Selemia 23:3 - Tosi Tapu

³ Kae e kau fakatasi loa le toega o laku kau ovi Mei fenua fuli ala na kau kapu latou ki ai. E kau aumai loa latou ki lolatou lotoa ; E lotou fanaunau loa ti mo liuliuga loa.

Selemia 23:3 ပူးပေါင်းရင်းမြစ်များ

Pesalemo 106:47

Fakamauli matou, Eteleno, ko lomatou Atua ! Ti ke ke fakatasii mai matou mei loto malie o atu puleaga, O tupu ke motou fakafetai ki lou suafa maokioki, Ti ke motou maua loa lomatou kololia i le fakamalo kiate koe !

Selemia 16:15

Kae pati loa : E mauli le Eteleno, A ia leia na fakamavae ia fanau a Iselaele i le fenua o le potu noleto, Ti mo fenua fuli ala na kapu e ia latou ki ai ! E kau aumai loa latou ki lolatou fenua, Leia na kau soli ki olatou tamana.

Selemia 29:14

E pati le Eteleno, e kau tuku loa ke kotou maua au, ti e kau toe aumai loa okoutou kau popula. E kau fakatasii loa koutou mei puleaga fuli, mei ganea fuli ala na kau kapu koutou ki ai, e pati le Eteleno, ti e kau toe aumai loa koutou ki le ganea leia na kau ave ai koutou o fakapopula.

Selemia 30:10

Ti ko koe, Sakopo, laku tagata fakasausau, aua na ke i, e pati le Eteleno ; Aua na loto gaegae, Iselaele ! Talie e kau saofaki loa a koe i le kele mamao, E kau saofaki loa lou sakoga i le fenua leia na nofo popula ai. E toe liliu loa Sakopo, ti e fiafia loa a ia i le malolo mo le fimalie, Ti e leaise toe fakaveli loa se tasi kiate ia.

Selemia 30:3

E pati le Eteleno : E soko mai loa a aso, ti e kau toe aumai loa le kau popula o loku kakai ko Iselaele mo Suta ; e kau toe aumai loa latou ki le fenua leia kua kau soli ki olatou tamana, ti e lotou maua loa a ia.

Selemia 31:7

Talie e folafola le Eteleno, o pati : Kotou kalaga fakafiafia kia Sakopo, Kotou sua fakafiafia i mua o atu puleaga ! Kotou kalaga leo lasi, kotou sua ni fakafetai, ti kotou pati : Eteleno, fakamauli lou kakai, le toetoega o Iselaele !

Selemia 31:8

Ko leinei, e kau aumai latou mei le fenua o le potu noleto, E kau fakatasi latou mei potupotu o le malama nei ; E kau ia latou le kivi mo le kito, Le fafine tinae mo leia e fanau ; Ko se kakai lasi ai, leia e toe liliu mai ki leinei.

Selemia 32:37

Ko leinei, e kau fakatasi mai loa latou mei fenua fuli ala na kau kapu latou ki ai, I loku mamae, mo loku sausau, mo loku fitaa lasi ; E kau toe aumai loa latou ki le ganea leinei, Ti e kau fakanonofo loa latou i ai, i le fimalie.

Selemia 46:27

Ti ko koe, laku tagata fakasausau ko Sakopo, aua na ke i ; Aua na ke tuania, Iselaele ! Talie e kau saofaki loa a koe i le kele mamao, E kau saofaki loa lou sakoga i le fenua leia e popula ai ; E toe liliu mai loa Sakopo, e fiafia loa a ia i le malolo mo le fimalie, Ti e leaise toe fakamamae loa a ia e se tasi.

Selemia 50:19

E kau toe aumai loa Iselaele ki lona nofoaga ; E maua loa e ia ona faisaga mutie i Kalemelo mo Pasani, Ti e makona loa lona laumalie i le mauga o Efalaimi mo Kalaate.

Selemia 8:3

E malie ake loa le mate i le mauli kia latou fuli ala e toe loa i le kakai agaveli lena, i ganea fuli ala na kau kapu loa latou ki ai, e pati le Eteleno o kau tau.

Esekiele 11:17

Koia e ke pati ai loa : E folafola le Aliki, le Eteleno, o pati : E kau toe fakatasi loa koutou i loto malie o atu puleaga, E kau too loa koutou i fenua ala na kotou mavetevete ai, Ti e kau tuku loa kia koutou le fenua o Iselaele.

Esekiele 36:11

E kau liuliuga loa kia koutou a tagata mo manu ; E lotou liuliuga loa mo fanaunau loa ; E kau loto ke kotou nofo i le fenua ofaipe le temi mua, Ti e kau tapuaki loa kia koutou o lasi ake i le temi mua ; Ti e kotou iloa loa ko au ko le Eteleno.

Esekiele 36:24

E kau too loa koutou i loto malie o atu puleaga, ti e kau fakatasii loa koutou i fenua fuli, ti e kau aumai loa koutou ki lokoutou fenua.

Esekiele 36:37

E folafola le Aliki, le Eteleno, o pati : Ko leinei foki le tasi a nea leia e kau tuku ai loa le fale o Iselaele ke kalaga mai kiate au, ti e kau fai loa kia latou, o fakaliliu ona tagata ke api ofaipe manu o se kau manu.

Levitiko 26:9

E kau tokaga loa kia koutou o tapuakii koutou, mo fakafanaunau koutou, ti e kau taofi mau loa laku sai kia koutou.

Mikea 2:12

E kau fakatasi fuli loa a koe, ei Sakopo ! E kau fakatasi loa a toetoega fuli o Iselaele, E kau fakatasi loa latou ofaipe ni ovi o se fale manu, Ofaipe se kau manu i lolatou lotoa manu ; E i ai loa se logoa lasi o tupu ko le lasi o tagata.

Mikea 7:12

I le aso lena, e au loa au fanau kiate koe, Mei Asilia mo kolo o Esipito, Mei laugutu o vaitafe o Esipito, Mei se tai ki se tasi a tai, mei se mauga ki se tasi mauga.