Selemia 27:10 - Tosi Tapu

¹⁰ Talie ko le loi lena e lotou kikite atu kia koutou, o tupu ke ave mamao koutou mei lokoutou fenua, o tupu ke kau kapu koutou ti ke kotou mamate.

Selemia 27:10 ပူးပေါင်းရင်းမြစ်များ

Ekesote 22:18

Aua na ke tuku loa ke mauli le fafine fai nea fakatemonio.

Selemia 14:14

Ti na pati mai loa le Eteleno kiate au : Ko le loi lena na fakasa e le kau polofeta i loku suafa, Na leaise kau kakau latou, na leaise kau tuku kia latou se fakatotonu, Na leaise kau masau kia latou ; Ko ni tio loi ana, ni kikite loi, Ni kaka mei olatou loto, ala e lotou fakasa kia koutou.

Selemia 23:16

E folafola le Eteleno o kau tau, o pati : Aua na kotou fakalogo ki masau a le kau polofeta, ala e faikikite atu kia koutou ! E lotou toso koutou ki ni nea noa ; E lotou fakasa a manatu o olatou loto, Kae leai le nea leia e au mei le gutu o le Eteleno.

Selemia 23:25

Na kau logo ki le nea leia na fakasa e le kau polofeta, ala na kikite ia le loi i loku suafa, o pati : Na kau fai se moe ! Na kau fai se moe !

Selemia 27:14

Aua na kotou fakalogo ki folafola a kau polofeta ala e pati atu kia koutou : E leaise kotou tausi loa ki le sau o Papilone ! Talie ko le loi leia e lotou fakasa atu kia koutou.

Selemia 27:15

E pati le Eteleno : Na leaise kau kakau atu latou, kae e lotou kikite le loi i loku suafa, o tupu ke kau kapu koutou ti ke kotou mamate, a koutou mo kau polofeta ala e kikite kia koutou.

Selemia 27:16

Na kau pati ki le kau faisakilifisio mo le kakai katoa leinei : E folafola le Eteleno, o pati : Aua na kotou fakalogo ki folafola a akoutou kau polofeta, ala e kikite atu kia koutou, o pati : Ko leinei, kua vave loa le toe aumai o ipu o le fale o le Eteleno mei Papilone ! Talie ko le loi lena e lotou kikite atu kia koutou.

Selemia 28:11

Ti na pati loa Anania i mua o le kakai katoa : E folafola le Eteleno, o pati : E kau fatii feneeki loa mei le ua o puleaga fuli, i le oki o fetuu e lua, le amo a Nepukatenesale, sau o Papilone. Ti na ano loa Selemia, le polofeta.

Selemia 28:16

Koia e folafola le Eteleno, o pati : Ko leinei, e kau kapu a koe mei le kele ; ti e ke mate loa i le fetuu leinei, o tupu ko au folafola ko se agatuu latou ki le Eteleno.

Selemia 32:31

Talie kua fakatupu e le kolo leinei loku sausau mo loku mafaia, Talu mei le aso leia na laga ai a ia o kaku mai ki le aso nei ; Koia e kau loto ai ke too le kolo leinei i oku mua,

Selemia 8:19

Ko leinei kua logo a tagi o le taine o loku kakai Mei se kele mamao : Pe leaise koi nofo le Eteleno i Sione ? Pe leaise koi nofo lona sau iate ia ? Kolea na lotou fakatupu ai loku sausau ki alatou fakatata laakau, Ki ni taulaatua matapule ?

Tagi laulau a Selemia 2:14

Na fakasa e au polofeta kiate koe ni folafola loi mo kaka ; Na leaise lotou fakasa lau agaveli, O tupu ke tulei kese iate koe le popula ; Na lotou tuku atu kiate koe ni folafola loi mo kaka.

Taniela 4:7

Ti na au loa le kau fai nea fakatalatupua, mo le kau sivi fetuu, mo le kau Kaletea, ti mo le kau kikite. Na kau fakamatala loa kia latou le moe miti, kae na leaise lotou fakasa mai kiate au lona uiga.

Sakalia 10:2

Talie e noa a masau a telafimi, E fakasa ni loi e latou ala e kikite, E loi a moe miti ti e leaise uiga o alatou fakafimalie. Koia leia kua sese ai le kakai ofaipe se kau manu, Kua lotou malaia talie e leaise koi maua se tagata tausi manu.

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Tetelonome 18:10

Ke aua na maua iate koe se tasi leia e fakalaka ia lona vosa pe ko lona taine i le afi, se tasi leia e fai kikite, se tasi leia e fai nea fakaofolele loi, se tasi leia e fai nea fakatemonio,