Selemia 22:13 - Tosi Tapu

¹³ Malaia kiate leia e laga ia lona fale i le lee faitotonu, Ti e fakalasi ia ona lau fata i le agaveli, Leia e fakagaoi ia lona oloi kae leaise totogi, Kae leaise se soli kiate ia lona totogi !

Selemia 22:13 ပူးပေါင်းရင်းမြစ်များ

Lua tosi o Koloniko 36:4

Ti na fakanofo loa e le sau o Esipito ke sau i Suta mo Selusalemi a Eliakimi, taina o Soakase ; ti na fetogi loa e ia lona igoa ki leia o Sosakimi. Na too loa e Neko lona taina ko Soakase, o ave a ia ki Esipito.

Lua tosi o Koloniko 36:5

Na sau Sosakimi i lona fetuu kau lua tupu lima, ti na sau loa a ia i fetuu e kau agafulu tupu tasi i Selusalemi. Na fai loa e Sosakimi le nea leia e veli ki mata o le Eteleno, lona Atua.

Sopo 31:39

Ti kapau na kau kai noa ona fua kae e leaise kau totogi a ia, Ti na kau fakamamae a loto o ona uluaki pule ;

Esaia 5:8

Malaia kia latou ala e kauga ko le fakatuu fale, Ti mo latou ala e kauga fai ko le fai o ni faisaga, O fakaoki ake e leaise koi maua se ganea lauatea, Ti kua lotou nonofo tefua i le fenua katoa !

Selemia 17:11

Ofaipe se miti leia e ofaki ia ni fua ala na leaise fakato e ia, E fenaaki leia e tanaki ia ni koloa lee faitotonu ; I le loto malie o ona aso e tonu ke tuku e ia latou, Ti i le fakaoki e fai a ia pe se vale.

Selemia 22:18

Koia e folafola le Eteleno, o pati kia Sosakimi, vosa o Sosiasi, sau o Suta : E leaise tagi loa kiate ia, o pati : Oiau, loku taina ! Oiau loku tuagaane ! E leaise tagi loa kiate ia, o pati : Oiau, aliki ! Oiau, lona agai !

Levitiko 19:13

Aua na ke pulei fakaveli loa lou oloi, ti aua na ke too fakamakeke loa se nea iate ia. Aua na ke taofi loa o kaku ki le apogipogi le totogi o le tagata gaoi.

Mikea 3:10

Koutou ala e fakatuu ia Sione ki le toto, Ti mo Selusalemi ki le agaveli !

Apakuki 2:12

Malaia ki leia e fakatuu ia se kolo ki le toto, Leia e fakatuu ia se kolo ki le agaveli !

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Tetelonome 15:13

Ti ka ke tuku loa a ia ke mavae lauatea mei lou fale, ke aua na ke kakau loa a ia ke ano mo ona lima ata.

Sakopo 5:4

Ko leinei, e tagi le totogi o le kau gaoi, ala na tuuti ia akoutou faigasaga, kae na kotou taofi olatou totogi ; ti kua kaku a tagi a latou ala na tuuti ki taliga o le Aliki o kau tau.