Selemia 23:4 - Tosi Tapu

⁴ E kau fakanofo loa kia latou ni kau tausi manu Ala e fagai ia loa latou. E leaise lotou toe i loa, pe toe gagae loa, Ti e leaise puli loa se ovi e tasi, e pati le Eteleno.

Selemia 23:4 ပူးပေါင်းရင်းမြစ်များ

Esaia 11:11

I le aso lena, e toe falo loa e le Aliki o tua lua lona lima Ke toe totogi le toetoega o lona kakai, Leia na mavetevete i Asilia mo Esipito, I Patolosi mo Etiopia, I Elame, i Sineale ti mo Amate, Ti mo atu motu o le tai.

Selemia 30:10

Ti ko koe, Sakopo, laku tagata fakasausau, aua na ke i, e pati le Eteleno ; Aua na loto gaegae, Iselaele ! Talie e kau saofaki loa a koe i le kele mamao, E kau saofaki loa lou sakoga i le fenua leia na nofo popula ai. E toe liliu loa Sakopo, ti e fiafia loa a ia i le malolo mo le fimalie, Ti e leaise toe fakaveli loa se tasi kiate ia.

Selemia 31:10

Atu puleaga, kotou fakalogo mai ki le folafola a le Eteleno, Ti kotou fakasa ia i atu motu mamao ! Kotou pati : Ko leia na fakamavetevete ia Iselaele e toe fakatasi ia loa a ia, Ti e taupau loa e ia a ia ofaipe le tagata tausi manu e taupau ia lana kau manu.

Selemia 33:26

E kau tiaki loa le sakoga o Sakopo mo Tavite, laku tagata fakasausau, Ti e leaise kau toe too loa i lona sakoga latou ala e pule loa Ki fanau a Apalaamo, mo Isaake, mo Sakopo. Talie e kau toe aumai loa lolatou kau popula, ti e kau alofa loa kia latou.

Esekiele 36:11

E kau liuliuga loa kia koutou a tagata mo manu ; E lotou liuliuga loa mo fanaunau loa ; E kau loto ke kotou nofo i le fenua ofaipe le temi mua, Ti e kau tapuaki loa kia koutou o lasi ake i le temi mua ; Ti e kotou iloa loa ko au ko le Eteleno.

Levitiko 26:9

E kau tokaga loa kia koutou o tapuakii koutou, mo fakafanaunau koutou, ti e kau taofi mau loa laku sai kia koutou.

Mikea 4:4

E lotou nonofo loa le tagata taki tasi i lalo o lana vite mo lona fiki, Ti e leaise toe fakamamae loa latou e se tasi ; Talie kua masau le gutu o le Eteleno o kau tau.

Mikea 5:2

Koia leia e tuku ai loa e ia lona kakai O kaku ki le temi leia e fanau ai loa leia e tonu ke liliu o tinana, Ti ko le toega o ona fetaina E toe liliu mai loa ki fanau o Iselaele.

Mikea 7:14

Eteleno, fagai lou kakai ki lau laakau, le kau manu o lou tofiga, Leia e nofo toka tasi i le vaomatua i loto malie o le Kalemelo ! Ke lotou kai i Pasani mo Kalaate, Ofaipe aso o le temi mua.

Sofoni 3:13

E leaise toe fai loa e toetoega o Iselaele se agaveli, E leaise lotou toe fai loa se loi, Ti e leaise toe maua loa i lolatou gutu se alelo kaka ; Kae e lotou kai loa, e lotou malolo loa, ti e leaise toe fakaveli loa se tasi kia latou.

Numelo 31:49

Ti na lotou pati loa kia Moisese : Kua lau e au tagata fakasausau a tagata solia ala na fakalogo kia matou, ti ko leinei e leaise puli fua se fa toka tasi o matou.

Soane 17:12

I laku koi nofo mo latou i le malama nei, na kau taupau latou i lou suafa. Na kau taupau latou ala na ke soli mai kiate au, ti na leaise puli se tasi o latou, kae gato fai ki le vosa o le malaia, o tupu ke fakasoko ai le Tosi.

Soane 18:9

Na fai e ia le pati lena, o tupu ke fakasoko le folafola leia na fakasa e ia : Na leaise kau tuku ke puli se tasi fua o latou ala na ke soli mai kiate au.

Uluaki tosi a Petelo 1:5

kia koutou ala kua taupau i le makeke o le Atua ki le tui ki le fakamauli leia kua teuteu ke fakasa i temi fakamuli !