Selemia 22:9 - Tosi Tapu

⁹ Ti e tali loa kia latou : Talie na lotou tiaki Le sai a le Eteleno, lolatou Atua, Talie na lotou punou i mua o ni atua kese, ti na lotou tausi kia latou.

Selemia 22:9 ပူးပေါင်းရင်းမြစ်များ

Uluaki tosi o Sau 9:8

Ti e logo ai le mauiga o le fale leinei, ko le tagata leia e fakalaka loa i ona tafa, e punamauli loa mo mapu loa ki ai, o pati : Kolea kua fai feneeki ai e le Eteleno ki le fenua leinei mo le fale leinei ?

Lua tosi o Sau 22:17

Talie na lotou tiaki au ti na lotou momoli ni nea fakamanogi ki ni taulaatua, o tupu ke kau itaita ai ki gaoiaga fuli o olatou lima, e vilo loa loku itaita ki le ganea leinei, ti e leaise toe taofi loa a ia.

Lua tosi o Koloniko 34:25

Talie na lotou tiaki au kae lotou momoli ni kaloni ki ni iki ake atua, ke kau itaita ai ki gaoiaga fuli o olatou lima, kua maligi loa loku sausau ki le ganea leinei ti e leaise toe taofi loa a ia.

Selemia 11:10

Kua lotou toe liliu ki agasala o olatou uluaki tamana, Ala na leaise fia fakalogo ki aku folafola, Ti na lotou ano ki ni iki ake atua kese, o tausi latou. Na maumaui e le fale o Iselaele mo le fale o Suta laku sai, Leia na kau fai mo olatou tamana.

Selemia 11:3

Pati kia latou : E folafola le Eteleno, le Atua o Iselaele, Malaia le tagata leia e leaise fakalogo ki folafola o le sai leinei,

Selemia 16:11

Ti ke tali loa kia latou : Na tiaki au e okoutou tamana, e pati le Eteleno, Na lotou mulimuli i ni atua kese, Na lotou tausi kia latou ti na lotou punou i olatou mua. Na lotou tiaki au, ti na leaise lotou tausi laku lao.

Selemia 50:7

Ko latou fuli ala na maua ia latou na kai ia latou, Ti na pati olatou fili : E leaise motou sala fua, Talie na lotou agasala ki le Eteleno, ki le nofoaga o le faitotonu, Ki le Eteleno, le amanaki malie o olatou tamana.

Selemia 9:13

E pati le Eteleno : E tupu na lotou tiaki laku lao, Leia na kau tuku ki olatou mua. E tupu na leaise lotou fakalogo ki loku leo, ti Na leaise lotou mulimuli ki ai.

Esekiele 12:16

Kae e kau fakatoe loa ia latou ni tagata Ala e sao loa i le seleta, mo le oge, ti mo le taumasaki, O tupu ke lotou fakamatala alatou aga fakalialia fuli I puleaga ala e lotou ano loa ki ai. Ti e lotou iloa loa ko au ko le Eteleno.

Esekiele 14:23

E lotou fakapelepelei loa koutou, mo ka kotou tio loa ki olatou mauli mo alatou gaoi ; ti e kotou fakamaoki loa na leaise kau fai noa a nea fuli ala na kau fai ki Selusalemi, e pati le Aliki, le Eteleno.

Esekiele 39:23

Ti e iloa loa e atu puleaga na tupu ko ana agasala Leia na ave ai le fale o Iselaele ki le popula, Na tupu ko ana agatuu kiate au ; Koia na kau fufu ai oku mata kia latou, Ti na kau tuku ai latou ki lima o le fili, O tupu ke lotou mamate fuli i le seleta.

Esekiele 5:15

E ke soko loa ko se nea nukinukii, mo se nea fakalumaluma, mo se faifaitakiaga ti mo se nea fakaii ki puleaga fuli ala e takatakai ia a koe, mo ka kau fakasoko loa kiate koe aku fakamaauaga i se sausau lasi mo ni valoki mamafa, - ko au, le Eteleno, leia e masau, -

Tetelonome 29:24

e pati loa puleaga fuli ana : Kolea na fai fenaaki ai e le Eteleno ki le fenua leinei ? Kolea kua veli fenaaki ai le sausau o le Eteleno ?