Selemia 2:8 - Tosi Tapu

⁸ Na leaise pati a tagata faisakilifisio : Kofea le Eteleno ? Ko latou ala na maua ia le lao na leaise iloa ia au, Na leaise agatonu le kau tausi ovi kiate au, Na faikikite le kau polofeta i le igoa o Paale, Ti na lotou mulimuli ia latou ala e leaise mafai ke tokoi kia latou.

Selemia 2:8 ပူးပေါင်းရင်းမြစ်များ

Uluaki tosi o Sau 18:22

Ti na pati loa Elia ki le kakai : Ko au toka tasi na toe i le kau polofeta a le Eteleno, kae ko tino lelau e fa mo le tino lima le kau polofeta a Paale.

Uluaki tosi o Sau 18:29

I le sili loa o le lalatea, na lotou folafola fakakikite loa o kaku ki le lakaga leia e momoli ai le failaulau. Kae na leaise logo fua ki se leo, mo se tali, ti mo se fakamailoga.

Uluaki tosi o Sau 18:40

Na pati loa Elia kia latou : Kotou too le kau polofeta a Paale, ke aua na sola loa se tasi ia latou ! Ti na tapo loa latou e le kakai. Ti na fakaifo loa latou e Elia ki le liua o Kisoni, ti na tamate loa e ia latou i ai.

Sopo 35:10

Kae e leaise pati fua se tasi : Kofea le Atua, loku tupuaga, Leia e tuku ia ki loku loto ni sua fiafia i le pouli,

Esaia 28:7

Kae ko latou foki, kua lotou sisiga i le vino, Ti kua lotou ninimo o tupu ko kava makeke ; Kua sisiga a tagata faisakilifisio mo polofeta i kava makeke, Kua pule le vino kia latou ; Kua lotou maua ni ninimo o tupu ko kava makeke ; Kua lotou sisiga i le faikikite, Kua lotou matuletule i le fai fakamaau.

Esaia 29:10

Talie kua liligi e le Eteleno kia koutou se laumalie o le tulemoe ; Ti kua tapono e ia okoutou mata, kau polofeta, Ti kua puloui e ia okoutou ulu, kau faikikite.

Esaia 30:5

E lotou luma fuli loa o tupu ko se kakai leia e leai loa sona aoga fua kia latou, Pe ke fakamauli ia latou, pe ke tokoi kia latou, Kae e fakatupu ia loa lolatou luma ti mo lolatou mamae.

Selemia 10:21

Na ulu valea le kau tausi manu, Na leaise lotou afa le Eteleno. Koia leia na leaise lotou manuia ai, Ti na mavetevete ai alatou kau manu.

Selemia 12:10

E maumaui e ni kau tausi manu toka api laku vite, E lotou takatakafi fakaveliveli laku faisaga ; E lotou fakaliliu le faisaga o oku fiafiaaga ko se toafa, ko se potu lavaki.

Selemia 16:19

Eteleno, ko koe ko loku makeke, ko loku fanakiaga, ko loku mumuniaga i le aso o le mamae ! E au loa kiate koe a atu puleaga mei potupotu o le kele, Ti e lotou pati loa : Ko loi ata a lotu o omatou tamana, E leaise uiga fua ti e leaise aoga fua a taulaatua.

Selemia 18:18

Ti na lotou pati : Kotou au, tou fonofono kia Selemia ! Talie e leaise puli loa le lao mo kapau e leaise maua ni tagata faisakilifisio, Pe ko le tokoi, mo kapau e leaise maua ni kau poto, Pe ko le folafola, mo kapau e leaise maua ni kau polofeta. Kotou au, tou tamate a ia ki le alelo ! Aua na tou tokaga ki ana masau !

Selemia 2:11

Pe i ai se puleaga leia e fetogi ia ona atua, Logo ai e leaise ko ni atua latou ? Kae na fetogi e loku kakai lona kololia ki se nea leia e leai sona ga aoga fua !

Selemia 2:6

Na leaise lotou pati : Kofea le Eteleno, Leia na fakamavae ia matou i le fenua o Esipito, Leia na taki ia matou i le toafa, I se kele malo mo apele i popoko, I se kele leia e pule ai le taulaa mo le malu o le mate, I se kele leia e leaise ano ai fua se tasi, Ti e leaise nofo ai fua se tasi ?

