Selemia 26:2 - Tosi Tapu

² E folafola le Eteleno, o pati : Tuu i le malae o le fale tapu o le Eteleno, o fakasa kia latou fuli o kolo o Suta, ala e au o tulolo i le fale o le Eteleno, a folafola fuli ala e kau fakatotonu atu ke fakasa kia latou. Aua na ke sau fua se kupu e tasi.

Selemia 26:2 ပူးပေါင်းရင်းမြစ်များ

Selemia 1:17

Ti ko koe, toi lou kilipipi, ti ke tuu ki aluga, ti ke fakasa kia latou a nea fuli ala e kau fakatotonu atu loa kiate koe. Aua na ke lulu i olatou mua, ke aua na kau fakalulu loa a koe i olatou mua.

Selemia 1:7

Ti na pati mai loa le Eteleno kiate au : Aua na ke pati : Ko se ga toe au. Talie e ke ano loa kia latou fuli ala e kau kakau loa a koe ki ai, ti e ke fakasa loa a nea fuli ala e kau fakatotonu atu loa kiate koe.

Selemia 19:14

Na toe liliu mai loa Selemia mei Tofete, le ganea leia na kakau a ia ki ai e le Eteleno, ke kikite. Ti na tuu loa a ia i le malae o le fale tapu o le Eteleno, o pati ki le kakai katoa :

Selemia 23:28

Ke fakamatala e le polofeta leia na fai ia se moemiti lana moe, Ti ke fakasa laku folafola i le maoki e leia na logo ki laku folafola. Kolea e filo ai le penu mo le fulumeto ? e pati le Eteleno.

Selemia 25:2

Ti na fakasa loa e Selemia le folafola i mua o le kakai katoa o Suta mo le kakai katoa o Selusalemi, o pati :

Selemia 28:5

Ti na tali loa Selemia, le polofeta, kia Anania, le polofeta, i mua o le kau faisakilifisio mo le kakai katoa, ala na tutuu i le fale o le Eteleno.

Selemia 36:10

Ti na lau loa e Paluke i le tosi a folafola fuli a Selemia, ki taliga o le kakai katoa, i le fale o le Eteleno, i le kogafale o Kemalia, vosa o Safani, le sekalaipe, i le malae lasi, i le uluaga o le matapa foou o le fale o le Eteleno.

Selemia 42:4

Ti na pati loa le polofeta ko Selemia kia latou : Kua kau logo ; ti e kau ano loa o faikole ki le Eteleno, lokoutou Atua, o mulimuli ki lakotou kole ; ti e kau fakasa atu loa kia koutou le tali a le Eteleno, e leaise kau fufu loa se nea.

Selemia 7:2

Tuu i le matapa o le fale o le Eteleno, Ti ke fakasa le folafola leinei, Ti ke pati : Kotou fakalogo mai ki le folafola a le Eteleno, Koutou fuli, tagata o Suta, ala e ulu i matapa anei, Ke atolasio ki le Eteleno !

Selemia 7:27

Kapau e ke fakasa kia latou a nea fuli ana, e leaise lotou fakalogo atu loa kiate koe ; Kapau e ke kalaga kia latou, e leaise lotou tali atu loa kiate koe.

Esekiele 3:10

Na pati mai a ia kiate au : Vosa o le tagata, ke ke tali i lou loto ti mo fakalogo mai ou taliga ki folafola fuli ala e kau fakasa atu loa kiate koe !

Esekiele 33:7

Ti ko koe, vosa o le tagata, na kau fakanofo a koe ko le tagata leo i le fale o Iselaele. E tonu ke ke fakalogo ki le folafola leia e mavae atu i loku gutu, ti ke ke valoki latou.

Esekiele 40:4

Ti na pati mai loa le tagata lena kiate au : Vosa o le tagata, tio ou mata, ti fakalogo ou taliga, ti tokaga fakamalielie lou loto ki nea fuli ala e kau fakasa loa kiate koe, talie na aumai a koe ki leinei o tupu ke kau fakasa kiate koe a nea anei. E ke fakasa loa ki le fale o Iselaele a nea fuli ala ka ke tio loa ki ai.

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Luka 19:47

Na akonaki a ia i aso fuli i le fale tapu. Ti ko le kau pule faisakilifisio, mo le kau sekelipa, mo pule o le kakai, na afa ke tamate a ia ;

Soane 18:20

Na tali loa Sesu kiate ia : Na kau masau fakalauatea ki le malama nei ; na kau akonaki tuumau i le sinakoka ti mo le fale tapu, leia na fakatasi ai le kau Sutea katoa, ti na leaise kau pati fakafufu ki se nea.

Soane 8:2

Kae, i le usu ake fai, na toe ano loa a ia ki le fale tapu, ti na au loa le kakai katoa kiate ia. Ti na tonatona loa a ia, o akonaki kia latou.

Gaoi 20:20

E kotou iloa na leaise kau fufu se nea fua e tasi leia na aoga kia koutou, kae kua kau fakasa kia koutou mo ako kia koutou a nea fuli ala na aoga kia koutou, i mua o le kaugamalie ti mo loto fale,

Gaoi 20:27

talie kua kau fakasa kia koutou le finegalo katoa o le Atua, o leaise kau toe fufu fua se nea e tasi.

Gaoi 5:25

Kae na kaku ake loa se tasi, o pati kia latou : Ko nei a tagata ala na kotou tuku ki le fale pilisoni e tutuu i le fale tapu, ti e lotou akonaki ki le kakai.

Gaoi 5:42

Ti na leaise toe tuku lalatou akonaki mo lalatou fakasa le logo malie o Sesu-Kilisito, i aso fuli, i le fale tapu, ti mo fale fuli.

Tetelonome 12:32

Ke kotou tausi ti mo fai a nea fuli ala e kau fakatotonu atu kia koutou. Ke aua na kotou fakalasi se nea ki ai, ti ke aua na kotou fakaikiiki se nea i ai.

Tetelonome 12:5

Kae ke kotou afa loa a ia i lona nofoaga, ti ke kotou ano loa ki le ganea leia e filifili loa e le Eteleno, lokoutou Atua, i okoutou faasiga fuli, ke nofo ai lona suafa.

Tetelonome 4:2

E leaise kotou fakalasi loa se nea ki le nea leia kua kau fakatotonu kia koutou, ti e leaise kotou fakaikiiki loa se nea ; kae e kotou tausi loa a folafola a le Eteleno, lokoutou Atua, ofaipe laku tuku atu latou kia koutou.

Sosue 8:35

Na lau e Sosue a folafola fuli a Moisese, o leaise puli fua se folafola e tasi, i mua o le fakatasiga katoa o Iselaele, mo fafine, mo toe ti mo matapule ala na saele i loto malie o Iselaele.

Apokalipisi 22:19

ti kapau e too loa e se tasi se nea i folafola o le polofesia o le tosi leinei, e too loa e le Atua lona vaega i le laakau o le mauli ti mo le kolo maokioki, ala kua tosi i le tosi leinei.