Selemia 26:16 - Tosi Tapu

¹⁶ Na pati loa le kau pule mo le kakai katoa ki le kau faisakilifisio mo le kau polofeta : E leaise tonu ke mate le tagata leinei ; talie kua masau a ia kia tatou i le suafa o le Eteleno, lotatou Atua.

Selemia 26:16 ပူးပေါင်းရင်းမြစ်များ

Esitele 4:14

talie, kapau e ke fakalologo i le temi nei, e au loa le tokoi mo le fakamauli ki le kau Sutea mei se tasi ake ganea, kae ko koe mo le fale o lou tamana, e kotou pupuli loa. Ti ko ai e iloa ia na saga kua ke kaku ki le tuulaga fakasau o tupu ko le temi leinei ?

Pesalemo 94:16

Ko ai e tuu ake loa kiate au o taofi le kau agasala ? Ko ai e tokoi mai loa kiate au o taofi latou ala e fai ia le veli ?

Taagapati 16:7

Ka malie a ala o se tagata ki le Eteleno, E fai e ia ke malilie mo ia ona fili foki.

Selemia 26:11

Ti na masau loa le kau faisakilifisio mo le kau polofeta ki le kau pule mo le kakai katoa, o pati : E tonu ke mate le tagata leinei, talie kua kikite a ia ki le kolo leinei ofaipe le nea leia kua logo ki ai okoutou taliga.

Selemia 34:10

Ko le kau pule mo le kakai katoa, ala na fai ia le fakapapau, na tasi fakalauatea loa le tagata mo le fafine leia na popula kiate ia, o tupu ke aua na la toe nofo i le popula ; na lotou fakalogo loa ti na lotou tuku loa latou ke lauatea.

Selemia 36:19

Na pati loa le kau pule kia Paluke : Ano, o mumuni, a koe mo Selemia, ti ke aua na iloa e se tasi le ganea leia e kolua nonofo ai.

Selemia 36:25

Kae na kolekole loa e Elenatane, mo Telasa, mo Kemalia, ki le sau ke aua na tutu le tosi, kae na leaise fakalogo le sau kia latou.

Selemia 37:15

Na itaita loa le kau pule kia Selemia ti na lotou lalava a ia, o velo ki le pilisoni, i le fale o Sonatane, le sekalaipe ; talie kua lotou fakaliliu lona fale ko se fale pilisoni.

Mateo 27:54

Ko le setulio mo latou ala na nonofo mo ia o leo Sesu, na tio loa ki le mafuike ti mo nea fuli ala na soko, na i lasi loa, o pati : E maoki ai, ko le tagata leinei ko le Alo a ia o le Atua.

Luka 23:41

Kia taua, e tonu ke ta tali a ia, talie ko le totogi a ia o ata agaveli ; kae kiate ia leinei, na leaise fai fua e ia se nea veli.

Luka 23:47

I le tio a le setulio ki le nea leia kua soko, na fakakololia loa a ia ki le Atua, o pati : E maoki, ko le tagata leinei ko se tagata agatonu.

Gaoi 23:29

Ti na kau matala loa e tupu lona fakamaaui ko ni nea o uiga mo lalatou lao, kae na leikiaise fai fua e ia se sala leia e tonu ke mate ai, pe ke pilisoni ai.

Gaoi 23:9

Na toe asilisili ake loa le taukalaga, ti na tuu ake loa ki aluga ni sekelipa i le fetuuga o le kau faliseo, o kamata ia se visi lasi, o pati : E leaise motou maua fua se nea veli i le tagata leinei ; na saga na masau kiate ia se laumalie pe ko se aselo.

Gaoi 25:25

Kiate au, na leaise fai e ia se nea fua leia e tonu ke mate ai, kae kua tagi a ia totonu kia Sesale, ti kua kau fakatotonu ke ave a ia kiate ia.