Selemia 24:2 - Tosi Tapu

² Na tuku ni fiki malilie saosaoa i se kete e tasi, ofaipe ni fiki o le uluaki taukai fiki, kae na tuku i leia ake a kete ni fiki veveli, ala na leaise feala ke kai, o tupu ko lolatou fua veveli.

Selemia 24:2 ပူးပေါင်းရင်းမြစ်များ

Esaia 5:4

Kolea mo se nea ke fai ki laku vite, leia na leikiaise kau fai ki ai ? Kolea na kau amanaki malie ai ki se fua malie, ti na fua veli a ia ?

Esaia 5:7

Ko le vite a le Eteleno o kau tau, ko le fale o Iselaele, Ti ko tagata o Suta, ko le uli leia na alofa mamae a ia ki ai. Na amanaki malie a ia ki le loto sako, kae ko leinei ko se toto na liligi ! Na amanaki malie a ia ki le faitotonu, kae ko leinei ko ni tagi mamae !

Selemia 29:17

E folafola le Eteleno o kau tau, o pati : Ko leinei, e kau kakau loa kia latou le seleta, mo le oge, mo le taumasaki, ti e kau fakaliliu loa latou o tatau mo ni fiki fakalialia, ala e leaise feala ke kai o tupu ko lolatou fuaveveli.

Oseo 9:10

Na kau maua Iselaele ofaipe ni fuai vite i le toafa, Na kau tio ki okoutou tamana ofaipe uluaki fua o se fiki ; Kae na lotou ano kia Paale-Peoli, Na lotou fakatapu latou ki le taulaatua fakalialia, Ti na lotou liliu o fakalialia ofaipe le nea leia na lotou alofa ki ai.

Mikea 7:1

Malaia kiate au ! talie kua kau fai pe se tagata leia e ano o afa ni fuai laakau i le oki o le tau kai, Leia e ano o afa ni fui vite i le oki o le tau o le vite : E leaise maua e ia se fui vite ke kai, pe ko se fa fiki suamalie leia e manako ki ai lona laumalie.

Naume 3:12

Ko ou kolo tau fuli e tatau Mo ni tafito fiki mo ni fua kua leleu ; Ka luui latou, E lotou maluluku ki le gutu o leia e fia kai kia latou.

Numelo 18:13

E ke maua loa a uluaki fua fuli o le kele, ala e lotou ave loa ki le Eteleno. E kai loa ki ai leia e mea loa i lou fale.

Mateo 5:13

Ko le patai koutou o le kele. Kae kapau e puli le konakona o le patai, e fakakonakona loa a ia ki lea ? E aoga fai a ia ke ti ki fafo ti ke takatakafi e tagata.