Selemia 24:3 - Tosi Tapu

³ Na pati mai loa le Eteleno kiate au : Selemia, kolea e ke tio ki ai ? Na kau tali loa : Ki ni fiki. Ko fiki malilie e malilie ai, ti ko fiki veveli e fua veveli ai, ti e leaise mafai ke kai latou o tupu ko lolatou fua veveli.

Selemia 24:3 ပူးပေါင်းရင်းမြစ်များ

Selemia 24:4

Na tuku mai loa kiate au le folafola a le Eteleno, o pati :

Selemia 29:17

E folafola le Eteleno o kau tau, o pati : Ko leinei, e kau kakau loa kia latou le seleta, mo le oge, mo le taumasaki, ti e kau fakaliliu loa latou o tatau mo ni fiki fakalialia, ala e leaise feala ke kai o tupu ko lolatou fuaveveli.

Amosi 7:8

Na pati mai loa le Eteleno kiate au : Kolea e ke tio ki ai, Amosi ? Na kau tali loa : Ki se nivo. Ti na pati loa le Aliki : E kau tuku loa le nivo ki loto malie o loku kakai ko Iselaele, E leaise kau toe fakamolemole loa kiate ia.

Amosi 8:2

Na pati loa a ia : Kolea e ke tio ki ai, Amosi ? Na kau tali loa : Ki se kete fuai laakau. Ti na pati mai loa le Eteleno kiate au : Kua soko mai le fakaoki ki loku kakai ko Iselaele ; E leaise kau toe fakamolemole loa kiate ia.

Sakalia 4:2

Na pati mai loa a ia kiate au : Kolea le nea leia e ke tio ki ai ? Na kau tali loa : E kau tio, ti ko leinei, e i ai se tuuaga malama leia na aulo saosaoa katoa, mo se nea tanaki lolo i aluga. Na maga fitu le tuuaga malama, mo ni tafeaga lolo e fitu ki malama e fitu ala i le tumutumu o le tuuaga malama ;

Sakalia 5:2

Ti na pati mai loa le aselo kiate au : Kolea le nea leia e ke tio ki ai ? Na kau tali loa : E kau tio ki se takaiga tosi leia e lele ; na meta kau agafulu lona loa, ti na meta lima lona lau lasi.

Uluaki tosi a Samuele 9:9

I le temi mua i Iselaele, ka ano o afa ki le Atua, na pati loa : Kotou au, ke tou ano ki le tagata kikite ! Talie ko leia e igoa i le temi leinei ko le polofeta, na igoa a ia i le temi mua ko le tagata kikite.