Selemia 26:4 - Tosi Tapu

⁴ E ke pati loa kia latou : E folafola le Eteleno, o pati : Kapau e leaise kotou fakalogo i le temi leia e kau fakatotonu atu ai kia koutou ke mulimuli i laku lao leia na kau tuku ki okoutou mua,

Selemia 26:4 ပူးပေါင်းရင်းမြစ်များ

Uluaki tosi o Sau 9:6

Kae kapau e kotou mafuli kese loa iate au, kotou mo okoutou vosa, kapau e leaise kotou tausi loa aku fakatotonu mo aku lao ala kua kau tuku atu kia koutou, ti kapau e kotou ano loa o tausi ki ni atua kese mo tulolo i olatou mua,

Esaia 1:20

Kae kapau e kotou patigataa ti kapau e kotou agatuu, E tafi loa koutou e le seleta, Talie kua folafola le gutu o le Eteleno.

Selemia 17:27

Kae kapau e leaise kotou fakalogo mo ka kau fakatotonu atu kia koutou Ke fakatapu le aso o le sapato, Ke aua na amo se amoga, Ke aua na fakaulu se amoga i matapa o Selusalemi i le aso o le sapato, Ti e kau tutu loa se afi i matapa o le kolo, Ti e kai loa e ia a fale fakaalialiki o Selusalemi, ti e leaise toe mate loa a ia.

Selemia 22:5

Kae kapau e leaise kotou fakalogo ki folafola anei, e kau fakapapau iate au totonu, e pati le Eteleno, e maumaui loa le fale leinei.

Selemia 32:23

Na lotou au, ti na lotou maua a ia. Kae na leaise lotou fakalogo ki lou leo, Na leaise lotou taupau lau lao, Na leaise lotou fai a nea fuli ala na ke fakatotonu kia latou ke fai. Koia na ke fakasoko ai kia latou a malaia fuli anei !

Selemia 44:10

Na leaise lotou fakasemala o kaku mai ki le aso nei, ti na leaise lotou maua se i, ti na leaise lotou mulimuli ki laku lao mo aku fakatotonu ala na kau tuku kia koutou mo okoutou tamana.

Selemia 44:23

E tupu kua kotou tutu le iseso ti kua kotou agasala ki le Eteleno, talie na leaise kotou fakalogo ki le leo o le Eteleno, ti na leaise kotou taupau lana lao, mo ana fakatotonu, mo ana pelesepeto, koia leia kua soko ai a malaia ana kia koutou, ofaipe le nea kua kotou tio ki ai i le aso nei.

Selemia 7:14

E kau fai loa le nea leia na kau fai ki Silo, Ki le fale leia na fetapa ai ki loku suafa, Ki le fale leia na kotou tuku ki ai lakoutou fanaki, Ki le ganea leia na kau tuku kia koutou mo okoutou tamana ;

Tetelonome 11:32

Ke kotou tausi ti ke kotou fai a lao mo folafola fuli ala e kau soli kia koutou i le aso nei.

Tetelonome 31:20

Talie e kau fakaulu loa le kakai leinei ki le fenua leia na kau fakapapau ki olatou tamana ke soli kia latou, le fenua leia e sali ai le sua manu mo le meli. E kai loa le kakai leinei, ti e makona loa a ia, ti e peti loa a ia ; ti e maliu loa a ia ki ni atua kese o atolasio kia latou, kae e vesia loa a ia kiate au, ti e maumaui loa e ia laku sai.

Tetelonome 4:44

Ko leinei le lao leia na tuku e Moisese ki mua o fanau a Iselaele.

Tetelonome 4:8

Ti ko ai le puleaga lasi leia e maua ia ni lao mo ni lekula faitotonu, o tatau mo le lao katoa leinei e kau tuku atu kia koutou i le aso nei ?

Epelo 6:18

o tupu, i nea ana e lua ala e leaise toe fetogi ti e leaise feala ke loi ai le Atua, ke tou maua se loto makeke lasi, e tatou ala ko lotatou mumuniaga e tasi ko le kukumi o le amanaki malie leia kua tuku mai kia tatou.