Selemia 27:5 - Tosi Tapu

⁵ Ko au leia na fakatupu ia le kele, mo tagata mo manu ala e taka i aluga o le kele, ki loku mafimafi lasi mo loku lima falo, ti e kau soli le kele ki leia e kau loto ki ai.

Selemia 27:5 ပူးပေါင်းရင်းမြစ်များ

Senesi 1:25

Na fakatupu loa e le Atua a manu kesekese fuli o le kele, mo manu lalata kesekese, ti mo manu totolo kesekese. Na tio loa le Atua na malie le nea lena.

Senesi 9:6

Kapau e liligi e se tasi le toto o se tagata, ti e toe liligi loa e le tagata lona toto ; talie kua fakatupu e le Atua le tagata o fakatatau kiate ia.

Uluaki tosi o Sau 8:42

talie e iloa loa le logologona o lou suafa lasi, mo lou lima makeke, ti mo lou lima falo, io ka au loa a ia o faikole i le fale leinei,

Esetalasi 1:2

Ko leinei le masau a Silusi, sau o Pelesi : Kua soli mai kiate au e le Eteleno, le Atua o le lagi, a puleaga fuli o le malama nei, ti kua fakatotonu mai e ia kiate au ke fakatuu kiate ia se fale i Selusalemi i Suta.

Neemia 9:22

Na ke soli loa kia latou ni puleaga mo ni kakai, ti na ke vaevae kia latou le fenua, ti na lotou maua loa le fenua o Sione, sau o Eseponi, ti mo le fenua o Oke, sau o Pasani.

Pesalemo 102:25

E kau pati : Loku Atua, aua na ke too au i le lotolotoga o oku aso, A koe leia e lee gato ou fetuu !

Pesalemo 96:5

Talie ko atua fuli o atu puleaga ko ni taulaatua, Kae na fai e le Eteleno le lagi.

Ekesote 20:11

Talie na fai e le Eteleno i aso e ono, le lagi, mo le kele, mo le tai, ti mo nea fuli i ai, ti na malolo a ia i le fitu o aso : koia leia na tapuaki ai le Eteleno ki le aso o le sapato, ti na fakatapui ai e ia a ia.

Ekesote 6:6

Koia ke ke pati ki fanau a Iselaele : Ko au ko le Eteleno, e kau fakalauatea loa koutou mei gaoi ala e kotou taomia ai i le kau Esipito, ti e kau saofaki loa koutou mei lalatou popula, ti e kau saofaki loa koutou ki se lima makeke, mo ni tautea lalasi.

Esaia 42:5

Ko leinei le folafola a le Atua, le Eteleno, Leia na fakatupu ia le lagi ti na folasi ia a ia, Leia na fakatokatoka ia le kele mo nea fuli i ai, Leia na soli ia le tukumanava kia latou ala e mauli i ai, Ti mo le aele kia latou ala e saele i ai.

Esaia 44:24

Ko leinei le folafola a le Eteleno, leia na totogi ia a koe, Leia na fau ia a koe mei lou tupu : Ko au, le Eteleno, na kau fai ia a nea fuli, Ko au toka tasi leia na folasi ia a atu lagi, Ko au toka tasi leia na fola ia le malama nei.

Esaia 45:12

Ko au leia na fai ia le kele, Ti na fakatupu ia le tagata leia e mauli i ai. Ko au, ti ko oku lima ala na folasi ia a atu lagi, Ti ko au foki leia na fakatuutuu ia lona kau tau.

Esaia 48:13

Na fakatuu e loku lima le malama nei, Ti na folasi e loku lima atamai a atu lagi : E kau kalagai latou, ti e lotou au aifai.

Esaia 51:13

Pe kua ke galoi loa le Eteleno, leia na fai ia a koe, Leia na folasi ia a atu lagi ti na fakatuu ia a fakatafito o le kele ? Ti e ke lulu loa i le aso katoa i mua o le ita o le tagata fakaveliveli, Talie e afa e ia ke maumaui ? Kofea loa le ita o le tagata fakaveliveli ?

