Selemia 20:2 - Tosi Tapu

² Ti na paai loa e Pasule le polofeta ko Selemia, ti na velo loa e ia a ia ki le pilisoni leia na tuu i le matapa aluga o Pesamino, i le fale o le Eteleno.

Selemia 20:2 ပူးပေါင်းရင်းမြစ်များ

Uluaki tosi o Sau 13:4

I le logo a le sau ki le masau a le tagata a le Atua ki le aletale o Petele, na siki loa lona lima mei le aletale, o pati : Kotou too a ia ! Ti ko le lima o Selopoamo leia na siki kiate ia na mate noa, ti na leaise mafai loa ke toe peluki a ia.

Uluaki tosi o Sau 22:27

E ke pati loa : Ko leinei le masau a le sau : Kotou velo le tagata leinei ki le pilisoni, ti kotou fagai loa a ia ki le pane mo le vai o le mamae, o kaku ki laku toe liliu mai i le tokamalie.

Lua tosi o Koloniko 16:10

Na ita veli loa Asa ki le polofeta, ti na tuku loa e ia a ia ki le pilisoni, o tupu ko lona vesia ki folafola ana. Ti na fakavelivelii loa e Asa i le temi lena ni iki o le kakai.

Lua tosi o Koloniko 18:23

Ti na fakafeofi ake loa kiate ia Setesiasi, vosa o Kenaana, o paai le kalaafau o Mikea, o pati kiate ia : Ko le ala fea leia na ulu atu ai le laumalie o le Eteleno iate au, o masau kiate koe ?

Lua tosi o Koloniko 24:21

Ti na fono loa e le kakai ke tamate a ia, ti na lotou tuki fatui loa a ia o mulimuli ki le fakatotonu a le sau, i le lotoa o le fale o le Eteleno.

Sopo 13:27

Kolea kua ke nonoa ai oku vae ki le tafito vite, Ti kua ke leoleo ai aku taugaoi fuli, o kaku ki le tosi o fakamailoga o oku lakaaga !

Sopo 33:11

Kua saisai e ia oku vae ki le tafito vite, Ti kua leoleo e ia aku nea fuli e fai.

Selemia 1:19

E lotou tau loa kiate koe, kae e leaise lotou malo loa iate koe ; talie e pati le Eteleno : E kau nofo mo koe o saofaki a koe.

Selemia 26:10

I le logo a le kau pule o Suta ki nea ana, na lotou pale loa mei le fale o le sau ki le fale o le Eteleno, o nonofo i le uluaga o le matapa foou o le fale o le Eteleno.

Selemia 26:8

Ti koi fakaoki e Selemia le fakasa o nea fuli ala na fakatotonu e le Eteleno kiate ia ke tuku ki le kakai katoa, na too loa e le kau faisakilifisio, mo le kau polofeta, mo le kakai katoa a Selemia, o pati : E ke mate loa !

Selemia 29:26

Kua fakanofo a koe e le Eteleno ko le tagata faisakilifisio o fetogi Seosata, le tagata faisakilifisio, o tupu ke i ai i le fale o le Eteleno ni tagata ke leoleo ia latou fuli ala e valea mo fia polofeta, o velo latou ki le pilisoni mo fakamaumau ki ni tini.

Selemia 36:26

Kae na fakatotonu loa e le sau kia Selasemeele, ko se tasi i le famili sau, mo Selasa, vosa o Aseliele, mo Selemia, vosa o Apeteele, ke lotou too Paluke, le sekalaipe, mo Selemia, le polofeta. Kae na fufu loa laua e le Eteleno.

Selemia 37:13

I lana kaku ki le matapa o Pesamino, na i ai se tagata pule o le kau leo, leia na igoa ko Sileisa, vosa o Selemia, vosa o Anania ; ti na na taofi loa e ia le polofeta ko Selemia, o pati kiate ia : E ke sola ki le kau Kaletea !

Selemia 37:21

Ti na fakatotonu loa e le sau ko Setesiasi ke ave Selemia ki le malae o le fale pilisoni, ti ke soli kiate ia i aso taki tasi se fa pane e tasi mei le ala o le kau tao pane, o kaku ki le oki o le pane i le kolo. Ti na nofo loa Selemia i le malae o le fale pilisoni.

Sakalia 14:10

E liliu loa le fenua katoa ofaipe le fenua tokamalie, mei Kepa o kaku ki Limoni I le potu saute o Selusalemi ; Ti e malaga loa Selusalemi ki aluga ti e tuu loa a ia i lona tuuaga, Mei le matapa o Pesamino o kaku ki le uluaki matapa, O kaku ki le matapa o agele, Ti mei le tule o Ananeele o kaku ki tatauaga vino o le sau.

Mateo 21:35

Kae na too loa e le kau tagata faivite a tagata fakasausau, ti na lotou sasa loa le tasi, ti tukipooi le lua, ti tuki fatui le tolu.

Gaoi 4:3

Ti na lotou too loa laua, o velo ki le pilisoni o kaku ki leia ake aso ; talie ko le afiafi lena.

Gaoi 5:18

ti na lotou too lima loa le kau apositolo, o fakaulu ki le pilisoni lasi.

Gaoi 5:40

Ti na lotou loto tasi loa mo ia. Ti na lotou kalagai loa le kau apositolo, o fakatotonu ke sasa latou ki ni laakau, ti na lotou tapui loa kia latou le masau i le suafa o Sesu, ti na lotou tuku ake loa latou.

Gaoi 7:52

Ko ai i le kau polofeta na leaise fakavelivelii e okoutou tamana ? Na lotou tamate ala na fakasa fakatomua ia le saele mai o le Tagata Agatonu e Tasi, leia na kotou fakatau i aso anei, ti kua kotou tamate,

Apokalipisi 17:6

Ti na kau tio loa ki le fafine lena kua kona i le toto o le kau sagato ti mo le toto o le kau fakamaoki a Sesu. Ti na kau punamauli lasi ai i laku tio kiate ia.

Apokalipisi 2:10

Aua na ke i ki le nea leia e ke mamae ai loa. Ko leinei, e ti loa e le Tiapolo ni iki o koutou ki le pilisoni, o tupu ke asiasii ai koutou, ti e kotou maua loa se mamae i aso e kau agafulu. Ke ke agatonu o kaku ki le mate, ti e kau soli loa kiate koe le pala o le mauli.