Selemia 20:3 - Tosi Tapu

³ I le ala usu ake, na fakamavae loa e Pasule a Selemia mei le pilisoni. Ti na pati loa Selemia kiate ia : E leaise ko le igoa leia ko Pasule e tuku atu e le Eteleno kiate koe, kae ko leia o Makole-Misapipe.

Selemia 20:3 ပူးပေါင်းရင်းမြစ်များ

Senesi 17:15

Na pati loa le Atua kia Apalaamo : Aua na ke toe soli loa kia Salai lou avaga, le igoa ko Salai ; kae e igoa loa a ia ko Sala.

Senesi 17:5

E leaise toe igoa loa a koe ko Apalamo ; kae e ke igoa loa ko Apalaamo, talie e kau fakaliliu loa a koe ko le tamana o ni puleaga mauke.

Senesi 32:28

Ti na toe pati loa le tagata : E leaise toe igoa loa a koe ko Sakopo, kae e ke igoa loa ko Iselaele ; talie na ke poko mo le Atua ti mo ni tagata, ti kua ke malo.

Pesalemo 31:13

Kua galoi au e loto ofaipe se tagata leia kua mate, Kua kau faipe se ipu leia kua maumau.

Esaia 8:3

Na kau momoe loa mo laku avaga, le fafine polofeta ; na tinae loa a ia, ti na fanaui loa e ia se tama. Na pati mai loa le Eteleno kiate au : Fakaigoa a ia ko Maele-Salale-Kase-Pase.

Selemia 19:2

Ano ki le vaivailiua o Pene-Inome, leia e tuu i le uluaga o le matapa o ipu kele ; ti e ke fakasa loa a folafola ala e kau tuku atu loa kiate koe i le ganea lena.

Selemia 19:6

Koia ko leinei, e pati le Eteleno : E soko mai loa a aso, Ala e leaise toe fakaigoa ai loa le ganea leinei Ko Tofete pe ko le vaivailiua o Pene-Inome, Kae e fakaigoa loa a ia ko le vaivailiua o le matea.

Selemia 20:10

Talie e kau logo ki masau veli a le toka api kiate au : Kua taka le fakaii i potu fuli. Kotou tukugavelii a ia, ti e motou tukugavelii loa a ia ! Kua lamalama au e latou fuli ala na tokamalie mo au pe kau siga, o pati : E siga loa a ia i se temi ti tou tapo loa a ia, Ti e tou pule loa kiate ia, E tou totogi loa kiate ia !

Selemia 29:29

Na lau loa e Sofoni, le tagata faisakilifisio, le tosi lena i mua o le polofeta ko Selemia.

Selemia 46:5

Kolea e kau tio ki ai ? E lotou i, e lotou solomuli ; Kua lava olatou tagata toa ; Kua lotou sosola, e leaise lotou toe tio ki muli… Kua takatakai latou e le i, e pati le Eteleno.

Selemia 6:25

Aua na kotou ano ki faisaga, Aua na kotou saele i ala, Talie e nofo i ai le seleta a le fili, Ti e taka le mate i le takatakai katoa !

Selemia 7:32

Koia e pati ai le Eteleno : Ko leinei, e soko mai loa ni aso ala e leaise toe pati ai loa ko Tofete mo le vaivailiua o Pene-Inome, Kae e pati loa ko le vaivailiua o le matea tagata, Ti e tanu loa a mate i Tofete, talie e leaise koi maua se ganea.

Tagi laulau a Selemia 2:22

Na ke kalagai kiate au mei potu fuli oku fili, ofaipe se aso lasi. I le aso o le sausau o le Eteleno, na leaise sao pe mauli se fa toka tasi. Ko latou ala na kau tokaga ki ai ti na kau taupau Na tamate latou e loku fili.

Esekiele 13:9

E vilo loa loku lima ki le kau polofeta Ala e fai ia ni tio vaiga mo ni kikite loi ; E leaise lotou toe kau loa i le fakatasiga o loku kakai, E leaise tosi loa latou i le tosi o le fale o Iselaele, Ti e leaise lotou ulu loa ki le fenua o Iselaele. Ti e kotou iloa loa ko au ko le Aliki, le Eteleno.

Gaoi 16:30

Ti na taki loa e ia laua ki fafo, o pati : Ei aliki, kolea e tonu ke kau fai ke kau mauli ai ?