale ? Tio ki ou lakaaga i le vaivailiua, Fakamaoki ki le nea leia na ke fai, Kamelo vae gasolo mo vae mafi i le eva.

Selemia 2:7

Na kau aumai koutou ki se fenua e faipe se faisaga laakau fua, Ke kotou kai a fua o laakau ti mo fua malilie o le kele. Kae na kotou au, ti na kotou fakakelekele loku fenua, Ti na kotou fakaliliu loku tofiga ko se nea fakalialia.

Selemia 22:20

Pale ki le Lipane, o kalaga ! Kalaga leo lasi ki Pasani ! Kalaga i aluga o Apalimi ! Talie kua fatifati latou fuli ala na alofa kiate koe.

Selemia 3:22

Kotou tafoki mai kiate au, fanau agatuu : E kau fakamolemole loa akoutou agatuu. Ko nei matou, e motou ano kiate koe, Talie ko le Eteleno a koe, lomatou Atua.

Selemia 3:9

I lana faiaga fakasasa, na fakakelekele e Iselaele loku fenua, talie na faiaga a ia mo le fatu mo le laakau.

Selemia 31:22

E kaku loa kiafea lau eva, taine agatuu ? Talie e fakatupu e le Eteleno se nea foou i le malama nei : E afa loa e le fafine le tagata.

Selemia 4:1

Iselaele, kapau e ke tafoki mai, kapau e ke tafoki mai kiate au, e pati le Eteleno, Kapau e ke too au nea fakalialia i oku mua, E leaise ke toe sese loa.

Selemia 4:14

Selusalemi, fakamea lou loto i le veli, O tupu ke fakamauli a koe ! E kaku loa kiafea lau taofi i lou loto au manatu veveli ?

Tagi laulau a Selemia 1:2

E tagi a ia i le pouli, Ti kua apele ona kalaafau i loimata ; E leaise tasi e fakapelepele ia a ia ia latou fuli ala na alofa kiate ia ; Kua agatuu ona kaukau nea fuli kiate ia, Kua lotou liliu ko ona fili.

Esekiele 16:26

Na ke faiaga ki le kau Esipito, tagata tino makeke ala e nonofo i ou tafatafa, ti na ke liuliuga au faiaga ke kau sausaua ai.

Esekiele 16:30

Oiau ! Ki le lasi o le gaegae o lou loto, e pati le Aliki, le Eteleno, i lau aga o fai a nea fuli ana, ala ko le gaoi a se fafine pule i le faiaga.

Esekiele 16:35

Koia, fafine faiaga, fakalogo mai ki le folafola a le Eteleno !

Esekiele 33:11

Pati kia latou : E kau mauli ! e pati le Aliki, le Eteleno, ko le nea leia e kau loto ki ai, e leaise ko le mate o le tagata agasala, kae ke fetogi lona mauli ti ke mauli a ia. Kotou toe liliu mai, kotou toe liliu mai i lokoutou ala veli ; kolea e kotou mamate ai loa, fale o Iselaele ?

Oseo 1:2

I le uluaki fakasa e le Eteleno lana folafola kia Ose, na pati le Eteleno kia Ose : Ano, o too se fafine faiaga mo ni fanau o le faiaga ; talie kua faiaga le fenua ti kua tiaki e ia le Eteleno !

Oseo 2:2

E fakatasi loa fanau o Suta mo fanau o Iselaele, ti e lotou filifili loa se pule kia latou, ti e lotou mavae loa i le fenua ; talie e fakaii loa le aso o Siseleele.

Mikea 2:10

Kotou tutuu ki aluga, kotou saele ! talie e leaise ko se ganea malolo leinei ; O tupu ko le kelekele, e i ai loa ni mamae, ni mamae lalasi.

Sakalia 1:3

Koia fakasa ai kia latou : E folafola le Eteleno o kau tau, o pati : Kotou toe liliu mai kiate au ; ti e kau toe liliu mai loa kia koutou, e folafola le Eteleno o kau tau.

Mateo 5:31

Kua fakasa : Ko le tagata leia e kapu ia lona avaga e soli ia loa kiate ia se tosi mavete.

Tetelonome 22:21

ti e ave loa le fafine ki mua o le matapa o le fale o lona tama ; ti e tuki fatui loa a ia e le kakai o lona kolo. E mate loa a ia, talie na fai e ia se nea fakalumaluma i Iselaele, o momoe a ia mo se tagata i le fale o lona tamana. E ke too loa i ai le veli i loto malie o Iselaele.

Tuifakamaau 19:2

Na agatuu loa le fafine kiate ia, ti na mavae loa a ia meiate ia, o ano ki le fale o lona tamana i Peteleemi o Suta, ti na nofo loa a ia i ai i ni masina e fa.