Selemia 21:7 - Tosi Tapu

⁷ E pati le Eteleno : I le oki o le nea lena, e kau tuku loa Setesiasi, sau o Suta, mo ana tagata fakasausau, mo le kakai, mo latou o le kolo leinei ala na sao loa mei le taumasaki, mo le seleta, mo le oge, ti e kau tuku loa latou ki lima o Nepukatenesale, sau o Papilone, mo lima o olatou fili, mo lima o latou ala e loto ki lolatou mauli ; ti e taai loa latou e Nepukatenesale ki le mata o le seleta, ti e leaise fakamauli loa e ia latou, ti e leaise maua loa e ia se ga alofa pe ko se ga manava alofa e tasi.

Selemia 21:7 ပူးပေါင်းရင်းမြစ်များ

Esaia 27:11

Ka malo a laa o laakau, e fati latou ; E au a fafine o tutu latou. E maoki ko se kakai sala atamai a ia : Koia na leaise alofa ai kiate ia leia na fakatupu ia a ia, Ti na leaise fakamolemole ai kiate ia leia na fau ia a ia.

Esaia 47:6

Na kau ita ki loku kakai, Ti na kau fakakelekele loku tofiga ; Ti na kau tuku latou ki ou lima : Kae na leaise ke maua fua kia latou se manava alofa, Ti na ke fakamamafa lau laakau ki le matua.

Selemia 13:14

E kau fakafetege loa latou fuli ke mafaafaa, A tamana mo vosa fakatasi, e pati le Eteleno ; E leaise kau fakasao loa, e leaise kau alofa loa, e leaise kau manava alofa loa, E leaise taofi loa a au e se nea ke maumaui latou.

Selemia 14:12

Kapau e lotou sesunio, e leaise kau fakalogo loa ki alatou tagi ; Kapau e lotou momoli ni failaulau mo ni moliga, e leaise kau tali loa latou ; Talie e kau loto ke maumaui latou ki le seleta, mo le oge, mo le taumasaki.

Selemia 15:5

Ko ai e alofa loa kiate koe, Selusalemi ? Ko ai e mamae loa kiate koe ? Ko ai e ano loa o afa pe ke feaki ?

Selemia 15:9

Ko le fafine leia na fanaui ia ni vosa e fitu e gaegae, E tuku e ia lona laumalie ; E to lona laa kae koi ao ; E matagafua a ia, e apele a ia i le luma. Ko latou ala e toe, e kau tuku latou ki le seleta i mua o olatou fili, E pati le Eteleno.

Selemia 19:7

E kau maumaui loa i le ganea leinei le fakakaukau a Suta mo Selusalemi ; E kau tamate loa laua ki le seleta i mua o olatou fili, Ti mo le lima o latou ala e loto ki lolatou mauli ; E kau soli loa olatou tino ke kai E manu lele o le lagi mo manu o le kele.

Selemia 20:4

Talie E folafola le Eteleno, o pati : E kau tuku loa a koe ki le mamae, a koe mo ou kaukau nea fuli ; e lotou mamate loa i le seleta o olatou fili, ti e tio tonu loa ou mata ki ai. E kau tuku foki mo Suta katoa ki lima o le sau o Papilone, ala e ave popula ia loa latou ki Papilone, ti e tamate loa e ia latou ki le seleta.

Selemia 22:25

E kau tuku loa a koe ki lima o latou ala e loto ki lou mauli, Ki lima o latou ala e ke lulu i olatou mua, Ki lima o Nepukatenesale, sau o Papilone, Ki lima o le kau Kaletea.

Selemia 27:6

Ti ko leinei, kua kau tuku a fenua fuli anei ki lima o Nepukatenesale, sau o Papilone, ko laku tagata fakasausau ; ti kua kau soli foki kiate ia a manu o faisaga ke fakalogo kiate ia.

Selemia 32:4

Ti e leaise sao loa Setesiasi, sau o Suta i le kau Kaletea, kae e tuku loa a ia ki lima o le sau o Papilone, ti e masau totonu loa a ia kiate ia, ti e tio loa ona mata ki ona mata.

Selemia 34:3

Ti ko koe, e leaise ke sao loa i ona lima, kae e too loa a koe o tuku ki ona lima, ti e tio loa ou mata ki mata o le sau o Papilone, ti e masau totonu loa a ia kiate koe, ti e ke ano loa ki Papilone.

Selemia 36:29

Ti e ke fakasa loa le nea leinei o uiga mo Sosakimi, sau o Suta : E folafola le Eteleno, o pati : Na ke tutu le tosi lena, o pati : Kolea na ke tosi ai a folafola anei : E au loa le sau o Papilone, o maumaui le fenua leinei, ti e tamate loa e ia a tagata mo manu ?

Selemia 37:17

Na kakau loa e le sau ko Setesiasi ke afa mai Selemia kiate ia, ti na fakavelii fakafufu loa a ia e le sau i lona fale, o pati : Pe i ai se folafola mei le Eteleno ? Na tali loa Selemia : E io. Ti na toe pati loa a ia : E tuku loa a koe ki lima o le sau o Papilone.

Selemia 50:17

Ko Iselaele ko se ovi na sese noa, Leia na kapu e laione ; Na uluaki kai a ia e le sau o Asilia ; Ti na gugu ona ivi e Nepukatenesale, sau o Papilone.

Tagi laulau a Selemia 2:20

Tio, Eteleno, tio pe ko ai leia na ke fai fenaaki ! Pe tonu ke kai e fafine a fua o olatou manava, A toe memea ala e lotou alofa mamae ki ai ? Pe tonu ke tamate a tagata faisakilifisio mo polofeta i le sagatualio o le Aliki ?

Tagi laulau a Selemia 2:22

Na ke kalagai kiate au mei potu fuli oku fili, ofaipe se aso lasi. I le aso o le sausau o le Eteleno, na leaise sao pe mauli se fa toka tasi. Ko latou ala na kau tokaga ki ai ti na kau taupau Na tamate latou e loku fili.

Esekiele 23:28

Talie e folafola le Aliki, le Eteleno, o pati : Ko leinei, e kau tuku a koe ki lima o latou ala e ke vesia ki ai, Ki lima o latou ala kua maliu ai lou loto.

Esekiele 7:9

E leaise alofa loa loku mata kiate koe, Ti e leaise kau toe maua loa se manava alofa, E kau fakaamo loa kiate koe ou ala, Ti e tuku loa i ou mua au aga fakalialia. Ti e kotou iloa loa ko au ko le Eteleno, leia e tautea ia.

Esekiele 8:18

Ko au foki, e kau gaoi loa o mulimuli ki loku sausau ; e leaise toe aloalofa loa loku mata, ti e leaise kau toe maua loa se manava alofa ; ka lotou tagi leo lasi loa ki oku taliga, e leaise kau fakalogo loa kia latou.

Esekiele 9:10

Ko au foki, e leaise kau toe aloalofa loa, ti e leaise kau toe maua loa se manava alofa ; kae e kau fakato loa alatou gaoiaga ki olatou ulu.

Tetelonome 28:50

se puleaga leia e fakaii, ti e leaise fakaapaapa ki le matua sina, ti e leaise alofa ki fanau liliki.