Selemia 24:10 - Tosi Tapu

¹⁰ E kau kakau loa kia latou le seleta, mo le oge, mo le taumasaki, o kaku ki lolatou puli i le fenua leia na kau soli kia latou mo olatou tamana.

Selemia 24:10 ပူးပေါင်းရင်းမြစ်များ

Uluaki tosi o Sau 14:15

Na taai loa e le Eteleno a Iselaele, ti e fai loa a ia pe se fa u leia e lu i le atu vai ; e taaki loa e ia a Iselaele mei le fenua malie lena na soli e ia ki olatou tamana, ti e fakamavete loa e ia latou ki leia atu fetuu o le vaitafe, talie na lotou fau ni olatou fakatata ke ita ai le Eteleno.

Esaia 51:19

Kua soko kiate koe a malaia ana e lua : Le kaia mo le maumau, le oge mo le tau. Ko ai e mamae loa kiate koe ? Ko ai e fakapelepele ia loa a koe ?

Selemia 14:12

Kapau e lotou sesunio, e leaise kau fakalogo loa ki alatou tagi ; Kapau e lotou momoli ni failaulau mo ni moliga, e leaise kau tali loa latou ; Talie e kau loto ke maumaui latou ki le seleta, mo le oge, mo le taumasaki.

Selemia 15:2

Ti kapau e lotou pati atu kiate koe : Pe motou ano loa kifea ? E ke tali loa kia latou : ko leinei le folafola a le Eteleno : Ki le mate latou ala e tonu ke mate, Ki le seleta latou ala e tonu ke tamate e le seleta, Ki le oge latou ala e tonu ke mate i le oge, Ki le popula latou ala e tonu ke ano o popula !

Selemia 16:4

E lotou mamate loa i le masaki veli ; E leaise tagi loa kia latou, ti e leaise tanu loa latou ; E lotou fai loa pe le nea fakagako kele i aluga o le kele ; E lotou mamate loa i le seleta mo le oge ; Ti e liliu loa olatou tino ko le nea kai a manu lele o le lagi mo manu o le vao.

Selemia 19:7

E kau maumaui loa i le ganea leinei le fakakaukau a Suta mo Selusalemi ; E kau tamate loa laua ki le seleta i mua o olatou fili, Ti mo le lima o latou ala e loto ki lolatou mauli ; E kau soli loa olatou tino ke kai E manu lele o le lagi mo manu o le kele.

Selemia 21:9

Ko leia e nofo loa i le kolo leinei e mate loa i le seleta, mo le oge, mo le taumasaki ; kae ko leia e mavae loa o ano ki le kau Kaletea ala e takatakai ia koutou e mauli loa a ia, ti e liliu loa lona mauli ko lona koloa.

Selemia 27:8

Ti kapau e leaise fia fakalogo loa se kakai, pe ko se puleaga, kiate ia, Nepukatenesale, sau o Papilone, ti e leaise fia tuku loa e ia lona ua ke tau ki ai le amoga a le sau o Papilone, e kau tautea loa le puleaga lena ki le seleta, mo le oge, mo le taumasaki, e pati le Eteleno, o kaku ki laku maumaui a ia ki le lima o le sau o Papilone.

Selemia 29:17

E folafola le Eteleno o kau tau, o pati : Ko leinei, e kau kakau loa kia latou le seleta, mo le oge, mo le taumasaki, ti e kau fakaliliu loa latou o tatau mo ni fiki fakalialia, ala e leaise feala ke kai o tupu ko lolatou fuaveveli.

