Selemia 27:9 - Tosi Tapu

⁹ Ti ko koutou, aua na kotou fakalogo ki okoutou polofeta, mo okoutou kau kikite, mo okoutou kau moe miti, mo latou e sivi ia le lagi, ti mo latou ala fai nea fakatalatupua, ala e pati atu kia koutou : E leaise kotou tausi loa ki le sau o Papilone !

Selemia 27:9 ပူးပေါင်းရင်းမြစ်များ

Ekesote 22:18

Aua na ke tuku loa ke mauli le fafine fai nea fakatemonio.

Ekesote 7:11

Kae na kalagai loa e Falaone ni tagata poto mo ni tagata faikikite, ala ko tagata fai nea fakatalatupua o Esipito, ti na lotou toe fai loa le nea lena ki alatou nea fakatemonio.

Taagapati 19:27

Ei loku vosa, tuku lau fakalogo ki le akonaki, Mo kapau ko se nea ke fakamamao ai a koe i masau o le poto.

Esaia 8:19

Kapau e pati atu kia koutou : Kotou afa kia latou ala e felogoi mo le kau mate ti mo latou ala e kikite ia le apogipogi, Ala e fai ia ni mapu mo ni mumusu. Kotou tali : Pe leaise totonu koia ke afa e le kakai ki lona Atua ? Pe totonu koia ke afa ki le kau mate kae tiaki leia e mauli ?

Selemia 14:14

Ti na pati mai loa le Eteleno kiate au : Ko le loi lena na fakasa e le kau polofeta i loku suafa, Na leaise kau kakau latou, na leaise kau tuku kia latou se fakatotonu, Na leaise kau masau kia latou ; Ko ni tio loi ana, ni kikite loi, Ni kaka mei olatou loto, ala e lotou fakasa kia koutou.

Selemia 23:16

E folafola le Eteleno o kau tau, o pati : Aua na kotou fakalogo ki masau a le kau polofeta, ala e faikikite atu kia koutou ! E lotou toso koutou ki ni nea noa ; E lotou fakasa a manatu o olatou loto, Kae leai le nea leia e au mei le gutu o le Eteleno.

Selemia 23:25

Na kau logo ki le nea leia na fakasa e le kau polofeta, ala na kikite ia le loi i loku suafa, o pati : Na kau fai se moe ! Na kau fai se moe !

Selemia 23:32

Ko leinei, e pati le Eteleno, kau vesia kia latou ala e kikite ia ni moemiti loi, Ala e fakasese ia loku kakai Ki alatou loi mo alatou kaka ; Kae na leaise kau kakau fua latou, na leaise kau tuku fua kia latou se fakatotonu, Ti e leai solatou ga aoga fua ki le kakai leinei, e pati le Eteleno.

Selemia 29:8

Talie e folafola le Eteleno o kau tau, le Atua o Iselaele : Aua na kotou tuku ke kakai koutou e okoutou kau polofeta ala e nofo ia koutou, mo okoutou kau faikikite. Aua na kotou fakalogo ki okoutou kau moe miti, ala e kotou fakatupu alatou moe miti !

Esekiele 21:29

Koia e folafola le Aliki, le Eteleno, o pati : O tupu e kotou fakamanatu tuumau mai kiate au akoutou agaveveli, o fakasa ki tafa akoutou patigataa mo akoutou agasala i akoutou gaoiaga fuli ; o tupu e kotou fakamanatu tuumau latou kiate au, e too loa koutou e lona lima makeke.

Taniela 4:7

Ti na au loa le kau fai nea fakatalatupua, mo le kau sivi fetuu, mo le kau Kaletea, ti mo le kau kikite. Na kau fakamatala loa kia latou le moe miti, kae na leaise lotou fakasa mai kiate au lona uiga.

Mikea 3:7

E luma loa le kau kikite, ti e kukula loa le kau polofeta, E lotou uufi fuli loa olatou kaukava ; Talie e leaise tali loa le Atua.

Sakalia 10:2

Talie e noa a masau a telafimi, E fakasa ni loi e latou ala e kikite, E loi a moe miti ti e leaise uiga o alatou fakafimalie. Koia leia kua sese ai le kakai ofaipe se kau manu, Kua lotou malaia talie e leaise koi maua se tagata tausi manu.

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Gaoi 8:11

Na lotou tokaga kiate ia, talie kua fualoa lana fakaofolele latou ki ana gaoi fakatalatupua.

Efeso 5:6

Ke aua na kakai koutou e se tasi ki ni masau vaiga ; talie ko nea ana na tupu ai le ifo o le sausau o le Atua ki fanau patigataa.

Tetelonome 13:2

ti kapau e soko loa le fakamailoga lena mo le nea fakaofolele lena o mulimuli ki le nea leia na fakasa e ia kiate koe, o pati : tou ano i muli o ni iki atua kese, ko ni atua ala e leaise ke iloa, ti tou tausi latou,

Tetelonome 18:14

Talie ko puleaga ana ka ke kapu loa, e fakalogo kia latou ala e fai ia a nea fakaofolele loi mo nea fakatemonio ; kae kiate koe, e leaise fakataga a ia e le Eteleno, lou Atua.

Sosue 13:22

Ia latou ala na tamate e fanau a Iselaele ki le seleta, na kau i ai le polofeta ko Palaami, vosa o Peoli.

Apokalipisi 18:23

E leaise toe sa loa iate koe le ula o le malama, ti e leaise toe logo loa iate koe ki le leo o le tagata avaga mo le fafine avaga ; talie ko lau kau fai koloa ko le kau makeke a ia o le malama nei, ti na ke kakai a puleaga fuli ki au nea fakatemonio,

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.

Apokalipisi 22:15

Ki fafo a kuli, mo le kau fai nea fakatalatupua, mo le kau fai feauaki, mo le kau tukipo, mo le kau tausi taulaatua, ti mo le kau loi fuli i masau mo gaoi !

Apokalipisi 9:21

ti na leaise lotou fakasemala foki ki alatou tukipo, mo alatou nea fakatemonio, mo alatou fai feauaki, ti mo alatou kaia.