Selemia 22:16 - Tosi Tapu

¹⁶ Na fakamaau e ia i le faitotonu le mativa mo le fakaaloalofa, Ti na manuia a ia. Pe leaise ko lena loku iloa ? e pati le Eteleno.

Selemia 22:16 ပူးပေါင်းရင်းမြစ်များ

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Pesalemo 109:31

Talie e tuu a ia i le fetuu atamai o le tagata mativa, O saofaki a ia ia latou ala e fakamaau ia a ia.

Pesalemo 36:10

Talie e iate koe le matapuna o le mauli. I lou malama e motou tio ai ki le malama.

Pesalemo 9:10

Ko le Eteleno ko se mumuniaga ki le tagata leia e fakavelivelii, Ko se mumuniaga i le temi o le mamae.

Taagapati 31:9

Masau lou gutu, fakamaau i le faitotonu, O puipui le mativa mo le fakaaloalofa.

Esaia 1:17

Kotou ako le fai o le nea e malie, kotou afa le faitotonu, Kotou puipui leia e fakavelivelii ; Kotou fai le nea e totonu ki le toe sala matua, Kotou puipui le fafine lokonui,

Selemia 5:28

Kua lotou pepeti, ti kua lotou gigila ; Kua lotou fakalaka i fuafua fuli o le veli ; E leaise lotou fakamaau i le faitotonu, E leaise lotou fakamaau i le faitotonu le toe sala matua, leia e tonu ke malo i lona fakamaau ; E leaise lotou fai le nea e totonu ki le kau mativa.

Selemia 9:16

E kau fakamavetevete loa latou i ni atu puleaga, Ala na leaise lotou iloa, e latou ti mo olatou tamana, Ti e kau kakau loa le seleta i olatou muli O kaku ki laku maumaui latou fuli.

Selemia 9:24

Kae ko leia e loto ke fakakololia, ke fakakololia a ia O tupu ko lana maua se atamai ti mo lana iloa au, Lana iloa ko au ko le Eteleno Leia e fai ia le agamalie, mo le lao, mo faitotonu i le malama nei ; Talie ko lena le nea e kau fiafia ai, e pati le Eteleno.

Selemia 9:3

E lotou maua le alelo kita ofaipe se kalolo ti e lotou fana le loi ; E leaise lotou makeke i le fenua o tupu ko le maoki ; Talie e lotou ano mei le agaveli ki le agaveli, Ti e leaise lotou iloa au, e pati le Eteleno.

Mikea 6:8

Na fakasa kiate koe, ei tagata, le nea leia e malie ; Ti ko le nea leia e kole atu e le Eteleno kiate koe, Ke ke fai le nea leia e totonu, Ke ke alofa ki le manava alofa, Ti ke ke saele mo lou Atua i le agamalu.

Soane 16:3

Ti e lotou fai loa a nea ana kia koutou, talie na leaise lotou iloa le Tamana, pe ko au.

Soane 17:3

Ti ko leinei le mauli lee gato, ke lotou iloa a koe, leia ko le Atua maoki fai e tasi, ti mo leia na ke kakau ia mai, Sesu-Kilisito.

Soane 17:6

Kua kau fakasa lou suafa ki tagata ala na ke soli mai kiate au mei loto malie o le malama nei. Ko tagata latou a au, ti na ke soli mai latou kiate au ; ti kua lotou fakalogo ki lau folafola.

Soane 8:19

Na lotou pati loa kiate ia : Kofea lou Tamana ? Na tali loa Sesu : E leaise kotou iloa fua au, pe ko loku Tamana. Kanapau na kotou iloa au, e kotou iloa foki loku Tamana.

Tito 1:16

E lotou pati kua lotou iloa le Atua, kae e lotou fakafiti kiate ia i alatou gaoi : talie e lotou aga fakalialia, mo patigataa, ti e leaise lotou mafai ia fua se gaoi malie e tasi.

Uluaki tosi a Samuele 2:2

E leaise tasi e maokioki ofaipe le Eteleno ; E leaise tasi ake Atua kese iate koe ; E leaise utu ofaipe lomatou Atua.