Selemia 27:4

Ti ke tuku loa kia latou aku fakatotonu ki olatou pule, o pati : E folafola le Eteleno o kau tau, le Atua o Iselaele, o pati : Ko leinei le nea leia e kotou fakasa loa ki okoutou pule :

Selemia 32:17

Ei Aliki Eteleno, Ko leinei, kua ke fakatupu le lagi mo le kele I lou mafimafi lasi mo lou lima falo : E leaise faigataa fua se nea kiate koe.

Selemia 51:15

Na fakatupu e ia le malama nei i lona mafimafi, Na fakatafito e ia le kele i lona poto, Na folasi e ia le atu lagi i lona atamai.

Taniela 2:38

kua toe soli foki e ia ki ou lima, i ganea fuli ala e lotou nonofo ai, a fanau a tagata, mo manu o le vao, mo manu lele o le lagi, ti kua tuku e ia kiate koe le pule kia latou fuli : ko koe leia ko le fa ulu aulo.

Taniela 4:14

Na kalaga leo lasi loa a ia ti na masau mai loa a ia kiate au, o pati : Kotou sele ki lalo le laakau, ti kotou tutuuti ona laa ; kotou lu ona lau, ti kotou veteki ona fua ; ke sosola a manu mei ona lalo, ti mo manu lele mei ona laa !

Taniela 4:17

Ko le fakatotonu lena a latou ala e leo ti e maokioki, ti ko le fakatuutuu a ia a le kau sagato, o tupu ke iloa e latou ala e mauuli e pule le Atua Taualuga ki le pule o tagata, ti e soli e ia le pule ki leia e loto a ia ki ai, ti e siki e ia ki aluga le leia e taulalo oki i tagata fuli.

Taniela 4:22

ko koe totonu a ia, ei sau, leia kua liliu o lasi mo makeke, ti kua kaku lou logologona lasi ki le lagi, ti kua kaku lau pule ki potupotu o le malama nei.

Taniela 4:25

E kapu loa a koe mei loto malie o tagata, ti e ke maua loa lou nofoaga i loto malie o manu o faisaga, ti e tuku loa kiate koe se mutie ke kai, ofaipe pipi ; e susu loa a koe i le sasau o le lagi, ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Taniela 5:18

Ei sau, na soli e le Atua Taualuga ki lou tamana ko Nepukatenesale, le puleaga, mo le mauiga, mo le kololia, ti mo le logologona ;

Gaoi 14:15

Ei tagata, kolea e kotou fai ai le nea lena ? Ko maua foki, ko ni tagata e natula tatau mo koutou ; ti e ma fakasa atu kia koutou se logo malie, ti e ma kole atu kia koutou ke kotou fakafiti ki nea vaiga ana, kae ke kotou tafoki ki le Atua mauli, leia na fakatupu ia le lagi, mo le kele, mo le tai, ti mo nea fuli i ai.

Gaoi 17:24

Ko le Atua leia na fakatupu ia le malama nei mo nea fuli i ai, leia ko le Aliki o le lagi mo le kele, e leaise nofo fua a ia i ni fale tapu ala e fau e le lima o le tagata ;

Gaoi 17:26

Ti na fakatupu e ia mei se tagata e tasi a puleaga fuli, ti na fakanofo e ia latou i le malama nei katoa, o fakatuutuu e ia kia latou a temi mo koiga o olatou fenua.

Tetelonome 2:19

ti e ke fakafeofi loa ki fanau a Amone. Ke aua na ke fai loa se nea veli kia latou, ti ke aua na ke taui loa latou ; talie e leaise kau tuku loa se nea fuai e tasi kiate koe i le fenua o fanau a Amone : ko fanau o Lote ala kua kau soli ki ai le fenua leinei ko lolatou tofiga.

