Selemia 22:20 - Tosi Tapu

²⁰ Pale ki le Lipane, o kalaga ! Kalaga leo lasi ki Pasani ! Kalaga i aluga o Apalimi ! Talie kua fatifati latou fuli ala na alofa kiate koe.

Selemia 22:20 ပူးပေါင်းရင်းမြစ်များ

Lua tosi o Sau 24:7

Na leaise toe mavae loa le sau o Esipito mei lona fenua, talie na too loa e le sau o Papilone a nea fuli a le sau o Esipito, mei le liua o Esipito o kaku ki le vaitafe o Eufalate.

Esaia 57:13

Ka ke tagi loa, pe fakamauli loa a koe e ou taulaatua mauke ? E ave loa latou fuli e le matagi, e seu loa latou e se tukumanava. Kae ko leia e fanaki kiate au e maua ia loa le fenua, Ti e maua ia loa loku mauga maokioki.

Selemia 2:25

Aua na ke makape kilii vae, Iselaele ! Tokaga na malo noa lou fatakia ! Kae e ke pati : Leai, tuku noa au ! Talie e kau alofa ki atua matapule, E kau fia ano kia latou.

Selemia 2:36

Kolea na ke fetogi fakatavili ai lou ala ? Ko Esipito leia e au loa mei ai lou luma, Ofaipe lana au mei Asilia i mua.

Selemia 2:37

Mei lena foki e ke mavae loa, mo lima i le ulu ; Talie e tiaki e le Eteleno latou ala e ke fanaki ki ai, Ti e leaise ke manuia loa i olatou tafa.

Selemia 22:22

E seu loa e le matagi lau kau tausi manu katoa, Ti e ave popula loa latou ala e alofa kiate koe ; Ti e ke luma maoki loa mo matagafua, O tupu ko au agaveli fuli.

Selemia 25:9

E kau kakau loa ke ano o afa mai a atu puleaga fuli o le potu noleto, e pati le Eteleno, ti e kau kakau loa ke au laku tagata fakasausau ko Nepukatenesale, sau o Papilone : E kau kakau mai loa a ia ke au o taui le fenua leinei mo lona kakai, mo puleaga fuli i ona tafatafa, o tupu ke maumaui fuli latou, ti ke fakaliliu le fenua leinei ko se kele maumau, leia ka kata loa ki ai mo mapu loa ki ai i lona fakaii.

Selemia 3:1

E pati a ia : Ka kapu e se tagata lana avaga, Ti e mavae le fafine iate ia, o toe avaga mo se tasi ake tagata, Pe toe liliu loa le uluaki tagata kiate ia ? Leai ! Talie e kelekele loa i ai le fenua. Kae ko koe, Iselaele, na ke faiaga mo ni kau mamana toka api, Ti e ke loto loa ke ke toe liliu mai kiate au ! e pati le Eteleno.

Selemia 4:30

Ti ko koe, leia na maumaui, kolea loa ka ke fai ? E ke teu kula loa, e ke tui loa ni nea fakateuteu aulo, E ke pena loa ou mata ki vali ; Kae e leaise aoga fua o lou fakafulumalie, Talie e vesia au feauaki kiate koe, E lotou loto ki lou mauli.

Tagi laulau a Selemia 1:19

Na kau kalagai oku kaukau nea, ti na lotou kakaai au. Na tukumanava fakaoki aku tagata faisakilifisio mo aku kau matua i le kolo : Na lotou afa se nea kai, Ke toe fakamakeke ai lolatou mauli.

Tagi laulau a Selemia 1:2

E tagi a ia i le pouli, Ti kua apele ona kalaafau i loimata ; E leaise tasi e fakapelepele ia a ia ia latou fuli ala na alofa kiate ia ; Kua agatuu ona kaukau nea fuli kiate ia, Kua lotou liliu ko ona fili.

Esekiele 23:22

Koia, Olipa, e folafola ai le Aliki, le Eteleno, o pati : Ko leinei, e kau lagai au feauaki kiate koe, Latou ala kua vesia ki ai lou loto, Ti e kau aumai loa latou kiate koe mei potu fuli :

Esekiele 23:9

Koia na kau tuku ai a ia ki lima o ana feauaki, Ki lima o fanau o Asilia, Ala na oli makeke a ia ki ai.

Esekiele 27:6

Na lotou fau ou foe ki le sene o Pasani, Ti na lotou fau ou ekeekeaga ki le lei na gaoi i le sete Ti na aumai mei motu o Kitimi.

Numelo 27:12

Na pati loa le Eteleno kia Moisese : Pale ki le mauga lena o Apalimi, o tio ki le fenua leia kua kau soli ki fanau a Iselaele.

Tetelonome 32:49

Ke ke pale ki le mauga o Apalimi, i le tumutumu o le mauga ko Nepo, i le fenua o Moape, i mua o Seliko ; ti ke tio loa ki le fenua o Kanaane leia ka kau soli loa ke maua tofiga e fanau a Iselaele.