Selemia 22:30 - Tosi Tapu

³⁰ E folafola le Eteleno, o pati : Kotou tosi le tagata leinei e sala fanau, Ofaipe leia e leaise manuia loa i lona mauli, Talie e leaise mafai loa e se tasi o lona sakoga Ke eke i le ekeekeaga fakasau o Tavite, O pule i Suta.

Selemia 22:30 ပူးပေါင်းရင်းမြစ်များ

Sopo 18:19

E leaise maua loa e ia se vosa pe ko se makopuna i lona kakai, Ti e leaise toe mauli loa se tasi i lona famili katoa.

Pesalemo 94:20

Pe fakaeke loa a koe e le kau agaveli ki lolatou ekeekeaga fakasau, Latou ala e fai ia ni fakakaukau veveli ki le lao ?

Selemia 10:21

Na ulu valea le kau tausi manu, Na leaise lotou afa le Eteleno. Koia leia na leaise lotou manuia ai, Ti na mavetevete ai alatou kau manu.

Selemia 2:37

Mei lena foki e ke mavae loa, mo lima i le ulu ; Talie e tiaki e le Eteleno latou ala e ke fanaki ki ai, Ti e leaise ke manuia loa i olatou tafa.

Selemia 22:2

E ke pati loa : Fakalogo mai ki le folafola a le Eteleno, sau o Suta, leia e ekeeke i le ekeekeaga fakasau o Tavite, a koe, mo au tagata fakasausau, mo lou kakai, koutou ala e feanoaki i matapa anei !

Selemia 29:32

Ko leinei le nea leia e fakasa e le Eteleno : E kau tautea loa Semaesa, le tagata Neselami, mo lona sakoga ; e leaise nofo loa se tasi o lona sakoga i loto malie o le kakai lena, ti e leaise tio loa a ia ki le malie leia e kau fai loa ki loku kakai, e pati le Eteleno ; talie ko ana masau ko se agatuu ki le Eteleno.

Selemia 36:30

Koia e folafola le Eteleno kia Sosakimi, sau o Suta, o pati : E leaise eke loa se tasi i lou sakoga i le ekeekeaga fakasau o Tavite, ti e tiaki loa le tino o Sosakimi ki le vevela o le ao mo le momoko o le pouli.

Selemia 52:10

Na fakatotonu loa e le sau o Papilone ke tamate a vosa o Setesiasi i ona mua ; ti na toe fakatotonu foki e ia ke tamate a pule fuli o Suta i Lipela.