Selemia 25:3 - Tosi Tapu

³ Talu mei le fetuu kau agafulu tupu tolu o Sosiasi, sau o Suta, vosa o Amone, o kaku mai ki le aso nei, kua fetuu kau lua tupu tolu talu mei le tuku mai e le Eteleno lana folafola kiate au. Na kau masau kia koutou, ti na kau masau kia koutou koi usu, kae na leaise kotou fakalogo.

Selemia 25:3 ပူးပေါင်းရင်းမြစ်များ

Senesi 22:3

Na tuu ake loa Apalaamo i le pogipogi usu, o teuteui lana asino, ti na too loa e ia ni tagata fakasausau e toka lua ke ano mo ia, ti mo lona vosa ko Isaake. Na taisi loa e ia se fafie ki le sakilifisio, ti na ano loa a ia ki le ganea leia na pati ki ai le Atua.

Uluaki tosi o Sau 22:3

Na pati loa le sau o Iselaele ki ana tagata fakasausau : Pe kotou iloa e kau Lamoti i Kalaate kia tatou ? Kae e leaise tou sosa fua ke toe too a ia mei lima o le sau o Silia !

Lua tosi o Sau 17:13

Na valoki loa e le Eteleno a Iselaele mo Suta ki ana polofeta fuli mo le kau kikite katoa, o pati kia latou : Kotou tafoki mai mei okoutou ala veveli, ti ke kotou tausi aku fakatotonu mo aku lao, o mulimuli katoa ki le lao leia na kau fakatotonu ki okoutou tamana ti na kau soli atu kia koutou i aku tagata fakasausau, le kau polofeta.

Lua tosi o Koloniko 24:19

Na kakau loa e le Eteleno kia latou ni polofeta ke toe aumai latou kiate ia, kae na leaise lotou fakalogo loa ki valoki ala na lotou fai kia latou.

Lua tosi o Koloniko 34:1

Na fetuu valu Sosiasi i le temi na sau ai loa, ti na sau loa a ia i fetuu e kau tolu tupu tasi i Selusalemi.

Lua tosi o Koloniko 34:3

I le fetuu valu o lana sau, koi muli foki a ia, na kamata afa loa e ia le Atua o Tavite, lona tamana ; i le fetuu kau agafulu tupu lua o lana sau, na kamata fakamea loa e ia a Suta mo Selusalemi mei ganea tapu, mo taulaatua, mo fakatata laakau, ti mo fakatata ukamea.

Lua tosi o Koloniko 34:8

I le fetuu kau agafulu tupu valu o lana sau, i le oki o lana fakamea le fenua mo le fale tapu, na kakau loa e ia a Safani, vosa o Atesalia, mo Maasesa, pule o le kolo, mo Soake, vosa o Soakase, le fakafofoga o le sau, ke lotou fakafoou le fale o le Eteleno, lona Atua.

Lua tosi o Koloniko 36:15

Na tuku loa e le Eteleno, le Atua o olatou tamana, ki ana polofeta le kavega ke valoki latou koi tautonu, talie na loto a ia ke saofaki lona kakai mo lona nofoaga totonu.

Pesalemo 81:13

Koia na kau tuku ai latou ki oli o olatou loto, Ti na lotou mulimuli ki alatou manatu totonu.

Ekesote 8:20

Na fai fenaaki loa e le Eteleno. Na ulu loa se kau lago utiuti ki le fale o Falaone mo ana tagata fakasausau, ti na maumaui loa e lago le fenua katoa o Esipito.

Esaia 55:2

Kolea e kotou maumaui ai le paaga ki le nea leia e leaise fagai ia koutou ? Kolea e kotou gaoi ai ki le nea leia e leaise kotou makona ai ? Koia kotou fakalogo mai kiate au, ti e kotou kai loa le nea leia e malie, Ti e fiafia loa okoutou laumalie i ni nea kai malilie ai.

Selemia 1:2

Na tuku mai loa kiate ia le folafola a le Eteleno, i le temi o Sosiasi, vosa o Amone, ko le sau o Suta, i le fetuu kau agafulu tupu tolu o lona sau,

Selemia 11:7

Talie na kau valoki okoutou tamana, Talu mei le aso leia na kau fakamavae ai latou i Esipito O kaku mai ki le aso nei, Na kau valoki latou i usu fuli, o pati : Kotou fakalogo ki loku leo !

Selemia 19:15

E folafola le Eteleno o kau tau, le Atua o Iselaele, o pati : E kau aumai loa ki le kolo leinei mo kolo fuli ala e fakalogo ki ai, a malaia fuli ala na kau fakasa fakatomua, o tupu kua lotou fakafefeka olatou ua ke aua na lotou logo ki aku folafola.

Selemia 22:21

Na kau masau kiate koe i le temi o lou manuia ; Kae na ke pati : E leaise kau fakalogo loa. Na ke fai fenaaki talu mei lou ikiiki ; Na leaise ke fakalogo ki loku leo.

