Selemia 27:20 - Tosi Tapu

²⁰ Ala na leaise too e Nepukatenesale, sau o Papilone, i le aso leia na ave popula ai e ia mei Selusalemi ki Papilone a Sekonia, vosa o Sosakimi, sau o Suta, mo le kau lalasi fuli o Suta mo Selusalemi.

Selemia 27:20 ပူးပေါင်းရင်းမြစ်များ

Selemia 24:1

Na fakatio loa au e le Eteleno ki ni kete fiki e lua ala na teki i mua o le fale tapu o le Eteleno, i le oki o le ave o Sekonia, sau o Suta, vosa o Sosakimi, e Nepukatenesale, sau o Papilone, mei Selusalemi ki Papilone, mo le kau pule o Suta, mo le kau tufuga laakau ti mo le kau tufuga ukamea.

Lua tosi o Koloniko 36:10

I leia ake fetuu, na ave loa a ia e le sau ko Nepukatenesale ki Papilone mo nea gaoi mauiga o le fale tapu o le Eteleno. Ti na fakanofo loa e ia ke sau i Suta mo Selusalemi a Setesiasi, taina o Sosakini.

Selemia 22:28

Pe ko se ipu veli mo mafaa a Sekonia ? Pe leaise alofa ki ai se tasi ? Kolea kua tiaki ai latou, a ia mo lona sakoga, Ti kua kapu ai latou ki se fenua leia e leaise lotou iloa ?

Lua tosi o Koloniko 36:18

Na ave loa e Nepukatenesale ki Papilone a nea gaoi fuli o le fale tapu o le Atua, a nea lalasi mo nea liliki, mo koloa o le fale o le Eteleno, ti mo koloa o le sau mo ana kau pule.

Mateo 1:11

ko Sosiasi na tupu ai Sekoniasi mo ona fetaina, i le temi o le ave fakapopula ki Papilone.

Mateo 1:12

I le oki o le popula i Papilone, ko Sekoniasi na tupu ai Salatiele ; ko Salatiele na tupu ai Solopapele ;

Mateo 1:17

Na fakatasi fuli loa ko le kau agafulu tupu fa tautupu meia Apalaamo o kaku mai kia Tavite, ti mo le kau agafulu tupu fa tautupu meia Tavite o kaku mai ki le popula i Papilone, ti mo le kau agafulu tupu fa tautupu mei le ave popula ki Papilone o kaku mai kia Kilisito.

Lua tosi o Sau 24:12

Ti na ano loa Sosakini, sau o Suta, ki le sau o Papilone, mo lona tinana, mo ana tagata fakasausau, mo ana kau tagata pule, ti mo ana kau enuke. Ti na fakapilisoni loa a ia e le sau o Papilone i le fetuu valu o lana sau.

Esaia 34:12

E leaise toe maua loa se kau tagata lalasi ke fakanofo ia se sau, Talie kua pupuli ona tagata aliki fuli.

Selemia 27:21

E folafola le Eteleno o kau tau, le Atua o Iselaele, ki ipu ala e toe i le fale o le Eteleno, mo le fale o le sau o Suta, mo Selusalemi :

Selemia 29:2

I le oki o le mavae mei Selusalemi o le sau ko Sekonia, mo le sau fafine, mo le kau enuke, mo le kau pule o Suta mo Selusalemi, mo le kau fai papa, mo le kau fai ukamea.

Selemia 35:1

Na folafola loa le Eteleno kia Selemia, i le temi o Sosakimi, vosa o Sosiasi, sau o Suta, o pati :

Taniela 1:2

Na tuku loa e le Aliki ki ona lima Sosakimi, sau o Suta, mo se potu o nea gaoi o le fale tapu o le Atua. Na ave loa e Nepukatenesale a nea gaoi ki le fenua o Sinea, ki le fale o lona atua, ti na tuku e ia a nea gaoi ki le fale koloa o lona atua.