Selemia 27:12 - Tosi Tapu

¹² Na kau fakasa foki a nea fuli anei kia Setesiasi, sau o Suta : Kotou peluki lokoutou ua o tali le amoga a le sau o Papilone, kotou fakalogo kiate ia mo lona kakai, ti e kotou mauli loa.

Selemia 27:12 ပူးပေါင်းရင်းမြစ်များ

Taagapati 1:33

Kae ko leia e fakalogo kiate au e malolo loa i le tokamalie, E mauli loa a ia i le fimalie ti e leaise toe tuania loa e ia se nea veli.

Selemia 17:4

E ke sala loa i le tofiga leia na kau soli atu kiate koe o tupu ko lau agasala ; E kau tuku loa a koe ke popula ki lou fili, i se fenua leia e leaise ke iloa ; Talie na kotou tutu le afi o loku sausau, Ti e ula loa a ia o lee gato.

Selemia 21:9

Ko leia e nofo loa i le kolo leinei e mate loa i le seleta, mo le oge, mo le taumasaki ; kae ko leia e mavae loa o ano ki le kau Kaletea ala e takatakai ia koutou e mauli loa a ia, ti e liliu loa lona mauli ko lona koloa.

Selemia 27:8

Ti kapau e leaise fia fakalogo loa se kakai, pe ko se puleaga, kiate ia, Nepukatenesale, sau o Papilone, ti e leaise fia tuku loa e ia lona ua ke tau ki ai le amoga a le sau o Papilone, e kau tautea loa le puleaga lena ki le seleta, mo le oge, mo le taumasaki, e pati le Eteleno, o kaku ki laku maumaui a ia ki le lima o le sau o Papilone.

Selemia 28:1

I le fetuu fai lena, i le kamataaga o le pule a Setesiasi, sau o Suta, i le masina lima o le fetuu fa, na pati mai loa kiate au a Anania, vosa o Asule, polofeta mei Kapaone, i le fale o le Eteleno, i mua o le kau faisakilifisio mo le kakai katoa :

Selemia 28:2

E folafola le Eteleno o kau tau, le Atua o Iselaele, o pati : Kua kau fatii le amo a le sau o Papilone !

Selemia 38:17

Ti na pati loa Selemia kia Setesiasi : E folafola le Eteleno, le Atua o kau tau, le Atua o Iselaele, o pati : Kapau e ke ano loa ki le kau pule a le sau o Papilone, e ke mauli loa, ti e leaise tutu loa le kolo leinei ; io, e ke mauli loa, a koe mo lou fale.

Selemia 42:11

Aua na kotou i ki le sau o Papilone, leia e kotou i ki ai ; aua na kotou i kiate ia, e pati le Eteleno, talie e kau nofo mo koutou o fakamauli koutou ti mo saofaki koutou mei lona lima.