Selemia 24:9 - Tosi Tapu

⁹ E kau fakaliliu loa latou ko se nea fakaii mo se nea fakatupu lauveli ki puleaga fuli o le malama nei, ko se nea fakalumaluma, mo se nea fakagologolo, mo se nea fakakata, ti mo se nea fakatupu malaia i ganea fuli ala e kau kapu loa latou ki ai.

Selemia 24:9 ပူးပေါင်းရင်းမြစ်များ

Uluaki tosi o Sau 9:7

e kau tuuti loa Iselaele mei le fenua leia na kau soli kiate ia, e kau tiaki loa ke mamao meiate au le fale leia na kau fakatapui ki loku suafa, ti e liliu loa Iselaele ko se nea fakagologolo mo fakakatai a puleaga fuli.

Lua tosi o Koloniko 7:20

e kau ave loa koutou mei loku fenua leia na kau soli atu kia koutou, ti e kau tiaki mamao loa meiate au le fale leinei kua kau fakatapui ki loku suafa, ti e kau fakaliliu loa a ia ko se nea ke katai mo valoki i puleaga fuli.

Pesalemo 69:11

E kau liligi ni loimata ti e kau sesunio, Koia leia e tupu ai loku luma.

Esaia 43:28

Koia na kau fai ai ki pule o le fale tapu pe ni tagata noa, Ti na kau tuku ai Sakopo ki le maumau, Ti mo Iselaele ki lauveli.

Esaia 65:15

E kotou tuku loa okoutou igoa ko se takuga malaia ki aku kau filifiliia ; E fakamamate loa koutou e le Aliki, le Eteleno, Kae soli loa e ia ki ana tagata fakasausau se igoa foou.

Selemia 15:4

E kau fakaliliu loa latou ko se nea fakaii ki puleaga fuli o le kele, O tupu ko Manase, vosa o Esekiasi, sau o Suta, Ti mo nea fuli ala na fai e ia i Selusalemi.

Selemia 19:8

E kau fakaliliu loa le kolo leinei ko se nea maumau ti mo se nea fakagologolo ; E ofolele loa latou fuli ala e fakalaka loa i ona tafa, Ti e lotou mapu loa ki ona lavea fuli.

Selemia 25:18

Ki Selusalemi mo kolo o Suta, Ki ona sau mo ona pule, Ke fakaliliu ai latou ko se maumau, Ko se nea fakaaloalofa, ko se nea fakagologolo, ti ko se nea fakamalaia, Ofaipe le nea leia e tio ki ai i le aso nei ;

Selemia 26:6

Ti e kau tautea loa le fale leinei ofaipe Silo, ti e kau fakaliliu loa le kolo leinei ko se nea fakatupu malaia ki puleaga fuli o le kele.

Selemia 29:18

E kau tuli loa latou ki le seleta, mo le oge, mo le taumasaki, ti e kau fakaliliu loa latou ko se nea fakaii ki puleaga fuli o le kele, mo se nea fakamalaia, mo se nea fakaaloalofa, mo se nea fakagologolo, mo se nea fakalumaluma i puleaga fuli ala e kau kapu loa latou ki ai,

Selemia 29:22

E la liliu loa ko ni nea fakatakuga malaia i le kau popula o Suta ala i Papilone, o pati : Ke tautea a koe e le Eteleno ofaipe Setesiasi mo Akapo, ala na tutu mauli e le sau o Papilone !

Selemia 34:17

Koia e folafola le Eteleno, o pati : Na leaise kotou fakalogo kiate au, talie na tonu ke kotou fakalauatea lokoutou taina mo lokoutou oloi. Ko leinei, e pati le Eteleno, e kau fakasa kia koutou le tautea o le seleta, mo le taumasaki, mo le oge, ti e kau fakaliliu loa koutou ko se nea fakaii ki puleaga fuli o le kele.

Selemia 42:18

Talie e folafola le Eteleno o kau tau, le Atua o Iselaele : E kau liligi loa loku sausau kia koutou ofaipe laku liligi a ia ki le kakai o Selusalemi, mo kapau e kotou ano loa ki Esipito ; e kotou liliu loa ko se nea fakalialia, mo fakaii, mo fakatupu malaia, mo fakalumaluma, ti e leaise kotou toe tio loa ki le ganea leinei.

Selemia 44:12

E kau too loa a toetoega o Suta, ala kua mafuli olatou mata o ano ki le fenua o Esipito, ke nofo i ai, ti e lotou mamate fuli loa. Io, ko le fenua lena e lotou vivilo ai loa, o mamate i le seleta, mo le oge, latou fuli mei leia e ikiiki o kaku ki leia e lasi ; ti e lotou liliu loa ko se nea fakalialia, mo se nea fakaii, mo fakatupu lauveli, mo fakalumaluma.

Selemia 44:13

E kau tautea loa latou ala e nonofo i le fenua o Esipito, ofaipe laku tautea Selusalemi ki le seleta, mo le oge, mo le taumasaki.

Selemia 44:22

Na leaise mafai loa e le Eteleno ke toe kataki atu a ia, o tupu ko le agaveli o akoutou gaoi, o tupu ko nea fakalialia ala kua kotou fai ; ti kua liliu lokoutou fenua ko se fenua maumau, ko se toafa, ko se nea fakatupu malaia, ofaipe le nea leia kua kotou tio ki ai i le aso nei.

Esekiele 23:46

Talie e folafola le Aliki, le Eteleno, o pati : E kau aumai loa se kakai toka api kia laua, Ti e kau tuku loa laua ki le kaia.

Esekiele 25:3

E ke pati loa ki fanau a Amone : Kotou fakalogo ki le folafola a le Aliki, le Eteleno ! E folafola le Aliki, le Eteleno, o pati : O tupu na ke pati : A ! A ! Ki loku sagatualio leia na fakakelekele, Ki le kele o Iselaele leia na maumaui, Ti mo le fale o Suta leia na ano ki le popula,

Esekiele 26:2

Vosa o le tagata, o tupu na pati Tile ki Selusalemi : Aitoa ! Aitoa ! Kua fati a ia, le matapa o kakai fuli ! E mafuli mai kiate au, E kau apele loa i koloa, kae e toafa loa a ia !

Esekiele 5:8

Io, o tupu ko le nea lena, e folafola le Aliki, le Eteleno : Ko leinei e kau mamae kiate koe, ti e kau fakasoko loa i loto malie o ou aku fakamaauaga i mata o atu puleaga.

Tetelonome 28:25

E tuku loa e le Eteleno ke ke sola i mua o lou fili ; e ke ano loa o tau kia latou i se ala e tasi, ti e ke sola loa i ona mua i ni ala e fitu. E ofolele loa puleaga fuli o le kele i le nea leia kua soko loa kiate koe.

Tetelonome 28:37

Ti ko puleaga fuli ala e taki loa a koe ki ai e le Eteleno e ofolele loa i le nea leia kua soko kiate koe ; ti e lotou katai loa a koe ti mo lauveli loa kiate koe.