Tetelonome 2:21

Ko se kakai a ia na makeke, mo api, mo lalasi, ofaipe le kau Anake. Na maumaui loa latou e le Eteleno i mua o le kau Amone, leia na kapu ia loa latou kae lotou nofo loa i lolatou fenua.

Tetelonome 2:7

Talie na tapuaki le Eteleno, lou Atua, kiate koe i au gaoi fuli, ti na leoleo e ia a koe i le lolotoga o lou fanoga i le toafa lasi leinei. Na nofo le Eteleno, lou Atua, mo koe i fetuu e kau fa, ti na leaise puli fua se nea e tasi leia na aoga kiate koe.

Tetelonome 2:9

Na pati mai loa le Eteleno kiate au : Ke aua na ke fai ia loa se nea veli kia Moape, ti ke aua na ke taui loa a ia, talie e leaise kau soli loa kiate koe se nea fua e tasi i lona fenua. Talie, ko fanau o Lote ala kua kau soli ki ai le fenua o Ale.

Tetelonome 32:8

I le aso leia na soli ai e le Taualuga se tofiga ki atu puleaga, I le aso leia na fakamavaevae ai e ia a fanau a Atama, Na fakatuu loa e ia a koiga o puleaga ; Ti na tuku loa e ia ke fakalogo a puleaga ki fanau a Iselaele,

Tetelonome 4:17

pe ki se manu leia e mauli i aluga o le kele, pe ki se manu lele leia e lele i le lagi,

Tetelonome 4:25

Ka kotou nonofo loa i le fenua o le fakapapau o fualoa, ti ka kotou maua loa ni fanau mo ni makopuna, ti kapau e kotou vilo loa ki le agasala, o fai loa ni fakatata ta, pe ko ni fakatata paaki, pe ko ni nea ala e veli ki le Eteleno lokoutou Atua, ke tupu ai lona sausau,

Tetelonome 4:32

Ke ke vesili ki aso o le temi mago, ala na muamua iate koe, mei le aso leia na fakatupu ai e le Atua le tagata i le kele, mei leia potupotu ki leia potupotu : Pe kua soko i se aso se nea fenaaki ? Pe kua logo se tasi ki se masaui o se nea fenaaki ?

Tetelonome 4:35

Kua ke soko ko se fakamaoki ki nea ana, o tupu ke ke iloa e Atua le Eteleno, ti e leaise tasi ake atua kese iate ia.

Tetelonome 5:16

Ke ke fakaapaapa ki lou tamana mo lou tinana, o fai ki le fakatotonu atu kiate koe e le Eteleno, lou Atua, o tupu ke tologa ou aso, ti mo ke manuia i le fenua leia e soli atu kiate koe e le Eteleno, lou Atua.

Tetelonome 9:29

Kae e maoki ko lou kakai latou, ko lou tofiga, leia na ke fakamavae ki lou makeke lasi mo lou lima falo.

Kolose 1:16

Talie na fakatupu e ia a nea fuli, ala i le atu lagi ti mo la i le malama nei, mo nea ala e sa ti mo nea ala e leaise sa, pe ko nofoaga sau, pe ko nofoaga fakaaliki, pe ko le kau makeke, pe ko le kau pule. Na fakatupu e ia a nea fuli ma ana.

Epelo 1:2

i temi fakamuli anei, kua masau le Atua kia tatou i le Alo ; ti kua fakanofo e ia a ia ke maua tofiga a nea fuli ; iate ia na fakatupu foki e ia le malama nei.

Apokalipisi 4:11

E gali mo koe, ei lomatou Aliki mo lomatou Atua, ke ke maua le kololia, mo le fakamauiga, ti mo le mafimafi ; talie na ke fakatupu ia a nea fuli, ti ko lou finegalo leia e lotou maua ai ti e lotou mauli ai.