Selemia 26:18 - Tosi Tapu

¹⁸ Na kikite a Mikea, mei Moleseti, i le temi o Esekiasi i Suta, ti na pati a ia ki le kakai katoa o Suta : E folafola le Eteleno o kau tau : E fakamalu loa Sione ofaipe se faisaga, E liliu loa Selusalemi ko se tuuga fatu, Ti mo le mauga o le fale ko se ulu vao lalasi.

Selemia 26:18 ပူးပေါင်းရင်းမြစ်များ

Lua tosi o Sau 19:25

Pe na leaise ke logo na kau teuteui a nea ana talu mei mamao, Ti na kau fakatuutuu latou talu mei le temi afea ? I le lakaga nei, kua kau fakataga ke soko a nea ana, Ti ke ke fakaliliu ni kolo tau ko ni kolo maumau.

Lua tosi o Koloniko 32:26

Koia, mei loto malie o lona fia nealasi, na fakasemala loa Esekiasi mo le kakai o Selusalemi, ti na leaise vilo loa le sausau o le Eteleno kia latou i le lolotoga o le mauli o Esekiasi.

Neemia 4:2

Na gologolo loa a ia ki le kau Sutea, o pati i mua o ona fetaina ti mo mua o le solia o Samalia : Kolea e lolotoga fai e le kau Sutea gagae lena ? Pe tou tuku loa latou ke fai ? Pe lotou momoli loa ni sakilifisio ? Pe lotou fakaoki loa ? Pe lotou toe fakamauli loa ni fatu ala kua tanumia i se kele matotolu ti kua tutu e le afi ?

Pesalemo 79:1

Pesalemo a Asafe. Ei Atua ! kua nofo a atu puleaga i lou tofiga, Kua lotou fakakelekele lou fale tapu maokioki, Kua lotou fakaliliu Selusalemi ko se tuuga fatu.

Selemia 17:3

E kau tuku ke kaia loku mauga mo ona faisaga, mo au nea malilie, mo ou koloa fufu fuli, Ti mo ou ganea taualuga, o tupu ko au agasala, i lou fenua katoa.

Selemia 51:37

E liliu loa Papilone ko se kolo maumau, ko se nofoaga o kuli vao, Ko se nea fakaofolele mo fakagologolo ; E leaise toe maua loa i ai se kakai.

Selemia 9:11

Io, e kau fakaliliu loa Selusalemi ko se kolo maumau, ko se mumuniaga o kuli vao, Ti e kau fakaliliu loa a kolo o Suta ko se toafa lavaki.

Mikea 1:1

Na fakasa le folafola a le Eteleno kia Mikea, mei Moleseti, i le temi o Sotame, mo Akase, mo Esekiasi, sau o Suta, kikite ki Samalia mo Selusalemi.

Mikea 3:12

Koia leia, o tupu ko koutou, E kenu ai loa Sione ofaipe se faisaga, E liliu ai loa Selusalemi ko se tuuga fatu, Ti mo le mauga o le fale tapu ko se tumutumu apele i le vao.

Mikea 4:1

E soko loa, i se temi ki muli, E laga loa le mauga o le fale o le Eteleno I le tumutumu o atu mauga, E malaga loa a ia i aluga o atu mauga liliki, Ti e tafe loa ki ai a atu kakai ofaipe ni liua.

Sakalia 8:3

Koia e folafola ai le Eteleno, o pati : Kua kau toe liliu mai ki Sione, ti kua kau loto ke kau nofo i loto malie o Selusalemi. E fakaigoa loa Selusalemi ko le kolo agatonu, ti e fakaigoa loa le mauga o le Eteleno o kau tau ko le mauga maokioki.