7 Koia e pati ai le Eteleno : E soko mai loa a aso, Ala e leaise toe pati ai loa : E mauli le Eteleno, A ia leia na fakamavae ia i le fenua o Esipito a fanau o Iselaele !
I le aso lena, e toe falo loa e le Aliki o tua lua lona lima Ke toe totogi le toetoega o lona kakai, Leia na mavetevete i Asilia mo Esipito, I Patolosi mo Etiopia, I Elame, i Sineale ti mo Amate, Ti mo atu motu o le tai.
Kae e kau fakatasi loa le toega o laku kau ovi Mei fenua fuli ala na kau kapu latou ki ai. E kau aumai loa latou ki lolatou lotoa ; E lotou fanaunau loa ti mo liuliuga loa.
E pati le Eteleno : E soko mai loa a aso, ti e kau toe aumai loa le kau popula o loku kakai ko Iselaele mo Suta ; e kau toe aumai loa latou ki le fenua leia kua kau soli ki olatou tamana, ti e lotou maua loa a ia.