Selemia 22:6 - Tosi Tapu

⁶ Talie e folafola le Eteleno ki le fale o le sau o Suta, o pati : E ke fai kiate au pe Kalaate, pe le tumutumu o le mauga o Lipane ; Kae e maoki e kau fakaliliu loa a koe ko se toafa, Ko se kolo sala kakai.

Selemia 22:6 ပူးပေါင်းရင်းမြစ်များ

Senesi 37:25

Na lotou tonatona loa ki lalo o kai. Na lotou tio loa ki se fanoga a se kau Isemaele. Na lotou au mei Kalaate, ti na lotou ano ki Esipito. Na amo e alatou kamelo ni laakau fakamanogi, mo ni kaloni, mo se mila.

Pesalemo 107:34

Le kele mauli ko se kele kaka, O tupu ko le agaveli o lona kakai.

Katiko o Katiko 4:1

E ke fulumalie ai, ei loku alofaaga, e ke fulumalie ai ! Ko ou mata ko ni lupe, I muli o lou pulou. Ko lou lau ulu e faipe se kau koti, leia e kalulu i le mauga o Kalaate.

Katiko o Katiko 5:15

Ko ona vae ko ni pou malepe tea, Na fakatuu i ni fakavae aulo mea. Ko lona agaaga e faipe le Lipane, Na fulumalie ofaipe le sete.

Esaia 27:10

Talie kua tuu toka tasi le kolo tau, Ti kua liliu a ia ko se nofoaga kua tiaki noa mo lavaki ofaipe se toafa ; E kai mutie i ai le uviki pipi, e moe a ia i ai, ti e kai lau laakau a ia i ai.

Esaia 37:24

I au tagata fakasausau kua ke lauveli ki le Aliki, Ti kua ke pati : I le lasi o aku saliote, Na kau kava ki le tumutumu o mauga, Ki potupotu o Lipane ; E kau tuuti loa ona sete lalasi, Mo ona sipele fulumalilie, Ti e kau kaku loa ki lona tumutumu fakaoki, Ki lona vaomatua leia e faipe se faisaga laakau fua ;

Esaia 6:11

Na kau pati : E kaku loa kiafea Aliki ? Ti na tali loa a ia : E kaku loa ki le maumaui o kolo Ti mo lolatou tuku ke lavaki ; E kaku ki le aso leia e leaise toe maua ai loa se tagata i fale, Ti e maumaui ai loa le fenua e le lavaki ;

Selemia 21:11

Ti e ke pati loa ki le fale o le sau o Suta : Kotou fakalogo ki le folafola a le Eteleno !

Selemia 21:14

E kau tautea loa koutou o mulimuli ki fua o akoutou gaoi, e pati le Eteleno ; E kau tuku loa le afi ki lokoutou vaomatua, Ti e kai loa e ia a nea fuli i ona tafatafa.

Selemia 22:24

E pati le Eteleno : E kau mauli ! Ka soko loa Sekonia, sau o Suta, vosa o Sosakimi, Ko se mama i loku lima atamai, E kau taaki loa a koe mei ai.

Selemia 26:18

Na kikite a Mikea, mei Moleseti, i le temi o Esekiasi i Suta, ti na pati a ia ki le kakai katoa o Suta : E folafola le Eteleno o kau tau : E fakamalu loa Sione ofaipe se faisaga, E liliu loa Selusalemi ko se tuuga fatu, Ti mo le mauga o le fale ko se ulu vao lalasi.

Selemia 4:20

E fakasa le malaia ki le malaia, Talie kua maumaui le fenua katoa ; Kua maumaui fakafokifa oku falela, Mo oku puipui i se temi e tasi.

Selemia 4:7

E sopo le laione mei lona ulu vao, Ko leia e maumau ia a atu puleaga e saele, kua mavae a ia i lona nofoaga, Ke maumaui lou fenua. E maumaui loa ou kolo, e leaise toe nofo loa se tasi i ai.

Selemia 50:12

Kae ko leinei, e apele lokoutou tinana i le luma, E nofo i le luma leia na fanaui ia koutou ; E liliu a ia ko le mulimuli o atu puleaga, ko se toafa, ko se kele malo mo kaka.

Selemia 7:34

E kau fakagato loa i kolo o Suta ti mo ala o Selusalemi A kalaga fakafiafia, mo kalaga nekenekea, A sua a le tama feauaki ti mo sua a le taine feauaki ; Talie e liliu loa le fenua ko se toafa.

Selemia 8:22

Pe leaise maua se faitoo i Kalaate ? Pe leai se toketa ? Kolea e leaise fai ai le fakamauli o le taine o loku kakai ?

Selemia 9:11

Io, e kau fakaliliu loa Selusalemi ko se kolo maumau, ko se mumuniaga o kuli vao, Ti e kau fakaliliu loa a kolo o Suta ko se toafa lavaki.

Mikea 3:12

Koia leia, o tupu ko koutou, E kenu ai loa Sione ofaipe se faisaga, E liliu ai loa Selusalemi ko se tuuga fatu, Ti mo le mauga o le fale tapu ko se tumutumu apele i le vao.

Sakalia 11:1

Lipane, fakamavaa ou matapa, Ti ke kai e le afi ou sete !

Numelo 32:1

Na maua e vosa o Lupeni mo vosa o Kate se kau manu lasi ai, ti na lotou tio loa ko le fenua o Saesele mo le fenua o Kalaate ko ni fenua malilie ki le fagai manu.

Tetelonome 3:25

E kau kole atu kiate koe ke fakataga mai kiate au ke fakalaka i le Solotane, o tio ki le fenua malie i leia kauvai, ki ona mauga fulumalilie mo le Lipane.