Selemia 22:22 - Tosi Tapu

²² E seu loa e le matagi lau kau tausi manu katoa, Ti e ave popula loa latou ala e alofa kiate koe ; Ti e ke luma maoki loa mo matagafua, O tupu ko au agaveli fuli.

Selemia 22:22 ပူးပေါင်းရင်းမြစ်များ

Esaia 64:6

E leaise tasi leia e fetapa ki lou suafa, Leia e ala ake i le usu o pipiki kiate koe : Koia na ke fufu ai ou mata kia matou, Ti na ke tuku ai matou ke mamate i amatou agasala.

Esaia 65:13

Koia e folafola ai le Aliki, le Eteleno, o pati : Ko leinei, e kai loa aku tagata fakasausau, kae e kotou fia kakai loa ; Ko leinei, e inu loa aku tagata fakasausau, kae e kotou fia inu loa ; Ko leinei, e fiafia loa aku tagata fakasausau, kae e kotou luma loa ;

Selemia 10:21

Na ulu valea le kau tausi manu, Na leaise lotou afa le Eteleno. Koia leia na leaise lotou manuia ai, Ti na mavetevete ai alatou kau manu.

Selemia 12:10

E maumaui e ni kau tausi manu toka api laku vite, E lotou takatakafi fakaveliveli laku faisaga ; E lotou fakaliliu le faisaga o oku fiafiaaga ko se toafa, ko se potu lavaki.

Selemia 2:36

Kolea na ke fetogi fakatavili ai lou ala ? Ko Esipito leia e au loa mei ai lou luma, Ofaipe lana au mei Asilia i mua.

Selemia 2:37

Mei lena foki e ke mavae loa, mo lima i le ulu ; Talie e tiaki e le Eteleno latou ala e ke fanaki ki ai, Ti e leaise ke manuia loa i olatou tafa.

Selemia 2:8

Na leaise pati a tagata faisakilifisio : Kofea le Eteleno ? Ko latou ala na maua ia le lao na leaise iloa ia au, Na leaise agatonu le kau tausi ovi kiate au, Na faikikite le kau polofeta i le igoa o Paale, Ti na lotou mulimuli ia latou ala e leaise mafai ke tokoi kia latou.

Selemia 20:11

Kae e nofo le Eteleno mo au ofaipe se tagata toa makeke. Koia leia e tukia ai latou ala e fakaveliveli mai kiate au, ti e leaise lotou malo loa iate au ; E lotou apele loa i le luma talie na leaise soko alatou fakakaukau : Ko se matagafua lee gato lena kia latou, leia e leaise toe galo loa.

Selemia 30:14

Kua galoi a koe e latou fuli ala na alofa kiate koe, E leaise tasi fua koi afa kiate koe ; Talie kua kau taai a koe ofaipe se fili, Io, kua kau tautea fakamakeke a koe, O tupu ko le lasi o au agaveveli, O tupu ko le mauke o au agasala.

Selemia 4:30

Ti ko koe, leia na maumaui, kolea loa ka ke fai ? E ke teu kula loa, e ke tui loa ni nea fakateuteu aulo, E ke pena loa ou mata ki vali ; Kae e leaise aoga fua o lou fakafulumalie, Talie e vesia au feauaki kiate koe, E lotou loto ki lou mauli.

Selemia 5:13

Ko ana kau polofeta ko ni matagi ata, Ti e leaise masau se tasi ia latou. Ke fai kia latou le nea leia e lotou masau ki ai.

Selemia 7:19

Pe ko au leia e lotou fakaitaita ? e pati le Eteleno ; Pe leaise ko latou totonu, Ke lotou luma ai ?

Oseo 12:1

E takatakai au e Efalaimi ki ni loi, Ti mo le fale o Iselaele ki ni kaka ; Koi tuu makeke a Suta ki le Atua, Ki le Maokioki agatonu.

Oseo 13:15

E logo ai le lasi o fua o Efalaimi i loto malie o ona fetaina, E au loa le matagi o le potu Esite, e malaga ake loa le matagi o le Eteleno i le toafa, O fakamalo ia loa ona matapuna, ti mo fakamasa ia loa ona tanakiaga vai. E kaia loa a fale koloa fuli ala e tanaki ai au nea mauiga.

Oseo 4:19

E kofu loa latou e le matagi ki ona kapakau, Ti e lotou luma loa i alatou sakilifisio.

Sakalia 11:17

Malaia ki le tagata tausi manu veli, leia e tiaki ia lana kau ovi ! Ke oso le seleta ki lona lima ti mo lona fa mata atamai ! Ke malo lona lima, Ti ke kivi lona fa mata atamai !

Sakalia 11:8

Na kau kapu loa a tagata tausi ovi e toka tolu i le masina e tasi. Ti na oki a ia, na oki loa le kataki o loku loto kia latou, ti na toe vesia foki olatou loto kiate au.