Selemia 26:9 - Tosi Tapu

⁹ Kolea e ke kikite ai i le suafa o le Eteleno, o pati : E fai loa le fale leinei pe Silo, ti e maumaui loa le kolo leinei, ti e leaise toe nofoi loa a ia ? Ti na mumui loa le kakai katoa kia Selemia i le fale o le Eteleno.

Selemia 26:9 ပူးပေါင်းရင်းမြစ်များ

Lua tosi o Koloniko 25:16

I le lolotoga masau a le polofeta, na pati loa Amatesia kiate ia : Pe na motou fakanofo a koe ko le tagata tokoi o le sau ? Ano kese ! Kolea e ke loto ai ke tamate a koe ? Ti na ano loa le polofeta, o pati : E kau iloa kua fakatotonu e le Atua ke maumaui a koe, o tupu na ke fai a nea ana ti na leaise ke fia fakalogo ki laku tokoi.

Esaia 29:21

Latou ala na tuku ia ni sala ki ni iki i le fakamaauaga, Na fai ia ni masele ki tui fakamaau i le matapa, Ti na fakatua noa ia leia e mea.

Selemia 32:3

Talie na fakatotonu e le sau ko Setesiasi ke tuku a ia ki ai, o pati kiate ia : Kolea e ke kikite ai, o pati : E folafola le Eteleno, o pati : Ko leinei, e kau tuku le kolo leinei ki lima o le sau o Papilone, ti e too loa e ia a ia ;

Selemia 33:10

Koia e folafola ai le Eteleno, o pati : E toe logo loa i le ganea leinei Leia e kotou pati ki ai : E toafa a ia, sala tagata mo sala manu ; E toe logo loa i kolo o Suta ti mo ala o Selusalemi, Ala kua maumau, mo sala tagata, mo sala kakai, ti mo sala manu,

Selemia 36:29

Ti e ke fakasa loa le nea leinei o uiga mo Sosakimi, sau o Suta : E folafola le Eteleno, o pati : Na ke tutu le tosi lena, o pati : Kolea na ke tosi ai a folafola anei : E au loa le sau o Papilone, o maumaui le fenua leinei, ti e tamate loa e ia a tagata mo manu ?

Selemia 9:11

Io, e kau fakaliliu loa Selusalemi ko se kolo maumau, ko se mumuniaga o kuli vao, Ti e kau fakaliliu loa a kolo o Suta ko se toafa lavaki.

Tagi laulau a Selemia 4:13

Ko lena le fua o agasala o ona polofeta, Mo agaveli o ona tagata faisakilifisio, Ala na liligi ia i loto malie o ona Le toto o le kau agatonu !

Amosi 5:10

I le fakamaauaga e lotou vesia ki leia e mulimuli ki le faitotonu, Ti e lotou vesia ki le tagata fakamaoki leia e fakasa ia le maoki.

Mikea 2:6

E lotou pati : Aua na kotou kikite ! Ke aua na kotou kikite ni nea fenaaki ! E leaise koi oki a lauveli !

Mateo 21:23

Na ano loa Sesu ki le fale tapu, i le lolotoga o lana akonaki, na au loa le kau pule faisakilifisio mo le kau fakamatuatua o le kakai, o pati kiate ia : Ko le pule fea leia e ke fai ai a nea ana, ti ko ai leia na soli atu ia kiate koe le pule lena ?

Mateo 27:20

Na fakalotoi loa e le kau pule faisakilifisio mo le kau fakamatuatua le kakai ke lotou kole Palapasi, kae ke tamate Sesu.

Maleko 15:11

Kae na soka loa le kakai e le kau pule o le kau tagata faisakilifisio, o tupu ke fakamauli e Pilato a Palapasi.

Soane 8:20

Na fakasa loa e Sesu a folafola ana, i lana akonaki i le fale tapu, i le ganea leia na tanaki ai a koloa, ti na leaise too loa a ia e se tasi, talie na leikiaise soko lona ola.

Soane 8:59

I le nea lena, na lotou too loa ni fatu ke tuki a ia ; kae na mumuni loa Sesu, o mavae mei le fale tapu.

Gaoi 13:50

Kae na fakavelii loa e le kau Sutea a fafine aliki ala na lotu sutea, mo tagata mauiga o le kolo. Ti na lotou lagai loa se fakaveliveli kia Paulo mo Palenapa, ti na lotou kapu loa laua i lolatou fenua.

Gaoi 21:30

Ti na maveuveu loa le kolo katoa, ti na feoso mai loa le kakai katoa mei potu fuli. Na lotou too loa Paulo, o toso ki fafo mei le fale tapu, kae na lotou tapotapono aifai a matapa.

Gaoi 22:22

Na lotou fakalogo loa kiate ia o kaku ki le masau lena, ti na lotou kalaga leo lasi loa : Ke too mei le kele le tagata lena ! E leaise tonu ke tuku a ia ke mauli.

Gaoi 3:11

Kae tupu na leaise mavae a ia ia Petelo mo Soane, na feoso ake loa le kakai katoa kia latou, i lolatou punamauli, ki le Poletike, leia na fakaigoa kia Salomone.

Gaoi 5:12

Na fai e le lima o le kau apositolo ni milakulo mo ni nea fakaofolele i mua o le kakai. Na lotou tutuu fuli fakatasi i le Poletike o Salomone,

Gaoi 5:28

Pe na leaise motou tapui fakamakeke atu kia koutou le akonaki i le igoa lena ? Ti ko leinei, kua kotou fakaapele Selusalemi ki lakoutou akonaki, ti e kotou loto ke vilo kia matou le toto o le tagata lena !

Gaoi 6:14

talie kua motou logo ki lana pati : ko Sesu, lena mei Nasaleti, e maumaui loa e ia le ganea leinei, ti e fetogi loa e ia a agai fenua ala na tuku mai e Moisese kia tatou.

Sosue 18:1

Na fakatasi loa le kakai katoa o fanau a Iselaele i Silo. Na lotou fakatuu loa i ai le falela tapu. Na fakalogo le fenua katoa kia latou.