Selemia 22:5 - Tosi Tapu

⁵ Kae kapau e leaise kotou fakalogo ki folafola anei, e kau fakapapau iate au totonu, e pati le Eteleno, e maumaui loa le fale leinei.

Selemia 22:5 ပူးပေါင်းရင်းမြစ်များ

Senesi 22:16

o pati : E kau fakapapau iate au totonu, folafola a le Eteleno ! Talie na ke fai le nea lena, ti na leaise ke fakafiti mai kiate au lou vosa, lou fuatasi,

Lua tosi o Koloniko 7:19

Kae kapau e kotou maliu kese loa, kapau e kotou tiaki loa aku lao mo aku folafola, ala na kau tosi atu kia koutou, ti kapau e kotou tausi loa ki ni iki ake atua kese, o punou i olatou mua,

Lua tosi o Koloniko 7:21

Ti na logo ai le mauiga kese o le fale leinei, e ofolele loa leia e fakalaka loa i ona tafa, o pati : Kolea kua fai felaaki ai e le Eteleno le fenua leinei mo le fale leinei ?

Lua tosi o Koloniko 7:22

Ti e tali loa kiate ia : O tupu kua lotou tiaki le Eteleno, le Atua o olatou tamana, leia na fakamavae ia latou mei le fenua o Esipito, talie kua lotou pipiki ki ni iki ake atua kese, kua lotou punou i olatou mua, ti kua lotou tausi kia latou ; ko le tupuaga lena o le aumai e le Eteleno kia latou o malaia fuli ana.

Pesalemo 95:11

Koia na kau fakapapau ai i loku ita : E leaise lotou ulu loa ki loku malolo !

Esaia 1:20

Kae kapau e kotou patigataa ti kapau e kotou agatuu, E tafi loa koutou e le seleta, Talie kua folafola le gutu o le Eteleno.

Selemia 12:7

Na kau tiaki loku fale, Na kau tiaki loku tofiga ; Na kau tuku le nea leia na alofa ki ai loku loto ki lima o ona fili.

Selemia 17:27

Kae kapau e leaise kotou fakalogo mo ka kau fakatotonu atu kia koutou Ke fakatapu le aso o le sapato, Ke aua na amo se amoga, Ke aua na fakaulu se amoga i matapa o Selusalemi i le aso o le sapato, Ti e kau tutu loa se afi i matapa o le kolo, Ti e kai loa e ia a fale fakaalialiki o Selusalemi, ti e leaise toe mate loa a ia.

Selemia 26:4

E ke pati loa kia latou : E folafola le Eteleno, o pati : Kapau e leaise kotou fakalogo i le temi leia e kau fakatotonu atu ai kia koutou ke mulimuli i laku lao leia na kau tuku ki okoutou mua,

Selemia 39:8

Ti na tutu loa e le kau Kaletea ki le afi le fale o le sau mo fale o le kakai, ti na lotou maumaui loa a paa o Selusalemi.

Selemia 44:26

Kotou fakalogo mai ki le folafola a le Eteleno, koutou fuli ko kakai o Suta ala e nonofo i le fenua o Esipito ! E pati le Eteleno : Ko leinei, e kau fakapapau i loku suafa taualuga, e leaise toe too loa loku suafa e le gutu o se tagata fuai e tasi o Suta, ti e leaise pati loa se tasi i le fenua katoa o Esipito : E mauli le Aliki, le Eteleno !

Amosi 6:8

Kua fakapapau le Aliki, le Eteleno, iate ia totonu ; Kua pati le Eteleno, le Atua o kau tau : E kau fakalialia ki le fia nealasi o Sakopo, Ti e kau vesia ki ona fale sau ; E kau tuku loa ki le fili le kolo mo nea fuli i loto.

Mikea 3:12

Koia leia, o tupu ko koutou, E kenu ai loa Sione ofaipe se faisaga, E liliu ai loa Selusalemi ko se tuuga fatu, Ti mo le mauga o le fale tapu ko se tumutumu apele i le vao.

Mateo 23:38

Ko leinei, e tuku lavaki loa lokoutou fale kia koutou ;

Epelo 3:18

Ti ko ai ma latou ala na fakapapau loa ki ai le Atua e leaise lotou ulu loa ki lona maloloaga ? Pe leaise ko latou ala na leaise fakalogo ?

Epelo 6:13

Talie ko le Atua, i lana fai le fakapapau kia Apalaamo, na leaise mafai ke fakamaoki a ia i se tasi leia e lasi ake iate ia, koia na fakamaoki loa a ia iate ia totonu,

Epelo 6:17

Koia, i le loto o le Atua ke fakasa lasi kia latou ala e tonu ke maua ia le tofiga o le fakapapau, e leaise toe fetogi loa e ia lana fakapapau, ti na fakamaoki loa e ia a ia ki se sai,