Selemia 22:18 - Tosi Tapu

¹⁸ Koia e folafola le Eteleno, o pati kia Sosakimi, vosa o Sosiasi, sau o Suta : E leaise tagi loa kiate ia, o pati : Oiau, loku taina ! Oiau loku tuagaane ! E leaise tagi loa kiate ia, o pati : Oiau, aliki ! Oiau, lona agai !

Selemia 22:18 ပူးပေါင်းရင်းမြစ်များ

Lua tosi a Samuele 1:26

E kau mamae, o tupu ko koe, Sonatane, loku taina ! Na ke fakatupu ia loku fiafia katoa, Na fulumalie kese ai lou alofa kiate au, O lasi ake i le alofa o fafine.

Uluaki tosi o Sau 13:30

Na tanu loa e ia lona tino i le tanuma, ti na fetagisi loa kiate ia, o pati : Oiau ! loku taina !

Lua tosi o Sau 23:36

Na sau loa Sosakimi i lona fetuu kau lua tupu lima, ti na sau a ia i fetuu e kau agafulu tupu tasi i Selusalemi, na igoa lona tinana ko Seputa, taine o Petasa, mei Luma.

Lua tosi o Sau 23:6

Na too loa e ia mei le fale o le Eteleno le fakatata o Asetalate, leia na ave loa e ia ki le tua kolo o Selusalemi ki le liua o Setolone ; na tutu loa e ia a ia i le liua o Setolone o okioki, ti na laku loa e ia le mugalafu ki tanuma o fanau o le kakai.

Lua tosi o Sau 24:6

Na mate loa Sosakimi. Ti na sau loa Sosakini, lona vosa, o fetogi a ia.

Uluaki tosi o Koloniko 3:15

Ko vosa o Sosiasi : ko le uluaki ko Sokanane ; ko le lua ko Sosakimi ; ko le tolu ko Setesiasi ; ko le fa ko Salume.

Lua tosi o Koloniko 35:25

Na fai loa e Selemia se lau mate o Sosiasi ; na masau a tagata sua fuli mo fafine sua fuli kia Sosiasi i alatou sua o kaku mai ki le aso nei, ti na lotou fakatuu loa a ia ko se agai fenua i Iselaele. Kua tosi a sua ana i tosi o tagi laulau.

Lua tosi o Koloniko 36:5

Na sau Sosakimi i lona fetuu kau lua tupu lima, ti na sau loa a ia i fetuu e kau agafulu tupu tasi i Selusalemi. Na fai loa e Sosakimi le nea leia e veli ki mata o le Eteleno, lona Atua.

Selemia 16:4

E lotou mamate loa i le masaki veli ; E leaise tagi loa kia latou, ti e leaise tanu loa latou ; E lotou fai loa pe le nea fakagako kele i aluga o le kele ; E lotou mamate loa i le seleta mo le oge ; Ti e liliu loa olatou tino ko le nea kai a manu lele o le lagi mo manu o le vao.

Selemia 16:6

E mamate loa a kakai lalasi mo toe liliki i le fenua leinei ; E leaise tanu loa latou ; E leaise tagi loa kia latou, E leaise toe vaku loa a mata pe tele loa a ulu kia latou.

Selemia 21:11

Ti e ke pati loa ki le fale o le sau o Suta : Kotou fakalogo ki le folafola a le Eteleno !

Selemia 22:10

Aua na kotou tagi ki leia kua mate, Ti aua na kotou tagi laulau kiate ia ; Kotou tagi, kotou tagi ki leia e ano, Talie e leaise toe liliu mai loa a ia, E leaise toe tio loa a ia ki le fenua leia na tupu ai.

Selemia 22:12

Kae e mate loa a ia i le ganea leia e ave popula a ia ki ai, Ti e leaise toe tio loa a ia ki le fenua leinei.

Selemia 34:5

E ke mate loa i le tokamalie ; ti e tutu loa ni kaloni kiate koe ofaipe lona tutu ki ou tamana, a sau afea ala na mua iate koe, ti e tagi loa kiate koe, o pati : Oiau aliki ! Ko au leia kua fakasa ia le folafola leinei, e pati le Eteleno.

Selemia 36:30

Koia e folafola le Eteleno kia Sosakimi, sau o Suta, o pati : E leaise eke loa se tasi i lou sakoga i le ekeekeaga fakasau o Tavite, ti e tiaki loa le tino o Sosakimi ki le vevela o le ao mo le momoko o le pouli.