Selemia 29:18

E kau tuli loa latou ki le seleta, mo le oge, mo le taumasaki, ti e kau fakaliliu loa latou ko se nea fakaii ki puleaga fuli o le kele, mo se nea fakamalaia, mo se nea fakaaloalofa, mo se nea fakagologolo, mo se nea fakalumaluma i puleaga fuli ala e kau kapu loa latou ki ai,

Selemia 32:24

Ko leinei, kua laga ni palepale tau ki le kolo ti kua lotou valoki a ia. E tuku loa le kolo ki lima o le kau Kaletea ala e osoi ia a ia, Ti e lava loa a ia i le seleta, mo le oge, ti mo le taumasaki. Kua soko le nea leia na ke pati ki ai, ti e ke tio ki ai.

Selemia 32:25

Kae logo ai le nea aia, Aliki Eteleno, na ke pati mai kiate au : Totogi se faisaga ki le paaga, too ni tagata fakamaoki… Ti ko leinei, kua tuku le kolo ki lima o le kau Kaletea !

Selemia 34:17

Koia e folafola le Eteleno, o pati : Na leaise kotou fakalogo kiate au, talie na tonu ke kotou fakalauatea lokoutou taina mo lokoutou oloi. Ko leinei, e pati le Eteleno, e kau fakasa kia koutou le tautea o le seleta, mo le taumasaki, mo le oge, ti e kau fakaliliu loa koutou ko se nea fakaii ki puleaga fuli o le kele.

Selemia 42:17

Ko latou fuli ala e mafuli loa olatou mata ke ano ki Esipito, o tupu ke lotou nonofo i ai, e mamate loa i le seleta, mo le oge, mo le taumasaki, ti e leaise sao loa se tasi pe sola loa i mua o malaia ala e kau tuku loa kia latou.

Selemia 42:22

Ke kotou iloa i le aso nei, e kotou mamate loa i le seleta, mo le oge, ti mo le taumasaki, i le ganea leia e kotou loto ke kotou ano o nonofo ai.

Selemia 5:12

E lotou fakafiti ki le Eteleno, e lotou pati : E leaise Atua ! Ti e leaise au loa le malaia kia tatou, E leaise tou tio loa ki le seleta mo le oge.

Selemia 9:15

Koia leia e folafola ai le Eteleno o kau tau, le Atua o Iselaele, o pati : Ko leinei, e kau fagai loa le kakai leinei ki le nea kona, Ti e kau fakainu loa kia latou se vai kona.

Selemia 9:16

E kau fakamavetevete loa latou i ni atu puleaga, Ala na leaise lotou iloa, e latou ti mo olatou tamana, Ti e kau kakau loa le seleta i olatou muli O kaku ki laku maumaui latou fuli.

Esekiele 33:27

Pati kia latou : E folafola le Aliki, le Eteleno, o pati : E kau mauli ! E tamate loa e le seleta latou ala e nonofo i kolo maumau ; ti e kau soli loa latou ala e nonofo i faisaga ke kai e manu ; ti e mamate loa i le taumasaki latou ala e nonofo i kolo tau mo ana.

Esekiele 6:11

Koia e folafola ai le Aliki, le Eteleno : Pa lou lima, tuki ou vae, o pati : Malaia ! O tupu ko aga fakalialia fuli o le fale o Iselaele, Leia e vilo loa i le seleta, mo le oge, ti mo le taumasaki.

Esekiele 7:15

Ko le seleta i fafo, ko le taumasaki mo le oge i loto ! Ko leia e nofo i le faisaga e mate loa i le seleta, Ko leia e nofo i le kolo e mate loa i le oge mo le taumasaki.

Tetelonome 28:21

E sai loa e le Eteleno kiate koe le masaki veli, o kaku ki lou puli i le fenua leia e ke ulu loa ki ai o maua tofiga.

Apokalipisi 6:8

Ti na kau tio loa, ti ko leinei, na sa mai loa se osi sega fakapouli. Ti ko leia na eke i ai na igoa ko le mate, ti na muli iate ia le nofoaga o le kau mate. Ti na tuku loa kia laua le pule ki le vaega fa o le malama nei, ke la tamate a tagata ki le seleta, mo le oge, mo le masaki, ti mo manu fekai o le kele.