Selemia 4:22

Kua valea maoki loku kakai, e leaise iloa e ia au ; Ko ni fanau valelea mo sala atamai latou ; E lotou popoto i le fai o le veli, Kae e leaise lotou iloa le fai o le malie.

Selemia 5:31

E faikikite le kau polofeta i le loi, Ti e kau fakatasi mo latou le kau faisakilifisio, o pule faifaitalisa, Ti e fiafia loku kakai i le nea lena. Kolea e kotou fai loa i le fakaoki ?

Selemia 7:8

Kae ko leinei, e kotou fanaki ki ni amanaki kaka, ala e leai sona aoga.

Selemia 9:14

E tupu na lotou mulimuli ki oli o olatou loto, Ti na lotou ano i muli o Paale, Ofaipe lona ako kia latou e olatou tamana.

Esekiele 22:26

Kua maumaui e ona tagata faisakilifisio laku lao, ti kua lotou fakakelekele ia oku sagatualio, ti e leaise lotou iloa le kesekese o le nea taputapu mo le nea fakamalama, ti e leaise lotou fakasa ke iloa le kesekese o le nea kelekele mo le nea mea, ti kua lotou fakamaliu olatou mata i aku sapato, ti kua fakalialiai au i loto malie o latou.

Esekiele 34:2

Vosa o le tagata, kikite ki le kau tausi manu o Iselaele ! kikite, o pati kia latou, ki le kau tausi manu : E folafola le Aliki, le Eteleno, o pati : Malaia ki le kau tausi manu o Iselaele, latou ala e fagai ia latou totonu ! Pe leaise tonu ke fagai e le kau tausi manu le kau manu ?

Oseo 4:6

Kua maumau loku kakai, talie e puli iate ia loku iloa. O tupu na ke tiaki loku iloa, E kau tiaki loa a koe, ti e too loa iate koe laku tuulaga fakapelepitelo ; O tupu na ke galoi le lao o lou Atua, E kau galoi loa au fanau.

Apakuki 2:18

Kolea le aoga o se fakatata ta, ke tupu ai lona ta e se tagata tufuga ? Kolea le aoga o le fakatata ukamea saka leia e ako ia le loi, Ke tupu ai le tuku e le tagata lana fanaki kiate ia, Kae ko le maoki e lolotoga fau e ia ni taulaatua gutu mate ?

Mateo 16:26

Ti kolea lona aoga ki se tagata ke maua e ia le malama nei katoa, kae e puli noa lona laumalie ? pe kolea e soli loa e se tagata ke totogi ai lona laumalie ?

Luka 11:52

Malaia kia koutou, kau toketa o le lao ! Talie na kotou too le kalavi o le poto ; na leaise kotou ulu a koutou totonu, ti na kotou tapui ke ulu latou ala na fia ulu ki ai.

Soane 16:3

Ti e lotou fai loa a nea ana kia koutou, talie na leaise lotou iloa le Tamana, pe ko au.

Soane 8:55

kae e leaise kotou iloa fua a ia ; ko au, e kau iloa a ia ; ti kapau e kau pati e leaise kau iloa a ia, e kau tatau loa mo koutou, ko se tagata gutu loiloi. Kae e kau iloa a ia, ti e kau fai lana folafola.

Lua tosi ki le kau Kolinto 4:2

Kae kua ma tiaki a nea fakalumaluma ala e fai fakafufu, ti e leaise ma fai ia ni nea fakakaka, ti e leaise ma fulusi ia le folafola a le Atua. Kae e ma fakasa ia le maoki, ti e ma tuku ia maua ki le loto o tagata fuli i mua o le Atua.

Tetelonome 33:10

E lotou ako au akonaki kia Sakopo, Mo lau lao ki Iselaele ; E lotou tuku le iseso ki ou pogoisu, Mo le failaulau ki lou aletale.

Uluaki tosi a Samuele 12:21

Aua na kotou maliu kese loa meiate ia ; talie na kotou muli loa i ni nea noa, ala e leaise aoga, ti e leaise saofaki ia, talie ko nea noa.

Uluaki tosi a Samuele 2:12

Ko vosa o Eli ko ni tagata agaveveli, na leaise la iloa le Eteleno.