Selemia 24:1 - Tosi Tapu

¹ Na fakatio loa au e le Eteleno ki ni kete fiki e lua ala na teki i mua o le fale tapu o le Eteleno, i le oki o le ave o Sekonia, sau o Suta, vosa o Sosakimi, e Nepukatenesale, sau o Papilone, mei Selusalemi ki Papilone, mo le kau pule o Suta, mo le kau tufuga laakau ti mo le kau tufuga ukamea.

Selemia 24:1 ပူးပေါင်းရင်းမြစ်များ

Lua tosi o Sau 24:10

I le temi lena, na pale ake loa a kau tagata fakasausau a Nepukatenesale, sau o Papilone, o taui Selusalemi, ti na lotou takatakai loa le kolo.

Lua tosi o Koloniko 36:10

I leia ake fetuu, na ave loa a ia e le sau ko Nepukatenesale ki Papilone mo nea gaoi mauiga o le fale tapu o le Eteleno. Ti na fakanofo loa e ia ke sau i Suta mo Selusalemi a Setesiasi, taina o Sosakini.

Esaia 13:1

Ko le folafola kikite ki Papilone, leia na fakasa kia Esaia, vosa o Amotesito.

Selemia 13:19

Kua maponopono a kolo o le potu saute, E leaise tasi ke fakamavaa ia latou ; Kua ave popula a Suta katoa, Kua ave katoa a ia o fakapopula.

Selemia 27:20

Ala na leaise too e Nepukatenesale, sau o Papilone, i le aso leia na ave popula ai e ia mei Selusalemi ki Papilone a Sekonia, vosa o Sosakimi, sau o Suta, mo le kau lalasi fuli o Suta mo Selusalemi.

Selemia 28:4

E pati le Eteleno : E kau toe fakaliliu mai loa ki le ganea leinei a Sekonia, vosa o Sosakimi, sau o Suta, mo le kau popula fuli o Suta, ala na ano ki Papilone ; talie e kau fatii loa le amo a le sau o Papilone.

Selemia 29:1

Ko leinei le kanofi o le tosi leia na ave e le polofeta ko Selemia mei Selusalemi ki le toetoega o le kau matua i le popula, mo le kau faisakilifisio, mo le kau polofeta mo le kakai katoa, ala na ave popula e Nepukatenesale ki Papilone,

Selemia 29:2

I le oki o le mavae mei Selusalemi o le sau ko Sekonia, mo le sau fafine, mo le kau enuke, mo le kau pule o Suta mo Selusalemi, mo le kau fai papa, mo le kau fai ukamea.

Selemia 37:1

Na sau loa Setesiasi, vosa o Sosiasi, o fetogi Sekonia, vosa o Sosakimi, ti na fakanofo loa a ia ke sau i le fenua o Suta e Nepukatenesale, sau o Papilone.

Esekiele 17:4

Ti na too loa e ia le laa leia na taualuga oki i laa fuli, o ave a ia ki se fenua fai koloa, o tuku a ia ki se kolo o ni tagata fai koloa.

Esekiele 19:9

Na lotou fakapiki loa se mama ki lona isu, ti na lotou tuku loa a ia ki se kisi, Ti na lotou ave loa a ia ki le sau o Papilone ; Ti oki na lotou taki loa a ia ki se kolo makeke, O tupu ke aua na toe logo ki lona leo i aluga o mauga o Iselaele.

Amosi 3:7

Talie e leaise fai e le Aliki, le Eteleno, se nea e tasi, Kae e leikiaise fakasa e ia a ia ki ana tagata fakasausau ko le kau polofeta.

Amosi 7:1

Na fakasa mai loa e le Aliki, le Eteleno, le tio leinei kiate au : Ko leinei, na fai e ia ni seseivaka, I le temi leia na kamata sosomo ai le mutie ; I le oki o le uluaki tuuti leia na fai ki le sau.

Amosi 7:4

Na fakasa mai loa kiate au e le Aliki, le Eteleno, le tio leinei : Ko leinei, na fakasa e le Aliki, le Eteleno, le tautea ki le afi ; Ti na kai e le afi le vanu loloto, Ti na kai foki e ia le faisaga.

Amosi 7:7

Na fakasa mai loa e ia le tio leinei kiate au : Ko leinei, na tuu le Aliki i se paa sako, Ti na too e ia se nivo i lona lima.

Sakalia 1:20

Na toe fakatio loa au e le Eteleno ki ni tagata fai ukamea e toka fa.

Sakalia 3:1

Na fakatio loa e ia au kia Sosue, le tagata faisakilifisio lasi, leia na tuu i mua o le aselo o le Eteleno, ti mo Satana leia na tuu i lona fetuu atamai o fakalakasala a ia.