Selemia 20:5 - Tosi Tapu

⁵ E kau tuku loa a koloa fuli o le kolo leinei, mo fua fuli o lana gaoi, mo ana nea mauiga fuli, ti e kau tuku loa a koloa fuli o sau o Suta ki lima o olatou fili, ala e maumaui ia loa latou, mo too ia loa latou, ti mo ave ia loa latou ki Papilone.

Selemia 20:5 ပူးပေါင်းရင်းမြစ်များ

Lua tosi o Koloniko 36:10

I leia ake fetuu, na ave loa a ia e le sau ko Nepukatenesale ki Papilone mo nea gaoi mauiga o le fale tapu o le Eteleno. Ti na fakanofo loa e ia ke sau i Suta mo Selusalemi a Setesiasi, taina o Sosakini.

Esaia 39:6

Ko leinei, e soko mai loa ni aso, ti e fetuku loa ki Papilone a nea fuli ala e maua i lou fale ti mo nea fuli ala na tanaki e ou tamana o kaku mai ki le aso nei ; ti e leaise toe toe loa se nea fua e tasi, ko le folafola lena a le Eteleno.

Selemia 12:12

E au le kau maumau mei potu taualuga fuli o le toafa, Talie e kai e le seleta a le Eteleno le fenua mei le potu ki le potu ; E leaise tokamalie ki se tagata e toka tasi.

Selemia 15:13

E kau soli noa au nea malilie mo ou koloa fufu ke kaia, O tupu ko au agasala fuli, i lou fenua katoa.

Selemia 17:3

E kau tuku ke kaia loku mauga mo ona faisaga, mo au nea malilie, mo ou koloa fufu fuli, Ti mo ou ganea taualuga, o tupu ko au agasala, i lou fenua katoa.

Selemia 3:24

Na kai e taulaatua le fua o gaoi o omatou tamana Talu mei lomatou liliki, Alatou ovi mo alatou pipi, olatou vosa ti mo olatou taineliki.

Selemia 32:24

Ko leinei, kua laga ni palepale tau ki le kolo ti kua lotou valoki a ia. E tuku loa le kolo ki lima o le kau Kaletea ala e osoi ia a ia, Ti e lava loa a ia i le seleta, mo le oge, ti mo le taumasaki. Kua soko le nea leia na ke pati ki ai, ti e ke tio ki ai.

Selemia 39:2

I le fetuu kau agafulu tupu tasi o Setesiasi, i le aso iva o le masina fa, na fai loa se pu i le kolo,

Selemia 39:8

Ti na tutu loa e le kau Kaletea ki le afi le fale o le sau mo fale o le kakai, ti na lotou maumaui loa a paa o Selusalemi.

Selemia 4:20

E fakasa le malaia ki le malaia, Talie kua maumaui le fenua katoa ; Kua maumaui fakafokifa oku falela, Mo oku puipui i se temi e tasi.

Tagi laulau a Selemia 1:10

Na falo e le tagata fakaveliveli lona lima Ki nea mauiga fuli na maua e ia ; Na tio a ia ki le ulu o atu puleaga ki lona sagatualio, Ala na ke tapui ki ai ke ulu ki lau fakatasiga.

Tagi laulau a Selemia 1:7

I aso o lona mamae mo lona fakaaloalofa, na manatui loa e Selusalemi A nea malilie fuli na maua e ia talu i le temi mua, I le temi leia na vilo ai lona kakai ki lima o leia na fakaveliveli ia a ia sala tokoi ; Na tio ona fili kiate ia, ti na lotou kakata i lona vilo.

Tagi laulau a Selemia 4:12

Na leaise tui a sau o malama nei, Na leaise tui se tasi fua i le kakai o le malama nei, E ulu loa le fili I matapa o Selusalemi.

Esekiele 22:25

Kua kau fakatasi ana kau polofeta i loto o ona ; ofaipe ni laione fekai ala e sae ia alatou nea kai, ti kua lotou kai a laumalie, ti kua lotou too a koloa mo nea mauiga, ti kua lotou fakaapi le kau fafine lokonui i loto malie o ona.

Taniela 1:2

Na tuku loa e le Aliki ki ona lima Sosakimi, sau o Suta, mo se potu o nea gaoi o le fale tapu o le Atua. Na ave loa e Nepukatenesale a nea gaoi ki le fenua o Sinea, ki le fale o lona atua, ti na tuku e ia a nea gaoi ki le fale koloa o lona atua.

Oseo 13:15

E logo ai le lasi o fua o Efalaimi i loto malie o ona fetaina, E au loa le matagi o le potu Esite, e malaga ake loa le matagi o le Eteleno i le toafa, O fakamalo ia loa ona matapuna, ti mo fakamasa ia loa ona tanakiaga vai. E kaia loa a fale koloa fuli ala e tanaki ai au nea mauiga.