Selemia 27:22 - Tosi Tapu

²² E ave loa latou ki Papilone, ti e tuku loa latou i ai o kaku ki le aso leia e kau afa ai loa latou, ti e kau too loa latou mei ai, o toe aumai latou ki le ganea leinei, e pati le Eteleno.

Selemia 27:22 ပူးပေါင်းရင်းမြစ်များ

Selemia 29:10

Kae ko leinei le nea leia e fakasa e le Eteleno : Ka sili loa ni fetuu e kau fitu o Papilone, e kau toe manatui loa koutou, ti e kau fakasoko loa kia koutou laku folafola malie, o kau toe aumai loa koutou ki le ganea leinei.

Selemia 32:5

E ave loa Setesiasi e le sau o Papilone ki Papilone, ti e nofo loa a ia i Papilone o kaku ki laku toe manatui loa a ia, e pati le Eteleno. Kapau e kotou tau ki le kau Kaletea, e leaise kotou maua loa se manuia.

Esetalasi 7:19

E tuku loa ki mua o le Atua o Selusalemi a ipu ala na soli kiate koe ki le tausi i le fale o lou Atua.

Esetalasi 1:11

Ko le lasi o ipu fuli ala na aulo ti mo paaga ko afe e lima mo kau lelau e fa. Na ave loa e Solopapele a nea fuli mei Papilone ki Selusalemi i le toe liliu mei le popula.

Taagapati 21:30

E leaise tuu se poto, pe ko se atamai, Pe ko se tokoi i mua o le Eteleno.

Taniela 9:2

i le uluaki fetuu o lana sau, ko au Taniela, na kau tio loa i tosi e tonu ke oki ni fetuu e kau fitu ki le maumaui o Selusalemi, o mulimuli ki le lasi o fetuu ala na fakasa e le Eteleno ki le polofeta ko Selemia.

Taniela 5:23

Na ke malaga ki aluga o agatuu ki le Aliki o le atu lagi ; ti na ke aumai a ipu o lona fale ki ou mua, ti na kotou inu ki ai le vino, e koe mo lau kau lalasi, mo au avaga, mo au feauaki ; na ke fakavikiviki ki atua siliva, mo aulo, mo kapa, mo ukamea, mo laakau, mo fatu, ala e leaise logo fua, e leaise tio fua, ti e leaise iloa fua se nea, kae na leaise ke fakakololiai le Atua leia e too ia i lona lima lau tukumanava ti mo ou ala fuli.

Selemia 34:5

E ke mate loa i le tokamalie ; ti e tutu loa ni kaloni kiate koe ofaipe lona tutu ki ou tamana, a sau afea ala na mua iate koe, ti e tagi loa kiate koe, o pati : Oiau aliki ! Ko au leia kua fakasa ia le folafola leinei, e pati le Eteleno.

Esetalasi 7:9

Talie na mavae a ia mei Papilone i le uluaki aso o le uluaki masina, ti na kaku loa a ia ki Selusalemi i le uluaki aso o le masina lima, talie na nofo le lima o lona Atua mo ia.

Lua tosi o Koloniko 36:21

o tupu ke fakasoko le folafola a le Eteleno leia na fakasa e le polofeta ko Selemia ; E tiaki loa le fenua i fetuu e kau fitu, o kaku ki le oki o lona temi malolo, ke fetogi ai a fetuu malolo ala na leaise taupau.

Lua tosi o Sau 25:13

Na maumaui loa e le kau Kaletea a pou sila ala na tuu i le fale o le Eteleno, mo tuuaga, mo le tai sila leia na tuu i le fale o le Eteleno, ti na lotou ave loa le sila ki Papilone.

Selemia 20:5

E kau tuku loa a koloa fuli o le kolo leinei, mo fua fuli o lana gaoi, mo ana nea mauiga fuli, ti e kau tuku loa a koloa fuli o sau o Suta ki lima o olatou fili, ala e maumaui ia loa latou, mo too ia loa latou, ti mo ave ia loa latou ki Papilone.

Selemia 27:7

E fakalogo loa a puleaga fuli kiate ia, mo lona vosa, mo le vosa o lona vosa, o kaku ki le tatae mai o le temi o lona fenua, leia e pule ai loa kiate ia ni puleaga makeke mo ni sau lalasi.

Selemia 27:21

E folafola le Eteleno o kau tau, le Atua o Iselaele, ki ipu ala e toe i le fale o le Eteleno, mo le fale o le sau o Suta, mo Selusalemi :

Selemia 34:2

E folafola le Eteleno, le Atua o Iselaele, o pati : Ano, o pati kia Setesiasi, sau o Suta, pati kiate ia : E folafola le Eteleno, o pati : Ko leinei, e kau tuku le kolo leinei ki lima o le sau o Papilone, ti e tutu loa e ia a ia ki le afi.

Selemia 34:3

Ti ko koe, e leaise ke sao loa i ona lima, kae e too loa a koe o tuku ki ona lima, ti e tio loa ou mata ki mata o le sau o Papilone, ti e masau totonu loa a ia kiate koe, ti e ke ano loa ki Papilone.