Selemia 26:20 - Tosi Tapu

²⁰ Na i ai foki se tagata leia na kikite i le suafa o le Eteleno, ko Uli, vosa o Semaesa, mei Kiliate-Sealimi. Na kikite loa a ia ki le kolo leinei mo le fenua leinei o tatau oki mo le nea leia na fakasa e Selemia.

Selemia 26:20 ပူးပေါင်းရင်းမြစ်များ

Uluaki tosi o Sau 18:10

E mauli le Eteleno ! e leaise fenua pe ko se puleaga leia na leaise kakau e loku pule se tasi ke afa a koe i ai ; ti ka pati mai loa e leaise ke nofo i ai, e fakamakeke loa e ia le puleaga lena ke fakamaoki e leaise ke nofo i ai.

Lua tosi o Sau 23:37

Na fai loa e Sosakimi le nea leia e veli ki mata o le Eteleno, o mulimuli katoa ki nea veveli ala na fai e ona tamana.

Selemia 2:30

Na ano noa laku taai akoutou fanau ; Na leaise lotou tokaga fua ki le akonaki. Na kai e lakoutou seleta akoutou kau polofeta, Ofaipe se laione maumau.

Selemia 36:19

Na pati loa le kau pule kia Paluke : Ano, o mumuni, a koe mo Selemia, ti ke aua na iloa e se tasi le ganea leia e kolua nonofo ai.

Sosue 15:60

Mo Kiliate-Paale, leia ko Kiliate-Sealimi, mo Lapa ; kolo e lua mo ola kolo liliki.

Sosue 18:14

I le fetuu uesite, na soko atu le koiga o maliu i le saute o kamata i le mauga leia e tuu i mua o Pete-Oloni ; na soko atu loa a ia ki le saute o kaku ki Kiliate-Paale, leia ko Kiliate-Sealimi, kolo o vosa o Suta. Ko lena le koiga i le fetuu uesite.

Sosue 9:17

Talie na ano loa a fanau a Iselaele ti na lotou kaku loa ki olatou kolo i le tolu o aso ; ko olatou kolo ko Kapaone, mo Kefila, mo Peeloti ti mo Kiliate-Sealimi.

Uluaki tosi a Samuele 6:21

Na lotou kakau loa ni tagata avelogo ki le kakai o Kiliate-Sealimi, ke pati kia latou : Kua aumai e le kau Filisitini le aleka o le Eteleno ; kotou ifo mai, ti kotou ave a ia kia koutou.

Uluaki tosi a Samuele 7:2

Na sili loa se temi fualoa mei le aso leia na ave ai le aleka ki Kiliate-Sealimi. Kua sili a fetuu e kau lua. Ti na tagi loa le kakai katoa o Iselaele ki le Eteleno.