Selemia 21:2 - Tosi Tapu

² Afa le finegalo o le Eteleno kia tatou ; talie ko leinei kua au Nepukatenesale, sau o Papilone, o taui tatou ; E lagi fai loa e le Eteleno kia tatou se milakulo ke fakamamao ai Nepukatenesale meia tatou.

Selemia 21:2 ပူးပေါင်းရင်းမြစ်များ

Senesi 10:10

Na uluaki sau loa a ia i Papele, mo Eleki, mo Akati ti mo Kalene, i le fenua ko Sinea.

Lua tosi o Sau 1:3

Kae na pati loa le aselo o le Eteleno kia Elia, tagata Tisipe : Tuu ki aluga, ti ke ano o fakafetaulaki ki tagata avelogo a le sau o Samalia, ti ke pati kia latou : Pe leaise Atua i Iselaele, leia e kotou ano ai o afa kia Paale-Sepu, atua o Ekeloni ?

Lua tosi o Sau 17:24

Na aumai loa e le sau o Asilia ni kakai mei Papilone, mo Kuta, mo Ava, mo Amate, mo Sefalevaimi, ti na fakanonofo loa e ia latou i kolo o Samalia, o fetogi ai fanau a Iselaele. Na lotou maua loa Samalia, ti na lotou nonofo loa i ona kolo.

Lua tosi o Koloniko 32:21

Koia na kakau ai loa e le Eteleno se aselo ke tamate ia i le nofolaga tau o le sau o Asilia le kau tagata makeke fuli, mo le kau taki tau, ti mo le kau pule tau. Ti na toe liliu loa le sau o Asilia ki lona fenua mo se luma lasi ai. Na ulu loa a ia ki le fale o lona atua, ti na tamate loa a ia i ai ki le seleta e ona vosa totonu ala na au mei ona tootooga.

Ekesote 9:28

Kolua kole ki le Eteleno ke taofi le mana mo le ua fatu ; ti e kau tuku loa koutou ke ano, talie e leaise kau toe taofi loa koutou.

Esaia 48:2

Talie e lotou igoa ki le kolo maokioki, Ti e lotou fanaki ki le Atua o Iselaele, Leia ko lona igoa ko le Atua o kau tau.

Selemia 15:11

Na pati loa le Eteleno : E maoki, e ke maua loa se apogipogi manuia ; E maoki, e kau fakamakeke loa ki le fili ke fai kiate koe ana kole fakamolemole, I le aso o le malaia ti mo le aso o le mamae.

Selemia 21:3

Na tali loa Selemia kia latou : E kotou pati loa kia Setesiasi :

Selemia 32:17

Ei Aliki Eteleno, Ko leinei, kua ke fakatupu le lagi mo le kele I lou mafimafi lasi mo lou lima falo : E leaise faigataa fua se nea kiate koe.

Selemia 32:24

Ko leinei, kua laga ni palepale tau ki le kolo ti kua lotou valoki a ia. E tuku loa le kolo ki lima o le kau Kaletea ala e osoi ia a ia, Ti e lava loa a ia i le seleta, mo le oge, ti mo le taumasaki. Kua soko le nea leia na ke pati ki ai, ti e ke tio ki ai.

Selemia 34:1

Na folafola loa le Eteleno kia Selemia, o pati, i le temi leia na fai ai le tau ki Selusalemi mo kolo fuli ala na fakalogo kiate ia, e Nepukatenesale, sau o Papilone, mo lana solia katoa, mo puleaga fuli ala na fakalogo kiate ia, mo kakai fuli.

Selemia 37:17

Na kakau loa e le sau ko Setesiasi ke afa mai Selemia kiate ia, ti na fakavelii fakafufu loa a ia e le sau i lona fale, o pati : Pe i ai se folafola mei le Eteleno ? Na tali loa Selemia : E io. Ti na toe pati loa a ia : E tuku loa a koe ki lima o le sau o Papilone.

Selemia 37:3

Na kakau loa e le sau ko Setesiasi a Sukale, vosa o Selemia, mo Sofoni, vosa o Maasesa, le tagata faisakilifisio, ke ano o pati kia Selemia, le polofeta : Ulufaki matou ki le Eteleno, lotatou Atua.

Selemia 37:7

E folafola le Eteleno, le Atua o Iselaele, o pati : E kotou pati loa ki le sau o Suta leia na kakau ia mai koutou ke au o afa loku finegalo : Ko le solia leia a Falaone na au ke saofaki koutou, kua toe liliu ki lona fenua i Esipito ;

Esekiele 7:26

E soko le malaia ki le malaia, E muli le logo veli i le logo veli ; E lotou afa ni tio ki polofeta ; E leaise koi iloa e le kau faisakilifisio le lao, E leaise koi maua e le kau matua ni tokoi.

Tuifakamaau 20:27

Ti na afa loa e fanau a Iselaele ki le Eteleno, - na nofo loa le aleka o fakapapau a le Atua i le ganea lena,

Uluaki tosi a Samuele 10:22

Na toe afa loa ki le Eteleno : Pe na i ai se tasi tagata kese na au ki leinei ? Ti na pati loa le Eteleno : E mumuni a ia i kavega.

Uluaki tosi a Samuele 28:15

Na pati loa Samuele kia Saulo : Kolea na ke fakavisi ai ki laku malolo, o fakapale mai au ? Na tali loa Saulo : E kau nofo i se i lasi ai : talie kua taui au e le kau Filisitini, ti kua mamao le Atua iate au ; na leaise tali mai e ia kiate au, i se polofeta pe i ni moe miti. Ti na kau kalagai a koe ke ke fakasa mai le nea leia e tonu ke kau fai.

Uluaki tosi a Samuele 28:6

Na afa loa e Saulo le finegalo o le Eteleno ; kae na leaise tali fua le Eteleno kiate ia, pe i ni moe miti, pe i le ulimi, pe i le kau polofeta.