Selemia 20:9 - Tosi Tapu

⁹ Kapau e kau pati : E leaise kau toe masau loa kiate ia, E leaise kau toe masau loa i lona suafa, E i ai i loku loto ofaipe se afi kaka, Leia e nofo i oku ivi. E kau faiga ke taofi a ia, kae e leaise kau mafai a ia.

Selemia 20:9 ပူးပေါင်းရင်းမြစ်များ

Pesalemo 39:3

Na kau nofo fakalologo, na leaise kau masau ; Na kau fakaleemu, logo loku mamae, Kae na asilisili ake loku mamae.

Selemia 23:29

Pe leaise fai laku folafola pe se afi, e pati le Eteleno, Pe se amale leia e fatifati ia le fatu ?

Selemia 23:9

Ki le kau polofeta. Kua fatifati loku loto iate au, Ti kua lulu oku ivi fuli. Kua kau faipe se tagata kona, Pe se tagata kua kona i se vino, O tupu ko le Eteleno, o tupu ko ana folafola maokioki.

Selemia 4:19

Oi loku manava, oi loku manava ! E kau mamae i loku mafu. Kua ta vave loku mafu, e leaise koi mafai laku fakalologo ; O tupu kua ke logo, ei loku laumalie, ki le pupusi o le fakatagi, Ki le kalaga o le tau.

Selemia 6:11

Kua kau apele i le sausau o le Eteleno, e leaise koi mafai ke kau taofi a ia i loku loto. Liligi a ia ki le toe ikiiki i le ala, Ti mo le fakatasiga a le kau tupulaga. Talie e too loa le tagata mo le fafine, Le matua ti mo leia kua mafaia i fetuu.

Esekiele 3:14

Ti na siki loa au e le Laumalie, o ave. Na kau ano loa i le loto mamae mo le loto itaita, kae na gaoi makeke le lima o le Eteleno kiate au.

Esekiele 3:3

Na pati mai loa a ia kiate au : Vosa o le tagata, fagai lou manava ti fakaapele ou tootooga ki le takaiga tosi leia e kau soli atu kiate koe ! Na kau kai loa a ia, ti na suamalie loa a ia i loku gutu ofaipe le sua meli.

Amosi 3:8

E gugulu le laione : Ko ai e leaise i loa ? E folafola le Aliki, le Eteleno : ko ai e leaise kikite loa ?

Sonasi 1:2

Ke ke tuu ki aluga, o ano ki Ninive, ki le kolo lasi, ti ke kalaga ki ai ! Talie kua kaku mai ki oku mua lana agaveli.

Sonasi 1:3

Kae na tuu ake loa Sonasi, ke sola ki Talesisi, o mamao mei mata o le Eteleno. Na ifo loa a ia ki Safo, ti na maua loa e ia i ai se vaka leia na teuteu folau ki Talesisi ; ti na totogi loa e ia lona tosi folau, ti na eke loa a ia ke ano mo le kau folau ki Talesisi, o mamao mei mata o le Eteleno.

Luka 9:62

Na tali loa Sesu kiate ia : Ko leia e teki lona lima ki le saliote, ti toe tio ki muli, e leaise aoga a ia ki le puleaga o le Atua.

Gaoi 17:16

I le talitali a Paulo kia laua i Atena, na logoi loa e ia se ita i lona loto, i lana tio ki le apele o le kolo lena i taulaatua.

Gaoi 18:5

Kae, i le kaku mai a Silasi mo Timoteo mei Masetonia, na tokaga ata loa a ia ki le folafola, o fakasa ki le kau Sutea ko Sesu ko le Kilisito.

Gaoi 4:20

talie e leaise mafai ke aua na ma masau ki le nea leia kua ma tio mo logo ki ai.