Selemia 25:4

Na kakau mai e le Eteleno kia koutou ana tagata fakasausau fuli, le kau polofeta, ti na kakau mai e ia latou kia koutou koi usu, kae na leaise kotou fakalogo, ti na leaise tokaga okoutou taliga.

Selemia 26:5

Ke fakalogo ki folafola a aku tagata fakasausau, le kau polofeta, ala na kau kakau atu kia koutou, ala na kau kakau atu kia koutou koi usu ti na leaise kotou fakalogo kia latou,

Selemia 29:19

O tupu na leaise lotou fakalogo ki aku folafola, e pati le Eteleno, latou ala na kau kakau ki ai aku tagata fakasausau, le kau polofeta, ala na kau kakau latou ki ai koi usu ; kae na leaise lotou fakalogo, e pati le Eteleno.

Selemia 32:33

Na lotou titua mai kiate au, na leaise lotou tio mai kiate au. Na ako latou, na ako latou talu mei le usu, Kae na leaise lotou fakalogo ke lotou popoto.

Selemia 35:14

Na lotou fakalogo loa ki masau a Sonatape, vosa o Lekape, leia na fakatotonu ki ona vosa ke aua na lotou inu ki le vino, ti na leaise lotou inu ki ai o kaku mai ki le aso nei, talie na lotou fakalogo ki le fakatotonu a lolatou tamana. Ti ko au, na kau masau kia koutou, na kau masau kia koutou koi usu, kae na leaise kotou fakalogo mai kiate au.

Selemia 35:15

Na kau kakau atu kia koutou aku tagata fakasausau fuli, le kau polofeta, na kau kakau atu latou koi usu, o pati kia koutou : Kotou tasi toe liliu mai mei lona ala veli, kotou fai akoutou gaoi ke malilie, aua na kotou ano o tausi ki ni iki ake atua kese, o tupu ke kotou nonofo loa i le fenua leia kua kau soli kia koutou mo okoutou tamana. Kae na leaise tokaga mai okoutou taliga, ti na leaise kotou fakalogo mai kiate au.

Selemia 36:1

I le fetuu fa o Sosakimi, sau o Suta, vosa o Sosiasi, na tuku loa le folafola a le Eteleno kia Selemia, o pati :

Selemia 36:2

Too se tosi, o tosi i ai a folafola fuli ala kua kau tuku atu kiate koe o uiga mo Iselaele, mo Suta, mo puleaga fuli, mei le aso leia na kau kamata masau ai kiate koe, i le sau o Sosiasi o kaku mai ki le aso nei.

Selemia 44:4

Na kau kakau atu kia koutou aku tagata fakasausau, le kau polofeta, na kau kakau atu latou koi usu, ke pati kia koutou : Aua na kotou fai a nea fakalialia ana, ala e kau vesia ki ai.

Selemia 7:13

Ti ko leinei, e pati le Eteleno, O tupu na kotou fai a nea fuli ana, O tupu na kau masau atu kia koutou i le usu kae na leaise kotou fakalogo mai kiate au, O tupu na kau kalagai koutou kae na leaise kotou fakalogo mai kiate au,

Selemia 7:25

Talu mei le aso leia na mavae ai okoutou tamana i le fenua o Esipito, O kaku mai ki le aso leinei, Na kau kakau atu kia koutou aku tagata fakasausau fuli, le kau polofeta, Na kau kakau atu latou kia koutou i aso fuli, mei le usu.

Esekiele 33:4

ti kapau e leaise tokaga loa le tagata leia e logo loa ki le tagi o le fakatagi pupusi, ti e au loa le seleta o mautoka a ia, ti e vilo loa lona toto ki lona ulu.

Sakalia 1:4

Aua na kotou faipe okoutou tamana, ala na masau ki ai le kau polofeta i mua, o pati : E folafola le Eteleno o kau tau : Kotou maliu mei okoutou ala veveli, ti mo akoutou gaoi veveli ! Kae na leaise lotou fakalogo, ti na leaise lotou tokaga fua kiate au, e folafola le Eteleno.

Maleko 1:35

I le usu, koi fakapouli ai, na tuu ake loa a ia, o ano ki se ganea lavaki, leia na faikole ai loa a ia.

Soane 8:2

Kae, i le usu ake fai, na toe ano loa a ia ki le fale tapu, ti na au loa le kakai katoa kiate ia. Ti na tonatona loa a ia, o akonaki kia latou.

Soane 8:47

Ko leia e tupu mei le Atua e fakalogo a ia ki folafola a le Atua ; e leaise kotou fakalogo, talie e leaise kotou tupu mei le Atua.

Lua tosi kia Timoteo 4:2

ke ke fakasa le folafola : too a faigamalie fuli, pe malie pe veli ; valoki, mo fakatonutonu, mo ekenaki, i le kataki fualoa katoa ti mo le akonaki.